2007年5月12日 星期六

量度

依個社會其實仲有冇量度,仲有冇可以容納不同人既胸襟呢?

一份學生出版、在大學之內流通既報紙,可以被學校以「有損校譽」之名,被勒令停止出版情色版.甚至情色版被送交淫褻及不雅物品審裁署,被評為二級不雅刋物,中大學生報既編輯可能要負上刑責,最高刑罰是40 萬罰款和一年監禁.

一個網民在討論區,因為貼上顯示淫褻物品的hyperlink,被裁定發布淫褻物品罪名成立,罰款五千元.  

依兩件事件係顯示我地社會有超高道德標準,還是我地完全無容人之量呢?每個人有不同既見解、口味,更何況食色性也,就算禮教保守既咸豐年代,一樣有金瓶肉蒲一類既「淫書」.如今社會風氣開放左,又係資料爆炸隨手可得既年代,但係我地又其實有冇真正地進步呢?

我地吾一定贊同學生報情色報既內容同手法,佢地亦的確有好多需要改善既地方;但係我地又需吾需要對依班剛成年、仲未踏出社會既年青人喊打喊殺,要拉人封艇?二級不雅刋物有幾嚴重?之前東周刋登劉嘉玲裸照果一期,都係被評為二級不雅刋物.

何況,點解不雅物品審裁署要管一份只在學校流通既報紙?咁樣係咪侵犯左學校既自主同言論自由?如果在大學都吾可以有寬鬆的環境同可以暢所欲言既風氣,我地既社會仲有d乜野空間?

網絡上一直有如恆河沙數既三級網站,我地既執法機構吾去打擊發放兒童被性侵犯照片既不法之徒,吾去封殺xxx Enlargement既spam,竟然花公帑來告一個貼Hyperlink既人???真係要麻鷹吾捉捉雞仔?定係要恐嚇我地依班網民吾好亂睇、亂講、亂寫、亂諗、亂貼?

我係咪應該揾返d祼男網站,貼返條hyperlink在度,表示我仲比得起五千蚊呢?

請支持言論自由,保護香港開放包容既風氣,依個先係香港既核心價值.

請聯署以下聲名:

要求影視處判決中大學生報無罪聯署聲明

保障網民權利」網上簽名運動

34 則留言:

渣估 提到...

支持你...

挑戰法紀!

順便插埋旗!

CK 提到...

呢單hyperlink事件呢,查實,我真係對香港政府好失望呀。

失望到,有d驚添。

seikomatic 提到...

施主Sam ,

最穩陣貼埋條果女link,費事平基會找你屎!

俺覺得審裁處無問題,有人投訴佢自然要處理,班細佬由玩出位到今日騎老虎,幾時先知錯呢,400幾人聯署支持,咪將班細佬推落火坑,一於玩大佢,支持又唔駛錢,佢地一世都唔會自道自已做既系EQ零蛋事,無論出版同死撐,一D都唔都唔考慮上其他人既感受。何B呢?

數怪 提到...

香水妹妹,

無意得罪,但係自從班同學既被逼害妄想出現以來,佢地就好想做烈士咁,我就覺得佢地要受d教訓.

同埋,法律呢d野,好易唔小心會中招,仲要係超有錢自玩得起,無自知之明,切勿胡亂挑戰.

同埋,「班友」呢兩個字,無意冒犯.敬請原諒.

「聯署班友都唔知會唔會幫倒忙,d官最要面,俾你兇幾兇就收回成命,試問官威何在?」

又,烈士真係咁易做咩?

「中大學生報旺角舉行論壇 (明報) 05月 12日 星期六 11:45PM

中大學生報晚上在旺角舉行公開論壇,討論淫褻物品審裁處及中大校方對學生報情色版的做法。

出席的講者批評淫褻物品審裁處的評級做法,並要求中大不學打壓學生。部分中大學生報的編委受壓多日,備受批評,忍不住流淚。

數怪 提到...

