2007年11月30日 星期五

..

咁在起程之前,我都有去保健處打針,仲有帶淨水丸,不過無用過。

剛剛到埗時,都一定飲樽裝水,唔會餐廳jump比你既滾水。但係你都見我地個行程幾咁漫長兼艱辛嫁啦,之後口喝起上來,滾水都唯有照飲。所以,我地全部人都試過肚瀉…除左我。我總有一個『唔可以客死異鄉』既強烈意志,支撐我一路都無病過…不過一返到來香港,日日訓起碼十個鐘兼足足瀉左一個月。

除左水其實都仲有好多野飲既,印度有隻同國際品牌可口可樂抗衡既土炮汽水,叫做Thums Up Cola,一於同巴菲特死過。


我當時都飲左好多Thums Up,味道都幾Thumbs up。烈日當空又瀕臨中暑前飲枝冰凍既Thums Up,然後ur返d二氧化碳出來,身體立時降温,成個人都精神返晒。

除左汽水之外,仲有勁yummy既mango lasi啦、即開椰青啦(可惜無雪涷),同埋,令人懷念既奶茶。

在印度既火車上,有好多人拿住一個勁大既長咀水煲來賣奶茶。唔知係咪火車附返有火爐,奶茶新鮮熱辣,又香又滑,印度人一樣要水滾茶靚嫁。唔記得幾錢,不過好平,一見到茶煲,好多本地人都會幫襯。最特別係佢地唔會用紙杯,而係用一d紅色泥燒出來無耳仔既陶杯。陶杯肯定係人手一隻隻整出來既,因為隻隻既形狀大小都有d唔一樣。

一有人買奶茶時,就見到好瘦既奶茶哥哥隻手非常定地舉起熱騰騰既大茶煲,jump奶茶落去小小既紅陶杯,又快又滴水不漏,真係好技術。唔知咁樣小本經營,佢一日又可以賺到幾多錢呢?

隻陶杯大家係飲完奶茶之後就會掉落火車,用完既棄又環保過紙杯。我好鐘意依個磚紅色既陶杯,雖然無上光軸又手工粗糙,但係望住杯口人手既壓痕,簡直可以想像出可能奶茶哥哥既老婆係度用陶泥一隻隻咁揀出來。

我結果都留左一隻杯,仲完整地帶返來香港…不過,依家隻杯去左邊呢?…唉!

因為在火車好多人飲奶茶,在火車軌上佈滿紅色既陶杯碎片。地上既紅泥被挖出來再燒成杯子,然後再扔回大地,又從新化為塵土。

又是一個循環。


P.S. 不過頭先查Wiki,原來Thums Up已經比可口可樂收購左lu。

3 則留言:

seikomatic 提到...

你你你你................俺個fan 講開抽起筋話要單人匹馬去印度自由行,俺講左:【你覺得強姦一個女仔易定兩個...】

言猶在耳你就..........阿彌陀佛。叫佢下馬問前程先。

去左邊樹呢哩次?more!

Love your 雞餅 and seeing others living a completely different life in the same time span is better than chicken soup for the soul!

匿名 提到...

姐姐,
嘩 ! 原來你咁勇, 自由行去印度呀 !! 當年我都好勇 (不過跟團) 去印度, 仲要無打針去, 果次, 我連刷牙都要用樽裝水呀, 不過返來都係病到五顏六色...~_~

hitcake

提到...

您為什麼不嘗試在網路上賺錢!
即使,你不認識任何人
沒有任何的朋友,親戚,鄰居或... ..
我們系統將會幫助你尋找事業夥伴
免費試用體驗全自動網路創業系統,登入網址
http://joe80411.weebly.com/
祝~天天都是有美好的一天˙快樂與您同在