2007年1月2日 星期二

災後重組

十日與世隔絕後,開始善後.

在冬至我臨放假前果一天,我收了兩封辭職信.一封是個Clerk,影響不大.但另一封是阿June,咁就頭都痛.阿June看緊一條十四人的Team,一下子要我揾人代她真是好難.睇來都是要我自己做埋.

至於我老闆Michael的反應就真是有d好笑.阿June在我來之前曾經因為健康理由辭職, Michael為了挽留她而放了她一個月假,Michael覺得阿June一出了雙糧就走好今他失望,他覺得好似被人出賣咁.他不睬阿June,仲要我d工作會議不好揾阿June參加.


吓,個Staff上年辭得工就已經表明兩樣o野,第一是阿June不等錢開飯,無份工都無問題.第二就是無論用d什麼理由都好,都是對份工不滿意的意思.Michael剛剛才因為Christmas Party而同June攪得好僵(這裡),咁她覺得在這間公司都無運行,辭工都好正路,而這一個亦都是我一直擔心有人走的原因.Michael 竟然Suprised兼覺得被出賣,都真是有d "Naive"啦.

何況好來好去,d會又不是有乜商業秘密,做乜咁小家不比June參加?而阿June同她的Team Memeber一向關係好好,如果阿June一辭工就反轉豬肚,咁好打擊d人的士氣嫁.而家巿道咁好,Michael是不是想收多兩封信?

阿June而家要走,大家當然要保持最好的關係,起碼個Handover會順暢d嘛.個Staff有心機同無心機Handover的效果可以差好遠.我之前走的那個Staff真是博老命勁開OT來清o野,又將d完不到的工作交代得一清二楚,一d手尾都無留低.仲送了盒朱古力做聖誕禮物比我,攪到我好感動.點會咁核突不比個Staff去開會嫁!

有時對住Michael真是好似湊仔咁,成日要"禁"住他不好失禮人.

唉...

1 則留言:

CK 提到...

同事辭得第一次工,就點都會有再辭工之日架啦,你個老細,學你話齋,真係naive左d喎。