前兩日開會,有同事將「上場」講左做「上床」,我忍唔住哈哈大笑,即刻俾人話:「你呢個中大學生呀(高音)!」

雖然我知大家都係講下笑,但係你話校譽無受損我就唔信

Samsara 提到...

渣老闆:
多謝支持.

CK老闆:
真係神經政府,我係咪應該封口?


大師:
...仲要加埋女添,真係會有好多pop-up嫁喎.女我吾岩都要平機,咁,係咪歧視我既性傾向先?

班學生我就咁睇,我吾贊成佢地情色寫既野,但係一定全力支持佢地寫野既自由.如果學校都吾寬鬆,唇亡齒寒,好快到我地.

其實Hyperlink依單野已經殺到埋身.


數怪哥哥:
我有睇你個blog呀,明白你既睇法.

我諗班友無諗過要做烈士,而且依家出到學校同執法機關,已經吾再係情色版內容同品味既問題,而係去到我地仲比吾比學生有實驗精神既問題.

法律面前人人平等好似好岩,但係執法其實有好多灰色地帶,尺度可以差多遠.

中大學生會同學生報係咁多間院校之中最左既,但係六四之後亦係最反共既.果時佢地年年六四都去新華社示威,次次都有肢體沖突,比人抬走,但係從來未試過警察會真係告佢地,點解?

因為我地要比學生一個安全既環境,等佢地可以自由發揮,甚至做實驗,甚至好心做壞事.

其實吾只係縱容咁簡單,對學生寬容係社會既量度,在好多社會運動中,學生都係先鋒---六四,五四,布拉格之春,甚玉法國大革命,都係果d頑皮得令人髮指既學生打頭陣.因為學生負擔最少,最on居,最naive.

我吾係攞情色同六四既學生比,但係我地要捍衛校園既自由風氣,咁有朝一日學生先可以帶領社會下一輪既運動.

我真係吾覺得情色有幾損害校譽喎,我只係驚d人覺得中大生個個都咁bad taste.反而校方高壓鐵腕,分分鍾會上國際新聞,其實Amnesty Internationa已經關注事件.如果仲落案charge學生,真係國際笑柄.

又,我吾係贊成情色版,而家我都係覺得好bad taste.但係吾可以因為咁而要見家長,寫手册,踏出校,禁出版,甚至要告佢地.

ak 提到...

Samsara姐姐,

對依兩單野,只可以講:

「超低能,勁搞笑。」

Link果單,AK個blogroll入邊,如果有邊位Blog友係AK add左佢之後,出一篇貼滿裸女圖既post...咁我果條Link係咪出事先?AK add佢果陣佢唔係咁個喎...

中大果單都真係「求仁得仁」啦...果班友今次真係出哂位啦...仲有大學同司法機構陪埋佢地一齊癲...

報紙日日都有咸版,又唔見審裁處去審下佢??

cheryl 提到...

真係世風日下... 又唔係露又唔係猥瑣,咁又唔得咁又唔得,即係點? 講真上次果個咩婚前性行為調查,我都覺有d唔妥啦,唔知做咩有人死口話要「唔係好普遍」,都成半數呀大佬。係又點? 係唔係中華民族因為咁就此滅亡??

身為一間大學連呢小小嘢都唔包容,仲有咩能力叫新一代有思想有創意?? 既然你覺得佢唔啱,你唔好好似人哋冇收教育傳統家長咁齋打齋鬧,解釋吓支持吓人哋好哩。一句「陀衰家」咁就冇喇,「你班友去死啦我冇眼睇!!」

我唔否認有d嘢美國人好荒唐、唔可取,但人哋d細路無論咩人讀幾多讀都真係好有自信有主見,仲要know how to do the right thing/get the right thing done囉!!!如果唔係咁佢哋又點會出d咁低手嘅所謂「色情」嘢??

