2007年7月23日 星期一

林夕

RoadShow既清談節目訪問林夕,講到錢。

林夕既答案大既係:錢就算唔係萬能,都係千能、百能。比如你失戀時,在一間有充足冷氣既房失戀,總好過在一間唔夠冷氣又或者無冷氣既房失戀。但係,人唔可以搞到被錢支配,都要有一定既立場,唔係為左錢乜野都做。林夕既坐右銘係「無欲則剛」;比如你供緊樓既話,你就唔會同老細撐得咁行,因為你會怕無左份工失業嘛。

一個有唔少人生經歷既才子真係唔同。

錢就係錢亦只係錢,有錢做到既事,亦有錢做唔到既事。錢可以令你失戀時有得涼冷氣,但係唔可以令你唔駛失戀。但係倒轉來講,錢雖然唔能夠幫你避免失戀,但係可幫你失戀時有錢買醉同tissue抺眼淚囉。唔駛為錢死為錢亡,但係又唔駛好清高地對錢不屑一顧。

人要同錢維持一個健康既關係,就一定要控制自己既欲望,令自己唔需要處於仰人鼻息、身不由己既景地;因為錢唔係太重要而得到一定既身心自由,中間既平衡點如何掌握,係個人既選擇。



志雲飯局:

戀愛為左乜呢?揾腳,揾腳來吃飯、睇戲。

要選擇細水長流定刻骨銘心呢?希望由刻骨銘心到細水長流。

燥抑症既父親,無恨,佢只係自私,唔識愛佢地,自我中心。

焦慮症:因為無知,所以做左好多無用既野。肉體既疼苦比精神上疼苦更大。

一個活躍既靈魂,被困在疲累既身軀。

人生如過客,租樓就得嫁啦,唔夠錢買,租都一樣係擁有。

放下自在。

18 則留言:

匿名 提到...

介紹你上youtube睇林夕果集既志雲飯局吖!

好好睇。

學 霖 山 莊 提到...

http://www.youtube.com/watch?v=WFWdv5xXCQM

Samsara 提到...

Justin &學霖哥哥:

好似幾有趣喎,等我返去download來睇下。

我唔多聽歌,就算聽都唔會留意歌詞,都係直至林夕有焦慮症我先開始留意佢,我以前有個同事都有焦慮症,真係好長手尾。

seikomatic 提到...

Sam 師妹,

錢既價值系體現於客觀存在的相對性,所以主觀講錢重唔重要系無意義的。

由於錢有流動性,可能變成其它形式,單講錢本身又太過狹隘。好悶。

無慾則剛,剛來幹嘛?

Samsara 提到...

大師:

錢本身係中性,但係對每個人既意義唔同,人地點睇錢又關我乜事?最緊要係我點睇錢,你要叫佢做財富都得,咁未包埋股金滙樓囉。

無欲,所以自由。

C.M. 提到...

無欲則自由 ~ 小弟不敢說。

一個活躍既靈魂,自然不會被欲念所困。

匿名 提到...

Samsara姐姐,

Unlimited Want...現在文明發展既基石,是人類自Caine之後所繼承的永恆詛咒...

生而為人,「食,色,性也。」要原全地「去人欲,存天理」,甚至達至「六根清靜」的慧境,畢竟不是所有人都合式的法度...

錢,不過是滿足欲望的一個法門...滿足欲望是否等同於快樂,則是另一個課題...

Samsara 提到...

CM哥哥:點解我地咁多煩惱呢?未因為求不得囉,無求就唔駛迫自己做唔鍾意既野啦。

AK哥哥:你諗下,生老病死,人人都走唔甩喎,其實都無乜其他選擇。得到既越多,反而越空虛。

匿名 提到...

"快樂, 就形同吃了大量的朱古力, 只是一個化學反應!"

~Quoted from the film of Devil's Advocate.

其實, 最重要的, 還是自己怎看待自己的靈魂!

Ask: "Free Will?"
Answer: "humm...free will....has a price..."

匿名 提到...

金錢有幾重要,要看你身邊的人對金錢看得有多重要。

自出娘胎,入o左5倫網,入o左社群(走不出網),就冇所謂自由

「求不得」

有時唔係你去求,而係人求你!
老豆老母要養,老婆仔女要食飯。
所以佛學才有斷六親一招。
佛學勘破一個「苦」字,千方百計要「捨」去一切,包括自己,才能離「苦」

論自由,我只buy沙特的說法。
自由就是選擇。
你有多少選擇,你就有多少自由。


王老五

變幻原是永恒 提到...

自由有分大小~~, 我要大自在.....

Samsara 提到...

On Dog哥哥:要大量朱苦力至得,真係未快樂已經喉嚨痛。自己既代價,咪係要放得開囉。

王老五哥哥:你講到負擔,咁係真,有人真係有好多人要養;我諗,欠債還錢,情又好,債又好,總有還清既一天。

選擇太多,反而唔知點選擇,心仲亂,仲係自由?而且你只可以選擇一個人生,而唔可以同時過唔同既人生,結果,人地老婆更靚,對面既山更高,吃左魚生就太飽吃唔落甜品...

永恆哥哥:哈哈,我明,咁希望你大自在啦。

匿名 提到...

選擇太多,反而唔知點選擇,心仲亂,仲係自由?而且你只可以選擇一個人生,而唔可以同時過唔同既人生,結果,人地老婆更靚,對面既山更高,吃左魚生就太飽吃唔落甜品...

這是心多!^.^

關於自由o既定義沙特仲有以下的解釋,和你分享o下。

自由就是選擇,選擇取決於處境,選擇的結果引出責任。

自由,選擇,責任彼此密不可分。

王老

Samsara 提到...

王哥哥:我諗我講既自由同你有d唔同,我講既近自在多d,係一種無憂無慮,唔會心隨境轉,唔會為得失而煩惱,唔會後悔自己點解無活另一個人生...

幾東方嫁。

匿名 提到...

東方的東西係我o既至愛!

誠意推介!李澤厚著「論語今讀」public lib 有得借。

佛學,我拜服。儒學千年文化,自家野!更愛!

「窮則獨善其身,達則兼善天下」一生受用。

王老五

K 提到...

"人生如過客,租樓就得嫁啦,唔夠錢買,租都一樣係擁有。"

所以我都係揀租樓, 唔鍾意買樓。


"放下自在。"
啱啱在我的blog內放低d野......

Samsara 提到...

王哥哥:多謝推薦,我既書債又添一名。

又,點解無論講乜野題目,你最後都係講返錢?

Karen:租樓好在flexible。放下咪好囉,真係會自在嫁。

唔知係咪太多人講感情煩惱呢?我聽到諗可能我應該寫下愛情小說。

匿名 提到...

又,點解無論講乜野題目,你最後都係講返錢?

我自己真係冇好好審視過自己!多謝你提醒。

還是根本好多野都係同錢有關呢?

嗯,我真係好money-minded。

或者因為我暫時沒有其他的追求!


王老五