2008年5月26日 星期一

你喜歡樹嗎?我就很喜歡呢!

細個時都唔係對樹有乜太大既感覺,但係到左鄉大時,校園基本上係一個郊野公園,周圍都係樹。一到秋天呢,仲要周地都係大大粒、好靚既松果,有人就會拾d松果返宿舍做裝飾。依d松果在鋪頭,只係油下金油銀油,就竟然可以當係聖誕裝飾來賣錢!!! 我地依d鄉下妹真係睬佢都傻。

果時仲take了個藝術概論,成日都會睇西洋畫,睇佢入面畫既樹,你先至會發現其實原來樹係咁樣既。比如,我一直都無留意,大部份樹幹唔係好似小學畫公仔時係啡色既,有翻咁上下大既樹,樹幹都已經變成深啡甚至黑色。又比如,有畫家畫樹係會發出金光既,我以為係畫家美化啦,結果睇返如果陽光燦爛既話,樹葉真係會反射出好耀目既金光嫁,加埋樹葉既深深淺淺綠色,真係好靚嫁。


當年宿舍門前有好多棵樹,但係有一棵呢,我就特別鍾意。佢在我返宿舍既必經之道,每日都見佢幾次。佢十足十這個殺手不太冷入面,Leo形容佢棵盆栽咁,係又靚又Alway Happy!天晴時夥樹有得曬太陽而開心,落兩時佢有水飲而又好開心。咁夥樹就好高啦,放唔落盆栽,但係你會覺得佢永遠都在果度,開開心心既樣同你say Hi!

吓,唔知下世可唔可以做樹呢?

又,講起樹,就一定要提下我喜歡既Shel Silverstein送比佢媽媽既The Giving Tree啦!

好感人!


真係好感人嫁吓!



又,落雨走唔到繼續講。

我依家睇緊依本書,係講一棵生於明朝既樹的一生呢,仲要攞到2004年The Royal Society Prize for Science Book添,好好睇既科普書。


又又,雖然同樹無關係,當年鄉大周圍都係怕羞草,我隔離房直頭挖左一棵種在房,所以人人去佢間房,都會搞下棵怕羞草先。

5 則留言:

seikomatic 提到...

俺都好喜歡樹,近幾年香港先種d 開花樹,叫大葉紫微(藍紫)。

今年天氣反常,反而開花既樹多左,春前有宮粉羊蹄甲同紫荊(粉紅),跟住就系漫山既臺灣相思(澄黃),而家就有開到顛既鳳凰木(艷紅)...


仲夏每晚歸家之際、沿路十數株白蘭更不乏蘭芳偷襲人肩,盈香直隨門前...

Derek 提到...

但樹想送俾人,要等十年

英倫肥龍 提到...

我都喜歡樹. 有時見到一棵形態靚既樹,真係會停步觀看,又一看再看.

而從香港仔往深水灣既路程中,沿途有唔少靚既樹.

不過咩為之“靚”,主觀覺得係樹葉青蔥,生得茂盛,加上陽光,視覺舒服就係啦.

另外,楓葉/楓樹都好靚(雖然近賞會比較好).

ah-yun 提到...

I know this story for a long time, didn't know it was by Shel Silverstein. Indeed, quite touching.

Samsara 提到...

大師:係呀,今年真係處處見木棉,火紅到好似樹頂燒著左;我等巴士既車站仲有一棵好香既樹開花,不過唔知佢叫乜名。香味好迷人,令人身心放鬆。

Derek哥哥:係呀,所以父母恩重難報。

肥龍哥哥:香港仔去深水灣條路我都好鍾意呀!仲有深水灣到淺水灣條路,在月圓既晚上去,個海好似靜晒既,反照月光出來,超靚。

小雲:係呀,最好個個小朋友都睇吓The Giving Tree。