2007年12月1日 星期六

如果葉劉贏...

我都考慮移民。

我唔係話陳太有幾好、幾咁有良心呀吓。不過葉劉既政生命,已經在七一遊行一刻結束,唔該唔好殭屍咁,忽然彈起身要復出。

一個講得出什麼『希特拉都係民主選舉出來』、『唔通的士司機、家庭主婦會同我傾廿三條』,仲要臉部肌肉不受控制,隨時唔順就會在萬千鏡頭前照樣藐嘴藐舌既政治白痴都可以當選...香港真係無希望lu。

都係開始學渣鑊鏟,技術移民。

~~~~~~~~~~~~~~~~~~~~~~~~~~~
我地都係去片,睇下真正高質素既選舉前瞻。香港又真係臥虎藏龍,令人又重新覺得唔係咁無希望。

大力哥哥,無論你想寫定唔寫,我都一樣咁支持你嫁...不過,最好就寫啦!

~~~~~~~~~~~~~~~~~~~~~~~~~~~

區選泛左大勝,因為佢地真係做左好多實實在在既地區工作,依個係選民成熟既表現;但係立會之爭既議題唔係民生而係政治...應該話,一日我地未全面普選之前,立會都係政治議題既選舉。

我上個禮拜同個英國人傾澳洲選舉,當時Howard既執政黨竟然夠膽偽造選舉傳單,嫁禍工黨!!!咁鬼低能既野我咁以為只有在台灣先可以發生...乜佢地真係以為唔會比人發現咩?

英國人話,依d野在英國唔會發生,如果有d咁既事,唔只黨內高層大鑊,直頭係會ruin the whole party,佢覺得澳洲依個國家太年輕。言猶在耳,英國就爆出獻金醜聞,係有人在無申報既情況之下比工黨捐款,咁就緊係好唔岩啦,但係嚴重程度,比起老作支持恐怖主義單張來嫁禍於人又差好遠...但係英國人一樣好大反應,Brown都一身蟻。

