2007年7月5日 星期四

京都

嗱,咪話依個blog無相睇,依家一次過post晒出來.

京都真係一個好舒服既古都,人民仍然係咁温文,節奏慢,古蹟處處,充滿人文氣息.

最喜歡漫步於京都街上,因為係古都又精心保護既關係,京都係一個長方形坐北向南既城市,街道畢直,唔係由南至北,就係由東至西,你可以依個街口見到一個寺院,下一個街口又一個神社.

稻荷神社:
















神社個名真係好聽,不過入面供奉左觀音、佛祖、老子。。。真係唔係好知佢到底係拜緊個。不過善信真係好多喎,日本興捐依d橙色既門來祈福,你睇有幾咁多門:























佢地仲會拜d好奇怪既神,比如神馬。神馬面前呢,佢地就擺左依樣野。。。應該都好岩胃口:

















仲有兔仔神(月兔?),佢咁cute,有冇法力嫁。






















稻荷神社奇就奇在有好多狐狸喎,唔當佢係狐狸精不突止,仲要整到好得意喎:























佢仲有一個「足腰神」,不過,我個Friend拜完佢之後唔夠一分鐘就跣親。。。

SC,希望足腰快快好返!下次拜神要誠心d啦。


清水寺:

如果你有女仕同行既話,一定要預留大量時間比清水寺---前面果條街,真係好多野買。清水寺雖然近在眼前,但係要入去,真係一定要留下買路錢。我地就前後總共用左四個鍾在行街。

果度有好靚既手巾仔、好精緻十足小野妹妹用既梳、各種手織布、大量野食手信,仲有一d只可遠觀既靚靚陶瓷:


















Well,我地又唔係只血拼咁無文化既,清水寺真係好靚嫁,一齊去片:























金閣寺

















依個畫面,真係同一休和尚部卡通片一模一樣呀。依座金殿,真係用金箔舖嫁.

一休哥丫~~~


三十三間堂

















1001個觀音塑像放在一齊真係好震撼,入面唔可以影相,而且一定要在現場先感受到果種又激動、又寧靜既酸酸甜甜感覺.

結論係,京都真係一個可以一去再去既地方,我有個朋友上年去京都渡蜜月,都話好正呢!

12 則留言:

匿名 提到...

Samsara姐姐,

Welcome Back!很羨慕你可以差足電會來...

京都AK都去過一次,幫金閣寺影相出黎既效果,真係可以用來印名信片...相對於東京,京都更加有內涵,可以遊歷既亦都更加多,遠比在東京血拼來得好玩呢...

AK還有近三十日的假,其中二十日一定要今年放...但是,似乎客戶的時間表並不容許AK一走了之...怎麼辦呢?

匿名 提到...

Welcome Back!

很羨慕! 小9都好想再去日本!

tungpo 提到...

點解冇行街相?四個鐘喎!

C.M. 提到...

香水妹妹呀... 你終於番黎 la! (個隻係咪你玉手黎架?)

AK兄... 好羡慕你咁多假呀,小弟用曬咁滯喇。

马铃薯比基尼妹妹 提到...

我也是看了一休和尚才懂金阁寺的。。 =)

Samsara 提到...

AK哥哥:

你都返來真係好,有成三十日咁多?你一日假都未放過嫁?等我幫你plan果廿日假點放啦:

台北四天自由行: 2 days
日本北海道之旅: 10 days (冬天好呀!)
泰國四天飲食團: 2 days (唔知點解個個都鍾意去泰國)

仲有剩既,可以去南法或者西班牙。你又唔係女人,應該唔會買野到超支。

又,我都好怕東京,今次血拼都在大板。

On Dog哥哥:
同老婆去板京神啦,包佢鍾意。嗯,唔攔7月同1月初既大減價時間,應該都唔會大出血既。

通寶哥哥:
其實有行街相既,仲有我每一日既收穫/罪證相,不過唔係我部相機,依d咁恐怖既野,我都係唔會post,費事嚇親打算去日本既朋友。

CM哥哥:
d相都係我影既。。。你話呢?

衫妹妹:
你都睇過一休?我以為只有老餅先識添。

匿名 提到...

小9同老婆當年係去板神 honeymoon, 但大家都唔愛血拼, 只係在道頓掘食食食....!

Samsara 提到...

丫,我都係呀,今次住正係心齋橋,真係試晒所有墨魚燒呀,我真係肥左呀,好慘呀!

s-pig 提到...

Samsara,

Welcome Back...食肥左?咁咪好囉...肥左又靚左嘛...記住呢幾日抖足精神呀!!抖完再衝刺...

火鶴 提到...

sara sara,

你有無發覺, 有一樣嘢呢, 係所有香港女仔都會爭住認嘅.

你知唔知係乜?

Blogger70th Floor 提到...

Welcome Back!
抱抱

Samsara 提到...

小豬妹妹:好耐無見啦,你心情好返d未呀?

大俠:姐咁,我係話我肥左,同肥係有d分別既。我都仲著到童裝既。

七十:你真係令人心痛,抱抱,得閒出來飲野呀!