天寒地凍,在家冬眠,無意中看了一個兒童節目,是一班小學生訪問張堅庭.
有一個小朋友舉手問張堅庭他除了睡覺、工作、倍屋企人之外,仲做d乜嘢.我一聽這個問題已經呆了.而張大導都口疾疾,叫個小朋友再問多次,結果只是話都給小朋友講曬,勉強答話仲有食嘢,跟住即刻Next.
個小朋友應該都估不到一個咁簡單的問題,其實對大人來講其實十分尖銳.因為咁問就等於問個大人你一日到黑忙乜,做人為乜.我估即刻答到的大人不多,起碼我就答不到,心唸好彩不是訪問我.
不知個小朋友如果問返自己,他會答乜呢?可能是去霸枱打他至愛的乒乓球,可能是去努力砌摸型打機,可能是睇漫畫吃零食,小朋友的世界真是和大人一點也不同.
還記得當我在小學六年班第一次看小王子時,真是不知佢講乜,又不知小王子同玫瑰攪乜,仲要最後小王子死了,真是覺得睇多次白雪公主仲好過.
但是到現在,一看到帽子vs蛇吞象的畫已經會心微笑,看到小王子一日要看44次日落的孤獨失落,看到要更多星星來買更多星星的商人,看到玫瑰的棘...
小王子果然是寫給大人看的童話.
而我,亦已經到了睇得明小王子的年齡.
沒有留言:
張貼留言