個hyperlink仲無聊,浪費納稅人d錢... 佢真係妄想咁可以kill one police a hundred呀! >.<

Samsara 提到...

AK哥哥:
係呀,你小心吾知我會post d乜野出來呀.

要撿係咪要撿左d八掛雜誌先呢?我成日企在報紙檔前,都覺得有好多雜誌應該包黑色膠袋.

Cheryl:
我真係覺得香港既空間越來越細,咁搞法,遲早透吾到氣.

又,Puma suede都pk,真係好趕時間?小心啊,吾好太心急 :-)

七十樓危危下望 提到...

> 我係咪應該揾返d祼男網站,貼返條hyperlink在度,表示我仲比得起五千蚊呢?

衣句好串呀!

關於d新聞


又 (膽小地可憐地)
我去左 ck 到懺悔啦......

學霖山莊 提到...

同頭腦有問題嘅人講量度的確吃力不討好...
政府裹頭就是充積這樣的人...

BTW, thank you so much...

On Dog 提到...

雖然小9絕對唔覺得班中大小朋友抵幫, 但現在香港地,坦白講, 唔好話進步, 簡直係倒退! 社會風氣並唔好(睇D細佬、學生、家長睇乜雜誌就知道!), 呢一代、下一代既成長存在很大的問題。政府/教育界唔識做野, 但又搵著D唔等洗既野黎"亂搵", 所以自己都唔敢笑台灣, 以免「50vs100」!

無奈地, 都只好引尹公一文, 除了「超低能」, 以前可以多用的「搵食姐, 犯法呀?」, 現在跟將來可能下下都會犯法, 介時要搵食, 返大陸好過啦!

Sam姐, 支持妳!

數怪 提到...

how about this:

http://protest-cusp.hknameless.com/

Samsara 提到...

數怪哥哥:

事有急重輕緩,依家首要既問題係吾應該陣壓班學生,太多聲音d人會聽吾明,所以我只會聯署要求無罪果篇.

Well,我仍然覺得情色bad taste嫁.

又,你諗真d,究竟係班學生既問題,點係你個反應既問題?其實依度有d深層次問題既.

C.M. 提到...

雖然自己都維護法紀,但關於Hyperlink一事,小弟幾乎認為是法庭錯判。對於結果真係有d詫異。

律政署應該重審呢d案,因為條文實在(以小弟這樣的一個普羅大眾而言)灰色到唔灰色。

以後有人要post 咸link,將會加一句“警告:此link有咸檸七成份,未經政府批准不得進入”... 咬佢丫!呢d就係法律條文...

不過,香水姐姐,睇完幾篇講及中大學生單野。小弟就認為法庭不應該重判,也應該比機會佢地。但係,小弟覺得班學生既處理方法,真係唔係好“應該”。

1. 魔術數怪講/quote得o岩,學生越係反抗,政府一定比足“面”佢地...“丟”。

2. 不論有沒有官威,也不論審裁處個判決是否“雙重標準”,但個人認為,對於學生報之內容判斷合理。

3. 據報道指,學生報編輯們舉辦一個類似解釋大會,但邀請出席的單位,主要為支持,而非反對單位。到最後,大會變成申訴會,變成“造勢大會”。

4. 大學生不以法律條文作為抗辯媒介,他們企圖以社會輿論,製造公審。而公審的對象,是市民的道德觀。個人認為,這些只是扭轉/分散關注目標的政治技巧。

我好同意香水姐姐講要有量度對待呢班學生,亦知道其實呢班學生依家開始識得驚,所以我希望佢地明白佢地當初自己出版的目的,唔好扼自己。

至於點解小弟認為佢地當初根本沒有以言論自由為出發點,原因,乃在於佢地事後既處理方法,已經超出為言論自由爭取既尺度。而且,在於之前,他們從未想過會有如斯後果,所以對於審裁處判決,根本毫無準備。

小弟認為作為大學生,更應該學習誠實面對自己,多過學習運用一切的政治技巧,企圖為這個世界謀福利、謀自由。

從來做不法者的條件,首要是知道法律何在,方知道如何不法。

Samsara 提到...

