2008年4月16日 星期三

無聊野時間

在腦汁用盡,火滾如食左炸藥既時候,最好係講無聊野。


公司妹妹潮童攞左盒傳聞中既香港潮語學習字卡返來,潮童係邊個?未就係好想買紫色素菲果位狂野小姐囉。又,素菲已經比人買左lu,不過潮童睇中第二架銀色既Stephen。


一攞出來,爛gag女皇就老作多個潮語:Oct Cut Vege....


負責我地公司IT Support既電車M哥哥下午來到我地office,為左洗刷佢之前同其他電車連線失敗,同埋IP搬到天一半地一半既失威紀錄,電車M竟然破天荒.............Gel頭


Oh no!實在d gel可能唔駛錢,一見到電車M,唔係以為出面落雨,就係以為電車M為下年渣打馬拉松練緊跑。


咁就當然要在傳聞中既香港潮語學習字卡之中,抽返張"KEI"字卡比電車M啦!


依套傳聞中既香港潮語學習字卡始終唔夠潮,連電車依張卡都無,下次出加強版時,一定要加返:


電車

英文: Tram

意思: IT Freak / Communication Handicap

例句:010101100010010010001100010011001010000001000000100100111111101010010100111010101010101010101000001101111010101010010101010100101010101

-完- 

*********
報告

電車M今日來到office,唔單止仲保持佢個wet look頭,仲終於換左佢個用左十年以上既backpack,竟然識用Porter斜揹袋。

雖然電車M死都唔認係有人幫佢買,但係以佢果種不知購物為何既性格,一定係有人終於睇唔過眼,捉住佢去買既!

電車M好幸福啊。

22 則留言:

匿名 提到...

SAM:

飲杯MOK下吓火啦!

從另一個角度看,佢地(妹妹或[電車])想與你(呢個港"燦")溝通"遮"。你俾唔到耐性佢地時,直接講或行開吓啦!

游閒的
麥太

P.S. 我又重寫了三次啦!

Samsara 提到...

麥太:我同你都係一樣咁無聊頂透啊!

匿名 提到...

sam:

心境開朗就好啦!

心廣...就...體胖,
心窄...就...好易...走老(去遊大世界-極樂)。

等待胖胖的你回港。

騎哩的
麥太

Gideon 提到...

頂.. 好寸呀吓

獅子皇 提到...

電車 M 好幸福喎,我都想有個愛瑪仕。

如果我心愛既愛瑪仕成為真實既愛瑪仕,我諗我會傻笑好多日。

鐵鎚兄又出黎喇,Samsara 姐姐,不如你問返鐵鎚兄,i=i++ 係點解?睇下你會唔會覺得大鐵鎚變成大電車。哇哈哈‧‧‧

Gideon 提到...

咩事? i = i++ 即係 i = i+1 囉.. 咁應該明掛

又其實 binary 我地好少會咁寫呢, 會好長
即係例如
1011 0001 0010 0100 0110 0010 0110 0101
會變成 hex
0xb124 6265
係咪易睇好多呢?

好野,同 samsara 講電車話,好開心 yeah!

Samsara 提到...

麥太:出來先講啦。

獅子哥哥:電車M銀包入面袋住同愛瑪仕一齊影既貼紙相,愛瑪仕仲要係一眾頭文字電既夢中情人樣:大眼、嬌小、甜美笑容...愛瑪仕小鳥依人地同電車M影既依張相,活脫脫係,美女與野獸...你都要努力呀!

靚仔話自己唔電車既大鐵鎚:
>> i = i++ 即係 i = i+1
滴汗,完~全~唔~明。

寸?你篇「女人」我已經好忍手地無留言啦,你幾時寫埋姐。

你都係打電話比我啦00010111001100010111001100011000100010001000,又或者寫email都得:1101111010101101110010101011

Morca 提到...

因乜事食左炸藥,要開山劈石乎?
越來越多人物出場,現有:
1. 妹妹類
a. 潮童
b. 爛gag女皇

2. 電車類
a. 電車M哥哥
b. 無名人 (即同電車M講router定firewall果位)

又, 好多電車都有用Porter斜揹袋踻...

Samsara 提到...

Morca姐姐:我好透支呀,好想放假又放唔到,又要有人玩政治,心煩呀。

我再想無聊野落去,睇來都要拆左個blog上面句眉批囉。

獅子皇 提到...

睇到大鐵鎚同 Samsara 既對話,即時覺得電車話實在太美妙喇,簡直就係呢個世界其中一個偉大文化。

Carole 提到...

其實寫無聊野都無所謂
我呢鍾意睇上海x劇
試過坐在酒店房同上海老細一齊睇電視

MAXWHY 提到...

