2007年7月16日 星期一

焉知非福

新工作係一間超細Office,加埋我先有四個人;我工作咁多年都未試過在一個無分部門既Office工作,真係有一萬件唔識做既事。

好彩既係,上一任既Ben哥哥(依個係自稱,d妹妹即刻反駁話係"Ben叔叔"...)肯留多兩個禮拜幫我handover。

Ben哥哥都算係咁囉,有問必答,仲係熟d之後就好坦白地講佢各種出事既原因,每一個老闆既脾性,同比建議我以後既Approach。

其實簡單d來講,未又係溝通囉。阿Ben哥哥咁大佬性格,唔鍾意比人管,又唔鍾意睇數字同report;碰到一個同樣係咁大佬性格又勁睇數據、非常Systematic既老闆,即刻就火星撞地球囉。個情形都真係搞到好惡劣嫁,佢地之間刀來劍住既email比我見到,真係火花四踐,鬧到七彩,好嚇人。

Ben哥哥既強項係Sales,破冰見客一流;但係你要佢坐在度分析數據交報告,真係攞佢命。佢既忠告係要比老闆做大佬喎,好啦,等我今日隊返枝金紡啦。

今日老闆終於來左香港,上午同我catch up完,下午就要Ben哥哥即刻執野走。

依d場面都真係有d令人難過嫁,又係你地叫人留耐d,依家又咁樣趕人走,真係人要面樹要皮,點解唔好來好去呢?其實計正阿Ben哥哥都只係做到今個星期五姐,又何必搞到好似炒佢咁?

對於阿Ben哥哥都係果句,每個人都有自己適合既工作,佢就真係唔岩打工。都係自己出去搞生意啦,努力加少少運氣,真係分分鍾可以闖出一片天地;技術官僚既野,都係等我依d無乜出息既人做啦。

Ben哥哥,你得嫁喎,祝你好運!

13 則留言:

s-pig 提到...

Samsara,

你去到新崗位,加油呀!

其實細office有細office好,人事簡單d,hierarchy少d,做野仲會快d添!!如果冇女仔仲好,我覺得多女仔就多麻煩,多是非。

祝工作順利!

惡女 提到...

睇到我個心戚戚然O忝,我都覺得老闆咁做好似好絕咁,唉...

人少都未必無嘢煩,我畢業第一份工係做細公司,啲人日對夜對,仲多是非仲煩,你執生喇!

seikomatic 提到...

Sam 師妹,

好野喎,咁快番工,新【蒲崗】好呀!

第一件事攪惦你老闆....再講!

野蠻郡主 提到...

咩咁岩既..我都係轉左新公司..(越來越細)..就過試用啦!好彩以前有王子訓導我,不過依家要靠自己喇!你都努力啦!

匿名 提到...

Samsara姐姐,

deal with自己既老闆,可以講係每一個打工仔都要學習既一門手藝...唔係講到你要去駕馭佢又或者manage佢,at least,將兩者既關係保持係一個雙方都覺得OK既距離,好重要...

其中,最容易出現既死罪...就係功高震主...所以,如果有日,功高到震主既話,果位朋友就應該轉工又或者自己做老闆...

C.D 提到...

Samsara,

祝 一切順利!

D.

Samsara 提到...

豬豬妹妹:真係唔多慣呀,好多以前自動會出現既野(e.g.,文具,tissue)而家都要問人點來。

惡女妹妹:人事係只要有人既地方都有嫁啦。

大師:我老闆...摸索中,都仲係honeymoon, ok咁啦。

郡主妹妹:其實呢無論有冇王子都係要靠自己,加油呀。

AK哥哥:服侍老闆依家野我就真唔惦,日日同自己講:柔順、柔順...

Ben哥哥又未到功高震主既,佢係不得老闆歡心多d囉,以佢既性格,真係要自己搞生意話晒事。

阿d:工一份姐,反正我會交足貨啦。

學 霖 山 莊 提到...

一切順利!

xiao zhu 提到...

係呀,人少都一樣可以出事架,我試過間公司得5個人,就係畀3 個男人搞到家嘈屋閉,真係丙鑊金!

你老闆咁對阿Ben,喺佢嘅立場,可能佢真係覺得有需要,冇得好講。現實總係叫人無奈。

(黎睇左好耐,今日先至有mood 到。):P

Samsara 提到...

學霖哥哥:人生就是考驗。

小豬妹妹:阿Ben哥哥同我老闆,真係羅生門,各自同我講對方既衰野,版本完全不同。

匿名 提到...

Sam姐: 人少可以睇個局既全盤, 好好玩架!

ENJOY!

情定大飯店 提到...

人少有人少嘅好, 我個section計埋我都係得3個咋, 比起以前十幾個又要湊住好好多....

起碼大家會close d同埋teamwork會好d...

加油呀 !!!!

Samsara 提到...

On Dog哥哥:希望係好玩而唔係比人玩死啦。

情定姐姐:我都係睇在依樣咋,唔駛睇成村人,容易好多。