七十:
網上懺悔,又幾好玩喎.

學霖哥哥:
咪客氣啦,我學到野就真.

On Dog哥哥:
不如去聯署埋啦!

Samsara 提到...

CM哥哥:

學生果度其實係有偏頗既,只係睇情色版而吾係睇全份學生報來撿,真係好有問題.

如果你攞起成份學生報,會見到其實佢地關心家國嫁,仲有好多小眾議題,只不過傳媒吾會用依個角度.

而且份學生報只係在中大circulate,一d都吾入屋,點解要咁樣查佢?

至於hyperlink,真有病.

數怪 提到...

香水妹妹,

今日信報第十二頁崔少明既專欄,可以一讀.

數怪 提到...

信報財經新聞
P31 | 副刊 | 面對面 |
健 吾 2007-05-14


小教授 大學生

  大學生的品格是什麼?這個課題,也真夠沒完沒了。

  大學生應該是什麼?是胡燕青先生在《成報》中說的飯局故事:醫生律師建築師大爺們自己不會讀「戶樞不蠹,流水不腐」,卻在飯局中,共鳴同聲,說今時今日大學畢業生「真係唔掂」;梁家傑先生在發表參選特首政綱的教育部分時,引述報載政治小八卦:「……對回歸後教育情況好失望。佢話數年前有個港大舊同學想請港大法律系畢業生,點知請唔落手,因為見到港生知識太窄,面試表現不堪入目。『有人話(音樂家)莫扎特係畫家,話(畫家)梵高係音樂家。講英超,又以為阿仙奴只係兵工廠,唔知係球隊,講golf又唔識邊個係Tiger Woods,就算係一級榮譽畢
業生都唔掂。』大狀梁話個老友最後請浸過鹹水港生,唔怪得佢個大女中五畢業後,就即刻被送去外國讀書……。」

  大學畢業生有問題。香港七家大學也是政府的,追因問底,大學得依仗納稅人的錢,社會人士對大學生、大學的一切指指點點,理直氣也壯。可是,大學生的問題,在大學嗎?大學只讀三年,中學讀了七年,是不是中學老師校長,那些有份把手指指向大學的校長,應負多點責任?大學生可不可以看同性戀漫畫(《大學線》BL事件)、大學生可不可以講粗口(《中大學生報》普選文章〈普選,你講咩撚野?〉)、到大學生可不可以說「低俗情色」,討論總不理性,對大學生的「光環」總像劉德華「今時今日咁服務態度唔夠」一樣,一種永無止境,由上而下的要求。

52歲新鮮人

  這個時候,人類學家應該出場。美國某州立大學的人類學系教授Cathy Small以筆名Rebekah Nathan之名,在2005年寫了一本書,叫My Freshman Year: What a professor
learned by becoming a student(台灣譯名:《當教授變成學生:一位大學教授重讀大一的生活紀實》)。2002年,Small教授(即「小教授」了吧?)發現自己愈來愈看不慣學生的言行,搞不懂大學文化和生態。她用了一年的sabbatical leave,用文化人類
學家最常用的研究方法──本土民俗誌(ethnography),以五十二歲的高齡,用「新鮮人」(freshman)的身份,重新走入她自己任教的大學,走進學生的生活,親身經歷每一個大一學生都要經過的生活細節:交學費、選科、搬進宿舍、參加舍堂活動、跟學生用同一樣的餐單、上課、寫論文、考試……。

  這個研究,尋找一個她很想知道的答案:為何學生上課可以大喇喇的睡覺?上課是學生的責任,為什麼這麼多人「走堂」?為什麼大家對教授的提問如此無動如衷?最根本的一條:為什麼學生一代不如一代?

