2008年5月10日 星期六

覆獅子哥哥:活在當下

「活在當下」依四個字越來越多人講,雖然用詞一樣,但係所指既意義又唔係好同。有時我見有人直頭將盡情享樂都一樣撥於「活在當下」依個Banner下面。

佛教對於「活在當下」既其中一個解釋係,食飯時食飯,走路時走路。聽落好似簡單得無聊,但實際上,我地食飯時就算唔睇電視、唔傾計,都會諗下依樣諗下果樣,從來無全心全意地食野,無將心放在嘗味咀嚼吞嚥上;走路時,唔係左望右望就係胡思亂想,從來無將心安住於腳步。

試下揾次真係走路時將心全部都放在腳上呀,真~係~超~難!多數行幾步就已經神遊太空。


有位法師比喻,人生好似一部錄影機,好多人呢,唔係rewind,就係fast forward,好少會play...

我地唔係回憶過去,就係幻想(恐懼)將來,好少真真正正地活在今時今刻。

7 則留言:

Morca 提到...
作者已經移除這則留言。
Morca 提到...

色即是空,空即是色...

Kenka 提到...

偏見: 修好奢摩他, 至容易體會得到點樣集中精神活在當下. 很多佛教徒都有修法, 念佛頌經持咒靜坐等都有修奢摩他, 但下座後就回復一般人的模式, 功課歸功課, 得來的定都沒法套用到日常生活中, 是甚為可惜的.

數怪 提到...

康講人已經將「活在當下」曲解成「今朝有酒今朝醉」了。

seikomatic 提到...

師妹,

當下系最【真實既】,唔系過去、唔系將來。活在就系掌握當前既真實。你果種系完全的覺醒,有左呢種完全的覺醒,先會明白:

(1) 當下就系將來(業力),當下就系過去;
(2) 當下就系天堂、當下就系地獄;唔駛第死左之後既審判;
(3) 唔好等,唔駛林。立地成佛;棒頭禪。

渣估 提到...

今天是佛誕, 順祝 Sam 佛安!

佛陀說, 生命就在呼吸之間。

活在當下, 我粗淺(但覺頗受用)的理解是, enjoy this very moment...

Samsara 提到...

Morca姐姐:嘩,依個好深,我依家都未搞得明。

Kenka哥哥:奢摩他係咪即係三摩地呀?係嫁,次第來講,要戒-->定-->慧,一步步咁向前修。

數怪哥哥:都唔止康講人嫁,鬼佬用得仲多,我n年前睇有人訪問Venessa Mae十八歲生日,佢一邊clubing一邊Yo! Live Now!真係多謝晒佢。

大師:我係,醉生夢死,踢勁都未醒。快d醒啦!

渣老闆:你講緊Flow?有同有不同,Flow只可以持續一段時間,而且有d activities容易flow過第d...但活在當下係指無論做乜,都念念不繼地只在當下。