2007年7月25日 星期三

紙皮

我在上環工作過一段時間,果度雖然在office有超級無敵靚海景,但係一落街就係一個老化既舊區,成日見到有d瘦骨如柴既婆仔執汽水罐同紙皮箱。

有次見到有個好老既婆仔拖住一個車仔既紙皮箱上唐樓既樓梯,紙皮箱太重,佢對手已經拉到青筋曝現;咁我自告奮勇幫佢托一托車仔,結果婆仔好嬲地閙我。之後睇報紙都偶然都會見到老人家為左爭紙皮箱而大打出手既報導,原來紙皮箱對拾荒既老人家來講係重要既財產,其他人掂都唔掂得。

所以ZZ小姐既名言:「小心老左要執紙皮」對我來講真係一個好可怕既景像。

唔係話執紙皮有乜唔好呀,如果係為左響應環保、kill time咁就真係好好既運動。但係依個咁富裕既香港社會之中,我地竟然要上一輩既老人家靠拾荒來糊口,咁我地仲駛唔駛坐在冷氣房中慢慢硏究堅尼系數既pattern同計法呢?咁樣都唔算係貧富懸殊咩?

17 則留言:

Gideon 提到...

我都覺得佢地好勁.. 想像唔倒第時我老左都可能係咁。政府真係冇幫助呢啲老人家咩?定係佢地鐘意自食其力,唔肯灘大手版問政府攞錢?

匿名 提到...

想當年中三時,數怪哥哥跟幾位同學參加了一個學生攝影比賽,還僥倖拿了冠軍,主題便是一位老婆婆吃力地把推著載滿紙皮鐵頭車推上斜路.

匿名 提到...

我覺得lee個唔係貧富o既問題。

係公公婆婆自己o既問題!

佢地教唔成或者冇生得出d孝心仔女遮!

王老五

s-pig 提到...

樓上黃先生,

老吾老以及人之老...

匿名 提到...

老吾老以及人之老...

唔係唔係...

我係反諷d人冇孝義jar!

下次我直話直說!

王老

Samsara 提到...

Gideon:我係好灰時,都會諗我會唔會一個唔好彩搞成咁,好多老人家只肯攞生果金,所以生活真係好清苦。

數怪哥哥:依個畫面真係令人傷心,之前社聯都有一張咁樣既相。

王哥哥:文字無語氣表情,係呀,要直接d呀!

豬豬妹妹:^^

怒火眼睛 提到...

婆仔鬧你, 係驚你搶佢紙皮? 唉, 有時人吃苦吃得多, 受騙受得多, 係會多到再唔記得/相信世上有善心人, 呢樣野都好可悲.

而坐響房計堅尼系數, 講真係幾on居. 你唔駛理國際水平係點架, 總之遊目四顧都有人為生存為三餐一宿掙扎, 去諗下點幫點改善好過啦. 睇數字, 知道左又點? 提高到學術水平,有實際作用咩?

匿名 提到...

Samsara姐姐,

AK幾同意怒火媽媽既講法,當你經歷左大半世人,每日係社會上獨力掙扎求存...自自然然就會學識保護自己...「唔想俾人拒絕,最好既辦法就係拒絕左人先...」

我地既社會,就係咁樣將所有既人與人之間既聯繫摧毀剩盡...

匿名 提到...

其實我覺得德育很重要。最好在小學至初中同d細蚊仔洗腦先,要佢地接受照顧年老父母係終生青任!

新加坡o尼方很厲害,同父母住有獎勵tim。

香港地太easy la,你一老就丟你去老人院,後生o既就甩身la。

雖然我未成家!但我知道只要我第日戶口仲有幾個錢,仔女就唔會丟低我!hahaha...

王老五

匿名 提到...

oh...明白晒

C.M. 提到...

小弟留意到:

1. 鐘意自食其力
2. 最好既辦法就係拒絕左人先
3. 貧富懸殊
4. 只肯攞生果金
5. 清.苦
6. 終生責任
7. 同父母住有獎勵
8. 老吾老以及人之老

咁,可以點?

s-pig 提到...

CM哥哥,

可以繼續孝敬父母,做個好榜樣俾dada,同時儲定多d錢,進一步就關心下有需要既老人家...basically做返你依家做緊既野啦...hahahaha

惡女 提到...

我唔係想掃興,其實我見到啲公公婆婆執紙皮都會覺得好慘,但我發現,有啲公公婆婆根本係好有錢,執紙皮只係賺多個錢,有時仲要好鬼惡,同差人叔叔對峙,我就唔知點算好。

seikomatic 提到...

Sam 師妹,

其實執紙皮、掙紙皮,系老人家證明【自已存在系社會里仲有剩餘價值】~【被遺忘的水平線上掙紮的小水花。】

好過系度等人送飯,in fact 掙派米都系 show 到佢地仲有上進奮鬥心。唔好覺得好風涼,系呢個咁發達既社會,除左公援行乞賣可憐呃女仔,要人比錢你錢的理由其實好小好難。

將來執紙皮的日字俺估計一定無俺份,因為到時好采中左乜乜老人病,睇到張醫療帳單,下一步多數系自動波安樂死。

Samsara 提到...

火火:我估婆仔無預有人會幫佢,比我嚇親,所以咁嬲。同情心與同理心有咩唔同呢?同理心會真正企係別人既角度來睇問題,唔會用自以為好既方法來幫人。

AK哥哥:因為依個世界太殘酷,所以迫到人與人之間不停猜心...係被迫定自己揀?

王哥哥:點解百行以孝為先呢?因為考係本心。

CM哥哥:駛乜咁愁姐,你有Moon Moon同Da Da,駛乜驚呀。

豬豬妹妹:言教不如身教,講得好!

惡妹:咁我都知有d婆仔雖然好慳,但係其實家財萬貫,所以我話如果佢地執紙皮唔係為左糊口而係為興趣,咁我係無問題嫁喎。閉就閉到因為無安全網,有好多婆仔真係唔執紙皮就無飯開呢!真係有有搞錯呀!

大師:乜你仲灰過我呀?其實我正常d時又諗,我又唔大駛物質要求又唔高,除非我一個唔好彩有成一百歲命用曬d積蓄姐,到時我都無力執紙皮啦!

又,今日滙豐跌破$140,我仲諗緊係咪可以依世人第一次賣股票添,但係我唔記得左密碼...

匿名 提到...

Samsara姐姐,

真係,知AK者,莫若Samsara姐姐...

猜心遊戲...

chaco 提到...

正如很多拿綜緩、住公屋的人絕不貧窮一樣,執紙皮的也不代表是以此唯生,只不過反正閒著沒事,加上貪心,唔執白唔執,於是各據地盤手段百出,嫌人掉得少仲要俾說話人聽,執完再淋水去呃秤,人性盡顯露。這類人會羞於拿綜緩嗎?講笑。我住天水圍,有阿婆帶住隻狗(唔係唐狗)等紙皮。