  當她是教授的時候,深知學生的不是。她又可以當模範學生嗎?當了新鮮人,她才知道,原來學生不可以用教職員的停車場,要走的距離是多麼的遙遠。她蹺過課,而周圍的人,年紀雖比她少一半,都跟她說:「阿女,你要休息……。」

  她終於知道,學期要結束時,死線一個接一個的日子,那星期的工作量是何等繁重。上一門課,她以前會問學生為什麼可以忘了上一次說過什麼;原來,對學生而言,第一節課和第二節課之間,已經上了四、五節課。一個學期,學生平均上五門課,則要面對五個教授、五個助教,教授助教各有各事忙,有自己的辦公時間,有不同的溝通方式。最重要的,是她發覺學生入了大學,真正投入學術的時間,其實不多;為了生活,幾乎所有學生都需要兼職;為了將來,參與的課外活動,大多要跟履歷表有關。

  小教授提出的觀點,不只是美國大學,香港的大學也有點類似氣味。小教授發現少數族裔在大學校園,不太肯在公眾地方吃飯,才感受到原來「白色主義」在校園其實很濃烈。透過跟留學生的對話,發覺「美國學生也不是太有國際視野」—有美國人問日本學生,日本是不是中國的一部分;有美國學生見到黑人就問她是不是非洲人;雖然跟伊拉克開戰了,可是大學中,知道伊拉克是什麼地方的人,少之又少。大學生一般都對「美國以外地方一無所知」。

  當然,小教授說:「其實,大學的目標,是要學生學會不去『雜學』(develop
knowledge about others without judgment)這是一件很難的事。國際視野也是一樣。」


  另外,美國學生跟香港學生,都愛低調,不要起眼, 不要有特色。教授問問題,用沉默回應,可能是隱瞞自己「沒有時間」準備課程內容,也可能是不想教授認識他。小教授問學生,你會跟什麼人做朋友,意即所謂「朋友的條件」:可能是外型不錯,生活態度很「酷」;或是,他跟我一樣,都幾lay back(平凡)。小教授說:「我想,選擇不被看見,是一種妥
協。這是一種在社會上普遍的壓力。只是,這種沉默的壓力,滲透到大學校園,才令學生覺得平凡是好事,不想加入、牽涉到任何事。」

  小教授說,大學生今時今日愈來愈個人化,愈來愈犬儒。小教授問同學為什麼不回應教授問題,學生回應:「其實教授都係想要我答佢心入面個答案之嘛,我做咩要應佢?」問他們做功課的要旨,有回應說:「work for the professor
!」即是香港學生最喜歡叫指導自己的教授做「老細」。明知某些東西,不是自己心想的,不過為了取悅老師,明知口不對心,也寫下去。學生需要更面對現實,需要寫履歷、為免自己負債太多,選科時更需要知道「學科」跟將來的工作的關係。

由下而上 平起平坐

  可是,社會人士(或一種說法)卻對大學生的要求愈來愈多,而且雙方的需要,卻各走兩極。小教授又有什麼意見?「好問題。我相信大學校方跟教授,都要令課程更加貼近學生的文化。這不代表我要認同學生的文化,而是像佛家所言,我需要一點『skillful
means』去教。對我而言,我需要知道我的學生在哪兒,而去他們的地方,去教他們。我沒有改變我的message的,只是我說的方法不同了。」小教授說。

  做完這個臥底調查,小教授本來是教研究院的,後來也轉教了一年級生的「人類學入門」。「做完這個研究,我才知道原來一年生,被要求那麼多。所以,我也增加了我的辦公時間,盡量令學生省去一點可省的工夫(如找教科書時,只需去一次書店,而不是去四次)。我覺得最重要的,是我沒有改變我所表達的訊息;如果我的學生是比較實際的,我就要用較實際的說法去表達我想說的東西。如果學生覺得從同學身上會學到更多,我就會分組學習;而學生覺得實際做會比口述更好,我就會用角色扮演、案件分析、實習等方法。」

  那麼,你想說的「訊息」是什麼?

