2008年5月22日 星期四

運動

十分破天荒地,我帶左班妹妹去做GYM!

更激既係,仲去上傳聞中既霹靂單車

係,我知我好out。但係依間單車房就算閂實晒門,都會聽到非常強勁既音樂,而且仲要校暗晒到好暗,放的士高式五顏六色轉來轉去既燈,最最攞命既係,不時個教練同Fit男Fit女會傳出陣陣狼嗥…真係行過都驚,從來無玩。

OMG,乜辛苦成咁,好驚爆血管!當個教練好High地叫,我地由個輕既開始…Gear 6…Gear 8… Gear 10… Gear 13…都係唔睬佢,推到上Gear 13我係踩唔郁既;但係佢跟住然要我地企在度踩單車喎,仲要快喎,最高要去到130RPM!!!吓,真係人都癲。

有人在度狼嗥呀又真係,真係好氣力,我地只有好努力地狂踩咋,邊有餘暇搞氣氛?

漫長既四十五分過後,潮童個頭仲濕過電車M兼面青青,爛Gag女皇想嘔,家嫂就話全部gear同速度都幫佢打五折先至無中途離場…結果,我地彼此好似幫BB掃風咁掃背脊,er返d氣出來先好d!

S呢,雖然人到中年,出奇地burn既卡路里最高,除左中間覺得個心跳得咁快唔知有冇事之外,無野喎…嘿,你以為跑十公里既鍛鍊係流嫁。


丫,依排睇緊本書講到一個實驗,話如果白老鼠日日都跑果d藤藤轉既treadmill呢,就會生多d腦細胞出來!

我細個時一直都聽話人既腦細胞只得咁多,成年之後就唔會分裂,死左就無得補充,心諗咁無野講啦,d腦細胞死晒咁我就唔死都唔得啦,仲要越老就因為無乜腦細胞剩而越蠢添,真灰!但係,最新既硏究發現,腦細胞都一樣會有新Supply既!新細胞係由海馬體生出來,連七八十歲既老人家都有新腦細胞生出來不斷補充。我依d中年老鬼唔駛咁驚,如果多d做運動,一樣可以老得來好精靈既。

又,海馬體除左負責記憶之外,仲有個重要功能,就係調節情緒。好多憂鬱症既病人,海馬體都比正常人明顯收縮,到底係海馬體收縮引致憂鬱症,定憂鬱症引致海馬體收就未有結論,但係腦細胞再生可能可以根治憂鬱症既既方向有唔少neurologist正在硏究中。

所以呢,唔開心既話,RUN! Forrest, RUN!



又,潮童又有潮語,係~~~~ OSIM。

OSIM點解?咪係好Old既阿嬋既簡稱囉!


又又,真真竟然係男人....仲要係小學教師....滴晒汗。

12 則留言:

seikomatic 提到...

之前睇電視都系話腦細胞得咁多,死左就無,最近睇新聞紙又話可以生番?

但問題系原來好多都未用,積極用埋實際過等佢生多d..........除左左手寫字,行路打倒褪,聽講話打座果陣腦細胞活動反而比平日多??

師妹,有樣野叫卒死....小心

seikomatic 提到...

卒到.........悴死

Samsara 提到...

大師:好醒呀你!我正睇到d科學家揾左d西藏lama、修行人來硏究長期打坐對大腦既影響,好似好勁,等我睇完再講。

哈哈,我真係一邊踩,一邊摸下自己仲有冇心跳,係有呀,仲要好鬼快...真係好鍾你呀大師。

提到...

你講緊邊個黃真真呀?《女人那話兒》同《六樓后座》 個導演喎,明明係女人黎喎

http://ent.163.com/08/0219/10/452DM67U000300B1.html

Samsara 提到...

Sorry呀鎚,我係講緊香港潮語學習字卡果個蘇真真至岩...未係囉,真真個名咁cute,男人做乜叫依個名!

Karen (Sze) 提到...

香港潮語學習字卡果個蘇真真, 電視訪問過他啦, 唔......估唔到佢係教小學(仲以為後大學professor)哩!

係咪要O咀呢!

又, 我留了massage俾您在CM度, 記得睇呀!

Morca 提到...

嘩~越後生越快謝...
多咗個家嫂同 S 噃...

又,做多啲運動好!

下次做瑜伽啦!

Samsara 提到...

Karen姐姐:SoRealReal仲係blogger添呀原來。
http://sorealreal.blogspot.com/

Morca姐姐:你識S嫁其實,咪係好斯文靚女温柔婉約嫻靜優雅果個囉。

霹靂完之後膝頭哥隱隱酸痛,依個運動明顯傷膝,應該無下次啦。

火鶴 提到...

優雅嘅S??!!

匿名 提到...

so real real is a lovely ordinary boy.

Samsara 提到...

喂匿名君,你係咪sorealreal來嫁?

Morca 提到...

哦~
原來 S 就係斯文靚女温柔婉約嫻靜優雅,講嘢陰聲細氣嘅妹妹~

又, 大俠好似...