2008年5月9日 星期五

Life is uncertain, Death is CERTAIN

今晚去上堂時,發現安排很不平常,法師没有出現,反而開始播帶。

原來,志蓮另一位老師已經過身,影帶係志蓮各法師向同學宣佈消息時所錄下。各法師亦帶領各同學唸經和結束依位馬老師既課程。

錄影帶播完後,法師才來到課室,告訴我們馬老師是他的朋友,馬老師突然離世令佢好難過,今晚唔上堂。法師再次提醒各位佛陀的教導:

Life is uncertain

Death is CERTAIN 

我呢,由於在影帶中法師宣佈時講得太快,我一直都唔清楚佢究竟係講緊邊位老師,一邊唸經時,一直不停地諗,到底是誰?會唔會係Anuruddha法師?法師已經八十多歲,雖然身體很好,記性好過我地後生,但係,死亡既然係必然,又有誰能躲得過?

直到法師出現,我才鬆一口氣。

本來好似必然又總在等你既野,可以隨時消失。

*****

其實,我在寫依一篇既時候,已經發現,無論係游水定倉頡,我都學過好多次才學識。

要做成一件事,根本就係好困難既事。

既然係咁,雖然我今次學巴利文失敗,咁,咪再讀一次囉。乜姐,我係記性唔好呀。

法師唔會一直等我嫁。

*****

上個禮拜西貢既車禍,我最難過既,其實係睇到有死者既兒女,哭訢母親節變成「無」親節,哭訢母親一輩子辛勞,都未享過福就已經走左。

我呢,乘阿媽自己講話自己依幾年都幾開心,而立時打蛇隨棍上,同佢講:「你自己話嫁,你有過過好日子嫁!」

我依家仲要白紙黑字寫出來,作為記錄。

星期日就係母親節呢,祝願天下母親都過得開心。



*****


啊,還有,很喜歡依張相,很喜歡藍天。寫blog咁耐既經驗係,喜歡的東西,還是copy到自己blog上吧。



9 則留言:

C.M. 提到...

弊傢伙!

睇到幅相又要暈多次!(@_@)

火鶴 提到...

sara..

你令我諗起真正好朋友會做嘅嘢:
去到朋友屋企,
唔係由朋友招呼你,
而係你去朋友個雪櫃度摷嘢飲招呼自己.
多謝.

獅子皇 提到...

Samsara 姐姐,

點解法師仍然會為生老病死難過既呢?

Life is uncertain, Death is certain. 其實係咪講緊要活在當下,好好掌握現有既人生呢?佛說要成人是很困難的,所以能夠成人的時候,就要好好掌握與享受做人的幾十年美好時光。

哈‧‧‧游水始終都係學唔識,覺得好醜怪囉。倉頡就用左十幾年,可以話係幾快咁喇,從此都唔想再浪費時間去學其他輸入法 lu,並唔係話佢好到加零一,而其他就好水皮,而係自己都懶得再去學其他,況且倉頡係每部電腦都有既輸入法。

其實巴利文係邊度既人講既呢?

Barry 提到...

我想法師說難過都是可理解。如果對身邊的人逝世,或對悲傷的事無動於衷,那就未免太涼薄了,這也不是佛教的精神!

Morca 提到...

個天真係好藍~~

seikomatic 提到...

師妹,

如何證輪迴?

當下每秒。

如果出生死?

Samsara 提到...

CM哥哥:哈哈,你要check多次耳仔啦!

大俠:你依張相呢,令我諗起反我細個時,係成日都抬頭望天既,等我有機會寫出來。

我呢,又真係無諗過要問過你先喎,怕且你都唔夠膽話唔比啦。

獅子哥哥:一日未證涅槃,一日都有煩惱呢。我之前聽聖嚴法師講,佢雖然一樣有煩惱,但係程度比我們淺好多。你話有智慧幾好呢。

學多次啦,我都係直至碰到個好好既教練先學得識游水,要學識一樣野,有時係要花好多時間呢。

巴利文係公元前二百多年時,佛所身處既印度地區既方言,當年佛傳法時,講既就係巴利文;到左今日,已經無人講巴利文lu,我讀巴利文,係為左讀佛經原典。

Barry師兄:師兄你上堂前知道消息嗎?我呢,諗經時已經諗,既然稱呼為老師,咁就一定唔係講緊法師,見到有人jump水放在教師桌上又個心定d,但係,都一定要見到法師本人我先真係擔心完。法師看來很健康呢!

Morca姐姐:藍~天~白~雲!

大師:輪迴,我真係好苦惱,我既理科頭腦話比我知,輪迴so far無得證實有,又無得證實無。但係另一方面又諗,如果可以證實為無,咁佛說就晨早變左做科學係唔係宗教哲學啦...只有自己親證掛我諗,但係要幾時先證到呢?

seikomatic 提到...

邊解呢,人全身既血40幾日新陳代謝一次,五年所有骨頭換新既,今日既你根本就唔系尋日既你,去到最細既,剎那的你根本就唔系上一剎那既你,呢d就系輪迴啦。

E=MC2,就證無常無我啦。物質無永恆,能量可【輪迴】,無矛盾呀同佛法。

俺覺得宗教同科學的分別就系科學上加上一種情感成份,但唔一定 mutually exclusive..

俺想知惦先可以證出生死?

Samsara 提到...

大師:戒生定,定生慧,據說,在到達四禪定後,可以轉為觀,則可以觀生死實相,得無漏智慧...我都係聽,詳情可看沙門果經。