  「我不知道香港大學的狀況是怎樣,不知道合不合用。對美國學生,我會這樣說:一個學位,不是教育。」小教授說。

讀過大學不等如那個人受過教育。「不要因為要得到一個學位,而浪費你接受教育的機會。教育,不是一個學位。所謂education,有兩點;一、不要害怕跟別人不同;人妥協,就不會參與事情;二、去找機會,去增加自己可以學習的機會。如果你不是在學習,而只是跳過你教育路上的欄柵,那麼,你就應該想想你究竟在做什麼,甚至是,不如轉一轉學校。選擇,還是有的。」

  一走了之?我雖然不太認同,老外才子David Brooks在他被評為「pop
sociology」的On Paradise Drive中說他回到普林斯頓,也人面事皆全非。連長春藤都失守了,香港人還得到哪兒去?可是,她可貴的地方,是她真真正正主動走入學生群,選擇不由上而下去鞭打,而是平起平坐的了解學生。看看那個學生報主編的解釋,說出來的話都不像自己思考出來的話時,又何苦迫他太慘?

C.M. 提到...

香水姐姐:

又,情色版d內容對於小弟個人來講,查實好“碎料”。有時真係懷疑自己係咪 taste 有問題,或者係自己道德“標準低”。

不過,小弟就唔係咁支持利用政治或製造輿論壓力,來同法律抗衡囉。(修改法律條文則為另一回事)

校方高壓鐵腕係校方o既不聰明,而且,雙方做法皆有欠乾淨利落,亦無對話可言(呢家野最弊)。至於是否控告班學生,相信黃仁龍會自有取捨。

洛克 提到...

講真, 我覺得超連結單野好恐怖, 好得人驚....

唔係講笑, 係大陸都係開咸網果個先出事, 但係香港發條LINK都出事, 估唔到大陸仲開放過香港, 原來一國兩制係指兩制互換先真....

麥太 提到...

【SAM先生】:

首先要講句對不起,自知不應該在你哋D中大人中講風涼話。(本人非中大人)
我支持CM同數怪的意見。我認為校方的行為在校長回港後有正面的改善。希望佢可以引領三方面至三贏局面。大家俾D空間佢哋COOL DOWN。

至於,HYPERLINK的事件,我認我不知詳情,但以我接收到其他有關網絡的新聞,我對現有的網絡法律條例的先進程度有所保留。與其投訴個別個案來發洩,不如推動修改更為實際。

P.S. 收到支票了,開心點了嗎?

Samsara 提到...

數怪哥哥:
多謝貼文,你都有wisenews?

CM哥哥:
係,我係對學生報有要求既.而且,係咪真係製造輿論壓力,來同法律抗衡呢?好多人都話碎料既情色版而家係二級不雅喎,咁又公平?我呢,希望d學生無事囉.

洛克老闆:
其實我係自23條以來對香港政府最無信心呀,超低能,勁白痴.

麥太:
你咁客氣我好驚呀!我無話情色版寫得好嫁,Hyperlink真係應該修例.

咁快你都知既,終於成啦今次.

但係我吾開心呀而排,超多野做,上個禮拜差d睇吾到spiderman.人手好緊,又有人吾生性,至慘係我都好緊張,昨日我自己仲做錯野添.小事,fix左,不過好瘀.

好慘呀.

情定大飯店 提到...

完全同意 !!!

七十樓危危下望 提到...

丫係喎我差d唔記得有個黃仁龍添

數怪 提到...

香水妹妹,

班學生真係唔知咩野叫做正確既表達手法架,佢地根本唔會汲取經驗.

容許我一稿三投.

