2007年5月3日 星期四

絮絮不休

其實有冇人知點解今日都己經係農曆十七,個月光都係仲咁圓咁光咁大呢?我依三晚一直睇,覺得個月光真係好大呀,係咪我既錯覺?

--------------------
我有個朋友既細佬行樓梯跌親,其實只係兩三尺高,但係可能無情力太大,腳踝骨碎裂,入左醫院二個禮拜,今日剛剛做完第二次手術,未知幾時可以出院.

佢係做一個外支架手術,即係要用金屬釘打穿d骨來固定位置,等骨可以生返,係一個幾複雜既手術.原來咁大件事,我最先仲好on居地問個手術痛吾痛添.

佢要三個月先可以拆個外支架,成六至九個月先可以完全康復.好彩既係,吾會有後遺症,只係需要比d骨多d時間慢慢生返.

朋友話,其實健健康康已經好幸福,人真係會有無莽之災既.

係囉,做乜我地要坐在度sun依樣,sun果樣呢?

---------------------
今日聽左一個好悲傷既故仔,雖然吾包一定係真人真事,但係我都當左係真既咁聽. 人生都真係幾話吾埋嫁,可以一下子失去晒所有你最重要最愛既親人.

---------------------
最低工資我都仲諗緊既,依排d腦力震盪真係厲害,我仲搞到寫blog寫到要揾返我d封晒塵既舊課本出來睇資料添,d比反晒先生既野都返返來,真係誇張.

22 則留言:

Yun 提到...
作者已經移除這則留言。
Yun 提到...

eh samsara... 月光...

I woke up by some noise last night, I went to my living room and realized it was rather light... I peeked through my sliding glass door, wah, it was the moonlight! At the time, I thought to myself, "it's so bright."

But I think the moon is not always the fullest on the 15th. Sometimes can offset a day or two.

About minimal wages. I don't live in HK, so I don't really know the pros and cons of it. But I want to say that, the US has minimal wage. I never thought it wasn't a good thing.

怒火眼睛 提到...

samsara, 健康梗係重要, 無左佢, 我地唔會咁得閒響樹月旦其他事.

你度人流暢旺d, 俾我再講下最低工資呢樣野.

公義,一如民主自由,是無人敢公然反對的最崇高的普世價值。但既然 O Liberty, what crimes are committed in thy name可成為千古名句,沒有內容的「公義」一詞,一樣可供諸多罪惡假其名而行於世。

有人故意行之,是為「利用公義」;有人不自覺行之,是為「好心做壞事」。

兩者的方法其實一樣,分別只是動機。

做法是簡單的四個字:「無限上綱」。

民主自由公義這類字眼不值一提,重要的是字眼所包含的價值觀。而價值這回事,偏偏往往難以三言兩語道明,甲之公義在乙看來可能完全於「公」無涉,是實實在在的「私」利。意義,端視乎解釋人的腦袋和眼界,這兩者則取決於解釋人的屁股坐在那兒,眼光望向何方。

而我的信念,公義既為之「公」,一定要得到公眾的認同,在這方面,size does matter。七十樓才女把公義定義為「公平正義」,我不能苟同。er, 或許公平的公, 就是公眾認同的level playing field.

公義,應與法律條文一樣,只是社會穩定的最低門檻,提出的是「最大多數人認為最起碼應該出現的情況」,亦所以要社會更美好,大家要更加努力。我們把犯罪者繩之以法,就是bring somebody to justice,一旦成立判罪,就是justice has been done。公義,就是如此簡單。
因是之故,最低工資,與公義無關。

希望社會上最低下階層亦有合理的生活質素,是仁愛,是關懷,不是公義。

而仁愛和關懷,不應由工資體現。

Samsara 提到...

小雲:
早年晚安呀(小雲式打招呼)!

你係第一個支持最低工資嫁,嗚,好孤單呀我.


火火:
我剛剛先答左你第一個留言你咁快又有新既?等我check下又有冇一稿兩投先---講笑,隨便用,大家攞出來傾傾.

公義,真係好大既一個題目,同意公義可以同工資無太大關係,錢亦買吾到開心.但係如果工資低到令一個人根本無辦法在香港生活,咁,社會有可能隠定咩?

如果最低下階層根本吾夠錢發飯,又邊有仁愛關懷?

怒火眼睛 提到...

哎呀一稿兩投我都幾常架, 擴大打擊面丫嘛唔好見笑.
你話如果工資低到令一個人根本無辦法在香港生活,咁,社會有可能隠定咩? 係, 唔可能, 所以社會要有其他途徑幫佢地囉.
你又話如果最低下階層根本吾夠錢發飯,又邊有仁愛關懷? 咁如果佢地要求既係開飯,食飽. 呢方面香港一向都無問題. 好似70樓講, 貧富懸殊先係問題. 仁愛關懷, 答案同上. 工資, 係支付俾果份工作既價值, 唔係支付俾工人既生活架.

Yun 提到...

啊﹗係乜﹖﹗I don't really know why should people oppose to it. I know there are a lot of talks about it. I only skimmed through yours and 七十's. When it comes to social & economic problems, Chinese is little difficult for me to understand (and especially I don't understand HK's situation).

But it's also maybe I'm so used to US having minimal wage. Minimal wage is very minimum. It's a very hard life to live in here if people are earning minimal wage. Without it, I really don't know what would happen to them.

And again, any changes to a stable system is always causing controversiality.

豬豬油油 提到...

我唔係好識 Econ, 都係得閒學下 Samsara 連睇三晚月光, relax 下.

學霖山莊 提到...

月光光照地堂...

地堂呢?

匿名 提到...