一個國家既政治成熟程度,係要靠日積月累而來既,今次係香港人既另一個表達機會,希望大家都去投票。

~~~~~~~~~~~~~~~~~~~~~~~~~~

我今日去過灣仔同銅鑼灣,真係行幾步就有人拉票,拉票派傳單既人,仲多過前兩個禮拜既區選。乜一個六十份一既選舉值得咁樣總動員咩?

今次一個補選,其實係中共測試香港人係咪單純既經濟動物既試金石。

我由細到大都聽人講香港係文化沙漠,鄧小平講五十年不變既時候,都係講『馬照跑,舞照跳』,好似我地一有錢有飽飯食就會收聲。在佢地眼中,香港人唔只係商人,仲係商女---不知亡國恨果隻。

依個咁既logic一直傳到江澤民,亦一直傳到胡錦濤,直至爆發七一大遊行,五十萬人上街呀大佬,中共先發現自己完全錯估形勢,亦低估左香港人既民主訴求,亦都低估左香港人對經濟低迷既不滿,所以有一連串既政策調整---葉劉、董健華下台,自由痕、屍爬出台,在政治同經濟雙管齊下落藥,挽回人心。

依家香港人總體地開心左,咁問題來啦,究竟係政治牌定經濟牌收效呢?又或者更加直接地問,而家香港經濟好反,你仲要唔要民主先?

再講一次,依個係一個極度政治化既選舉,亦係一個中共測試香港人究竟係飽暖而知榮辱,定係只顧個人利益既經濟動物。

而且我地講得再遠d,香港作為中國既一部份又同時係一個行政特區,依個咁奇特既身份除左可以今香港有經濟先鋒同實驗示範區既作用之外,其實一樣可以係政治實驗塲,要測試全民直選既效果,一樣可以由香港先行。

香港人如果一日有民主選舉,而又有足夠既政治成熟同廉潔選舉,唔會搞到台灣咁樣黑金兼玩弄民意,咁就可以做一個真正既示範比十三億中國人睇,點樣先叫做『人民當家作主』。


各位,你投左票未?

20 則留言:

kenkachemhazard 提到...

天佑香港!

tungpo 提到...

肥佬黎嘩眾取寵,你又陪佢癲?佢老人家依家好多時係台灣啦,進可攻退可守。

Samsara 提到...

通寶哥哥:我其實唔係講笑嫁。當年強推廿三條時,我都真係有好認真地考慮要移民既,不自由,毋寧死。

區選泛左大勝,因為佢地真係做左好多實實在在既地區工作,依個係選民成熟既表現;但係立會之爭既議題唔係民生而係政治...應該話,一日我地未全面普選之前,立會都係政治議題既選舉。

我上個禮拜同個英國人傾澳洲選舉,當時Howard既執政黨竟然夠膽偽造選舉傳單,嫁禍工黨!!!咁鬼低能既野我咁以為只有在台灣先可以發生...乜佢地真係以為唔會比人發現咩?

英國人話,依d野在英國唔會發生,如果有d咁既事,唔只黨內高層大鑊,直頭係會ruin the whole party,佢覺得澳洲依個國家太年輕。

言猶在耳,英國就爆出獻金醜聞,係有人在無申報既情況之下比工黨捐款,咁就緊係好唔岩啦,但係嚴重程度,比起老作支持恐怖主義單張來嫁禍於人又差好遠...但係英國人一樣好大反應,Brown都一身蟻。

一個國家既政治成熟程度,係要靠日積月累而來既,今次係香港人既另一個表達機會,希望大家都去投票。

肥佬黎既style係咁嫁啦,不過你去邊度揾第份報紙係反葉劉嫁呢?你舊睇生果報啦。

仲有,我投陳太係為左投葉劉既反對票,唔係咁支持陳太咋我,但係香港政治凋零,真正有料既人都唔肯出來,咁我無得揀就唯有咁投囉。

seikomatic 提到...

澳洲o岩唔o岩?比個折頭你。你准備好都得罅!



俺一直唔明幾時立法局有直吮呢,俺可能離開政圈太耐啦?

tungpo 提到...

我覺得邊個選到冇乜大不了,不過六十分之一。民主嘛,係要尊重別人的選擇。從來,愛國拜權都有一定支持者,佢地都係香港人,都有佢地權利。

tungpo 提到...

又,我覺得生果愈來愈太公文匯化,一樣巔倒事非,滿咀歪理。分別,不過一個捧建制,一個捧某啲飯聞。

匿名 提到...

先表明立場,AK住九龍,無得投...作為九龍居民,沒有投票權,卻要為了這一次選舉承擔結果,AK既感覺就如同現在面對特首選舉一般的無奈…

今次選舉有咩後果?如果在今次補選之中,民主陣營於一向佔優,中產雲集的港島選區之中再敗一陣…北京既領導人就可以為香港既當前局勢作一定論:香港人只不過是一班任性的小孩,只要在他們哭喊的時候給他一個「奶嘴」,提供他一份虛假的經濟安全感,他們就會乖乖的收聲…

今日香港島既居民手中握有選票,無論你係投俾陳太,葉太…又或是其他的候選人,甚至是投白票,廢票,以至不去投票…無論你們作出的選擇是如何…不單只是你本身…我們身在九龍的,新界的,都必將為你的決定,承受之後的結果…這個結果…並不單純兄是六十分之一…

Samsara 提到...

通寶哥哥:

我今日去過灣仔同銅鑼灣,真係行幾步就有人拉票,拉票派傳單既人,仲多過前兩個禮拜既區選。乜一個六十份一既選舉值得咁樣總動員咩?

今次一個補選,其實係中共測試香港人係咪單純既經濟動物既試金石。

我由細到大都聽人講香港係文化沙漠,鄧小平講五十年不變既時候,都係講『馬照跑,舞照跳』,好似我地一有錢有飽飯食就會收聲。在佢地眼中,香港人唔只係商人,仲係商女---不知亡國恨果隻。

依個咁既logic一直傳到江澤民,亦一直傳到胡錦濤,直至爆發七一大遊行,五十人上街呀大佬,中共先發現自己完全錯估形勢,亦低估左香港人既民主訴求,亦都低估左香港人對經濟低迷既不滿,所以有一連串既政策調整---葉劉、董健華下台,自由痕、屍爬出台,在政府同經濟雙管齊下落藥,挽回人心。

依家香港人總體地開心左,咁問題來啦,究竟係政治牌定經濟牌收效呢?又或者更加直接地問,而家香港經濟好反,你仲要唔要民主先?

再講一次,依個係一個極度政治化既選舉,亦係一個中共測試香港人究竟係飽暖而知榮辱,定係只顧個人利益既經濟動物。


九龍人哥哥:

香港島足足有六十萬人,唔係小數目,咁一日無全面直選你都可以講係biased sample既,但係真係已經有相當代表性。

而且我地講得再遠d,香港作為中國既一部份又同時係一個行政特區,依個咁奇特既身份除左可以今香港有經濟先鋒同實驗示範區既作用之外,其實一樣可以係政治實驗塲,要測試全民直選既效果,一樣可以由香港先行。

香港人如果一日有民主選舉,而又有足夠既政治成熟同廉潔選舉,唔會搞到台灣咁樣黑鎌玩弄民意,咁就可以做一個真正既示範比十三億中國人睇,點樣先叫做『人民當家作主』。


各位,你投左票未?

Derek Greyhound 提到...

Samsara妹妹,

多謝誇獎,這一篇的質素其實可以好一點,但為了兼顧工作,無法做得更好。若果自己是全職做學術研究,準確度可以更好。

近況如何?祝安好。

寫完這一次,可能真係要休息一會了。或者,會有多一點故事。

tungpo 提到...

將一個普通補選,無限上綱成民主與非民主之爭,始作俑者是泛民。佢地要玩,人地自然奉陪。

陳師奶輸咗就代表香港人唔想民主唔要普選?此想法若非太天真,就是中了某些人的毒。

香港的形勢,邊個在位,邊個佔多數,都難以避免要去推動普選。因為選民之前已經教訓過唔聽話的人。唔好自以為是,貶低香港人的智慧!

呢場仗的勝與敗,對某些既得利益的泛民影響大於一切,所以佢地煲到有咁大得咁大而已!

有時,好多嘢唔可以單一睇。正如百日維新,係好多學者眼中,不過阻住地國轉的運動,意圖苟延清帝國殘喘。陳師奶勝出,亦都係一樣。

匿名 提到...

今日yahoo 睇新聞, 我都慶幸葉太輸左, 雖然我是一個政治冷感的人, 但一想返當年葉太果張"簡直想大巴大巴星過去"既咀臉....唉..香港人始終清醒既....

hitcake

Samsara 提到...

大力哥哥:我幾好呀,不過遲d會忙d同多d唔係香港。

我終於寫夠一年blog啦!!!咁呢,我就覺得係好隨意既,我唔想寫起上來真係一篇都寫唔出,寫神一起我試過在更衣室門外既長椅攞出簿仔就寫,一秒都唔等得。

只要你寫得開心就得拉,你又真係寫左故仔,等我慢慢睇。

Hitcake妹妹:你試酒試得好開心咁喎,不過要小心唔好喝太多呀!乖吓!

我昨日呢,臨天光時真係發惡夢...葉劉以點數嬴左...我發緊夢都灰晒呀!

Samsara 提到...

通寶哥哥:

實情呢,我睇完你個留言,再睇返你個blog關於兩太大戰既野...都follow唔到你個logic。

你真係相信葉劉會幫香港人爭取全民普選嗎?唔係呀化!葉劉當年向北大人鞠躬盡瘁、死而後已咁,甘願被所有香港人唾罵,都要強推廿三條,咁忠心耿耿真係感動到佢個主人不得了,今次要咁樣全力幫佢助選。用你既馬狗論,葉劉絶對係一隻忠狗...可惜佢效忠既唔係香港d的士司機/牛頭角順嫂/星斗巿民。

打死我都唔信葉劉會推直選嫁啦。

依個世界根本唔係咁複雜,只要唔好在黑白之間硬攪拌成灰。

Carole 提到...

請問可唔可以轉貼?

Samsara 提到...

Carole姐姐:依個blog既野,隨便用丫。

Carole 提到...

sam妹
我又真係你ge姐姐
不過et姐姐ge低b
令佢好汗顏

Samsara 提到...

Carole姐姐,

你又係馬料水人?不過唔明,你係你又係et???

Carole 提到...

係ar
我叫自己做et
不過google叫我做carole

我係馬料水最窮的人

Samsara 提到...

et師姐:你唔係又係記者呀嘛?

Carole 提到...

唔係唔係
唔好担心