Samsara:
"i = i + 1" 是把 i 所存的數值加 1 後存回 i 內﹐你可理解為 2 加 1 等於 3
另﹕OO (Object Oriented) 仲煩呀!

鐵鎚兄:
"i = i++" 和 "i = i + 1" 的 result 有機會唔同﹐depend on 邊隻 language

嘿!嘿!電車語萬歲!

Samsara 提到...

獅子哥哥:吓,偉大文化,唔係掛!VNC唔成功,澳洲電車唔想等電車M來,迫住幫妹妹熄firewall,改password最後仲攪到要摌左個VNC再裝過...攪到我依家仲識用VNC hack入去妹妹d電腦添,係文明倒退就真。

Carol姐姐:坐在酒店房同上海老細一齊睇電視...咳,我即刻有好多聯想...上海x劇同x劇係咪一樣嫁,我睇過x劇紅樓夢既DVD,劇說係經典,好聽仲好感人。

Maxwhy(家陣我肯定你係)哥哥:不通不通,i點樣又等於2,又等於3姐?我都知上得網又睇blog既,都係電字頭多,但係,依個係其實係biased sample,人類先係依個地球既絶大多數,我地講返廣州話啦。

大鐵鎚:(請用煲冬瓜讀之)等你來電喲!

獅子皇 提到...

Samsara 姐姐,

你唔明 i=i+1 既主因係因為首先係 i=i+1 既前後都冇左 D 野,因為其實呢句係一句好普通好簡單既 programming statement。

i 其實係一個 counter,佢係要黎 count 住一件要重覆做既事做左幾多次,所以每做完一次之後都會加 1,所以個 counter 既新數就等如個 counter 既舊數加 1。如果咁都仲未明白既話就唔好再諗囉。

Samsara 姐姐,如果俾你見到幾十年前寫既電腦程式,我諗你真係會以為去左唔知邊個星球。因為電腦其實真係白痴黎架,佢既智慧係人類根據人腦點樣思考,而再教返電腦應該點樣思考,點樣判斷,點樣幫到你手;電腦既白痴程度有幾?基本上電腦係唔識計減乘除數架。

Samsara 提到...

獅子哥哥:車,咁咋嘛,連Excel d fomula都有類似既野啦,if condition, i=i+1,i。

你又知我未見過幾十年前既program?不過電腦真係蠢到死我又好鬼贊同呀!

哈哈,頭先仲比電腦當左我寫html,唔比我過添嘛。

火鶴 提到...

「坐在酒店房同上海老細一齊睇電視... 咳, 我即刻有好多聯想...」 X 10(binary)

事前定事後呀?

Carole 提到...

係午餐後ar
錯晒la
火雞哥哥

samsam
老細唱得下嫁
話說部電視好細部嫁
啱啱有上海x劇
咪排排坐係度睇
睇到夠鐘出去見客

Morca 提到...

人物補遺:
1. 妹妹類
a. 潮童
b. 爛gag女皇
c. 絨布妹妹
2. 網球嬌娃類
a. 丁丁
3. 電車類
a. 電車M
b. 無名人 (即同電車M講router定 firewall果位)
c. 澳洲電車
4. 其他未能盡錄...

Samsara 提到...

大俠: .... . -.-- | ... .. .-.. .-.. -.-- | --..-- | | .- .-. . | ..- | --- -.- |

Carole姐姐:講起我都入過各老細房,由攞野唔見左房卡到借toilet乜都有。

Morca姐姐:哈哈,我都係語焉不詳,澳洲電車等於無名人,比我成日糟質既不幸人其實都仲有,但為免成為OL殺手,我都係少講無聊野啦。

Carole 提到...

借toilet???
唔見左房卡 -->唔係去reception
你老細都好好人


嗰次係佢唯一一次入我間room
因為佢上海有屋ge
唔會住酒店
不過嗰晚都無得訓
同x師開會開天光

第二朝
司機問我想去邊度玩
我話book最早機返香港
間房都冇住過

Carole 提到...

morca
你又幾好耐性

samsam妹
你同火雞講咩

Samsara 提到...

Carole姐姐,唔見卡時我已經跑左成日攰到行唔到,唔想再落樓去recep,所以借電話...我一向係儘量避免去公厠既...你個trip都好辛苦喎,不過我都係,有次去深圳周邊,寧願唔食午餐,都想快d返香港,好過在路邊唔多乾淨小店食到肚痛...我從來唔比人入我間房喎,都係在lobby等,我上次肥佬老闆仲要在bar度whisky加雪茄,真係非常佬...係啦,Morca姐姐真係好細心,但我無聊得好心虛...大俠依排咁燥底,都係火星文同佢傾好d,驚。