Samsara小姐,
你的見解精闢獨突,佩服佩服!
不知平時睇開邊d blog架呢?

讀者CNN

s-pig 提到...

我都係由5/1個晚就開始覺得個月亮好似八月十五咁圓咁大呀...

都唔係話坐喺度'sun'到樹葉落既...都係記低d生活上面發生過既事遮...慘得過你一路'sun',我地一路追住睇,仲驚你寫得少個陣以為你封blog添...

Samsara 提到...

火火:
吾知我有冇誤會你既意思,你係講如果佢份工資吾夠生活,佢地應該揀攞綜援?

其實好多人吾想攞綜緩嫁,佢地有手有腳,吾想伸大手皮問人攞錢.咁樣,如果有最低工資,令到工人係有足夠錢生活,係咪會少左人攞綜緩呢?社會既負擔係咪會細左呢?

小雲:
早午晚安呀(原來之前打錯字).係呀,都吾知點解咁多人反對最低工資既,真係只夠佢地糊口嫁咋.

油豬豬:
「何夜無月,何夜無竹栢,但少閒人,如吾兩人耳.」

學霖哥哥:
你點解可以個月光影得咁細既,好大嫁喎.

CNN:
多謝謬讚,都係同網友交流一下,難得大家都傾得開心.

好多我睇開既BLOG主,都在「供求」果篇文留言嫁,佢地好好睇嫁.

豬豬妹妹:
你好識tum人既,搞到我好開心.

寫blog係好好玩嫁,有冇興趣自己都開返個場呢?

學霖山莊 提到...

Samsara,
我影果陣真係好大個㗎...

所以先影咋... (<---一稿兩投)

C.M. 提到...

香水姐姐:

〉〉如果有最低工資,令到工人係有足夠錢生活,係咪會少左人攞綜緩呢?社會既負擔係咪會細左呢?

係。呢堆攞最低工資既人會係少左人攞綜緩。但係,會多左人失業。失業既人為了生活,只能攞綜緩。

若社會上的人缺乏推動力,社會既負擔,就自然增加... 直至社會慢慢適應高失業。

那一刻,個月光真係好亮,好靚。

學哥哥:

你幅畫,咁多個月亮,好有詩意。

s-pig 提到...

Samsara,

你開心就好啦...記住寫多d呀...

我本身都有個場既(http://blog.she.com/s-pig)...個邊有個問題係淨係member先可以留message,唔似呢度咁interactive,同埋你地寫既野variety多好多,好有趣,我都有d心思思一齊玩呀,但係小妹文思有限,怕開多個地盤寫黎寫去都仲係男仔,悶親你地呀...

小吉 提到...

從白美人處睇到你寫做伴娘既經驗,你都確係好稱職喎!做伴娘都做到咁稱職,咁你喺職場上應該都係個好員工喇!

CNN 提到...

吓!
邊篇呀?邊篇呀?我又要睇....

Samsara 提到...

嗱,豬豬油油,就咁:

如果今次終於都去得成,未星星月亮太陽睇足十一日(係十一日,吾係十日!).

如果又去吾成呢,都吾好怪我受吾住一次又一次既打擊,掉你落火坑拃豬油!!!!!

學霖山莊 提到...

C.M.兄,

詩意來自賞月人...
咁多月?

杯Bailey作怪...

Samsara 提到...

學霖哥哥:
係呀,可能係天文現象,個月光真係大d嫁喎.

講起我細個時聽過話人人睇既月光size都吾同,你睇既月光越大越長命.當時我已經開始留意月光,已經發現月光有時大d,有時細d.

今次既月光好奇,我從來無見過月光可以又圓又大咁多日.

CM哥哥:
我覺得有最低工資就會減少職位既grounding不穏,原因係香港跟本吾係perfect market.

小豬妹妹:
寫啦寫啦,我最初都好懷疑點會有人有興趣睇我d生活瑣事嫁,不過寫寫下,大腦激活,個人醒返,就越寫越多吾同既野寫嫁啦.

好多謝你既鼓勵.

小吉:
點講呢,如果我乖乖地,吾頂心頂肺既時候,我老闆應該都幾滿意.

我諗我都係一日三次金紡,令自己鬆軟軟順啦.

CNN:
講返依篇我都有d吾好意思,在阿d度:
http://exchangecd.blogspot.com/

阿d好好睇嫁.

怒火眼睛 提到...

samsara, 係呀, 設立最低工資VS 多左人裸綜援, 我係寧可後者. 取捨各有原因, 無所謂對錯.
有最低工資就唔洗要CSSA, 有番樽鹽,OK, 咁連工都搵唔到份果D人呢, 佢地由搵到少少變成靠晒CSSA, 樽鹽, 重細樽左喎.
都幾難有個兩全其美既解決方法.

C.M. 提到...

學哥哥:

酒不醉人,人自醉。Bailey's,久違了的好酒,好啡。不如你都試下?

香水姐姐:

雖然唔明白乜野叫做 Perfect Market(鎖你未讀過 econ),不過就幾同意,呢d position唔會消失。不過,將會有一部分外判出去,交給自僱人士。呢班被逼做自僱人士既基層,生活仍然沒有改善。

又或者,自己做番。

情況就等於依傢d 的士司機一樣,小弟唔敢講佢地日後生活會困難左,定係賺多左,但係最缺乏競爭力個批,一定會失去工作。始終會有部分自僱人士會開唔到飯。

你可以嘗試代入“的士行業”既邏輯,或者你會找到和我類似的答案。

Samsara 提到...

發生乜事呢?昨晚睡前窗外好光,月亮已經缺了一角,細左,但係仲好光.