二零零七年五月十三日 城市論壇

http://www.rthk.org.hk/rthk/tv/city_forum/20070513.html

請按兩下next track去第三節

在約03:00時,有一名中大學生(紅衫)大大聱咁話:

「如果我話『係男人都曾經想過殺死自己父親而且娶自己既母親!』咁係咪算不雅?」

ok,我知你係講緊佛洛伊德既戀母情意結,但係在埸既人士又係咪個個都識?電視機旁邊既觀眾係咪又係個個都識?況且佛洛伊德當時講呢番話既目的係咩野?係咪講完坐低就算,無任何解讀?

都係另一名同學校(白衫)醒,之後識得同d觀眾解釋返.

而家d大學生係咪都係鍾意用咁樣既方式去表達意見?又要賣弄學識,又要語不驚人死不休,以極端例子(at least apparently)挑釁他人.

幾多言語誤會,就係咁樣造成,怪不得他人.

麥太 提到...

SAM:

你唔想見我咁有討論的假表演,咁俾番d低能d的回應你囉!
古語有云:『天將降大任於施人,必先勞其根骨,餓其體膚。』所以呢......如果
1. 你唔食,就可以成仙架啦!(有人會幫你收屍的,並食"mia"你個份的,放心。)
2. 你食少d,就可能成為名人!(瘦到成塊人板咁,好嚇人架!唔出名都幾難。)
3. 你食正常d,就成為平凡人!(人人都是蟻,唔好做蟬!)
4. 你食多d,就有機會成為重腰人!(記住千期千期唔好去跟團。....仲未明,肥豬去減肥啦!)
5. 你不停食,就有機會係特異人!(去看看"地球人類心情舒解發洩及理性分析討論學系的與會者"即簡稱--心理醫生。)
希望上文能得君一笑,一笑,但不要有三笑,我唔想要"孽緣"。

正題了,想話你知,我極力推介你看"瞞天殺局",我會俾佢80/100。個導演好,個劇本超好,安東尼鶴健士(Anthony Hopkins)勁掂【佢係我好好好鍾意的演員】。

Samsara 提到...

情定&七十 :-)

數怪哥哥:
我想問,你會吾會對自己太嚴左d呢?其實我真係吾驚佢地會影衰我喎,可以影衰我既只有我自己.都已經衰緊,與人無尤.

麥太:
你樣樣野咁鬼多意見,又點會係假表演.我義無反顧,去緊暴飲暴食團嫁啦,羡慕呀啊.安東尼鶴健士好型,等我揾日去睇.又,不嬲吾覺你都有d文采喎.

七十樓危危下望 提到...

> 可以影衰我既只有我自己.
同意

*
我決定唔好淨係諗住間屋
諗下其他野

Samsara 提到...

七十:

諗間屋,都無問題呀.

除左訓覺之外,個腦一直行緊,總有時間去諗好多其他野.

seikomatic 提到...

「如果我話『係男人都曾經想過殺死自己父親而且娶自己既母親!』咁係咪算不雅?」

講乜 L 野呀。簡直系白L痴,On★G,早D開除啦。仲要繼續侮辱大家,侮辱自已!你話邊個聽完仲會覺得佢地值得幫幫手/口。連個主持都要即刻同佢劃清界線,話自已重來無霖過。

一個影衰唔到,十二個影衰唔到,當幾百個傻仔仲系咁,你就要霖下唔單止系影衰,班學生根本智商同腦筋有茅炳。

數怪 提到...

條友咁講,根本係一個局,等班人叉佢既時候就話:「拿,呢句其實係佛洛伊德講架,唔識野就讀多幾年書先!」(設計對白)咁樣去突顯「你地班盲毛乜都唔野,夠資格批評我咩?」(設計想法).

呢d專門搞對抗同以製造誤會既「說話技巧」,我就唔識欣賞啦.

(係呀,我今次勁多assumptions.)

http://www.usome.com 提到...

支持一下!

匿名 提到...

有什么 有什么网址 有什么新闻 有什么博客 有什么论文 有什么爱秀
有什么图片 有什么音乐 有什么搜商 有什么帖客 天气预报