2007年4月25日 星期三

陳太的自白

我知呀,狗仔隊在我樓下一直等呀嘛.李太同敦太都打左電話比我,話新聞見到我屋企樓下啦.

我又無偷無搶,怕乜比人影相.上頭版喎,幾多人試過.不過早知會登咁大幅相出來,就化下粧,雖然吾係見工,都費事比d記者仔話我似賓妹.

其實我又有乜所謂姐,我老公同第個女人影張相之嘛,代表d乜?

何況,依家講緊一千億喎,係錢吾係活性乳酸菌呀.

就算益力多,都要成十枝先有一千億啦.十枝益力多,飲完都包肚痛啦.

打官司,都係用果零頭十億姐.無問題呀.

如果真係比我知道你個衰佬對我吾住既話,我一定會忍---到你贏左場官司.

咁我地一離婚,我就可以分到五枝益力多.

不過,以後我d小朋友出街都一定要帶傘啦.無辦法,如果比佢地影到d細路,佢地一定會照登出來.

可吾可以放過d細路?佢地係無辜嫁.

16 則留言:

學霖山莊 提到...

辛苦曬...
阿陳太...

On Dog 提到...

做咩咁投入呀?

Samsara 提到...

學霖:力不到不為財,小意思.

On Dog:五百億喎,何況要令個衰佬心如刀割,最好就係分佢身家.佢最鍾意錢呀嘛!

C.D 提到...

朋友問我:你夜晚有無睇「溏心風暴」呀?
我就話喇:車~身家得果6億,算得係乜喎!我宜家日日追緊「如心風暴」,仲好睇呀!

D.

學霖山莊 提到...

Samsara,
哈哈哈...

D.,
全中...

ak 提到...

Samsara姐姐,

分五枝益力多...都好...不過...如果可以好似車路士班主阿巴莫域治個老婆咁,同佢對分...就更加唔錯...

係狗仔隊既鏡頭之下...沒有所謂無辜既細路仔...好殘忍架...

Justin 提到...

唉,佢一早就應該將的細路掟左去外國避一避先。

其實,佢地係學校裏面,人地又點會唔知佢係邊個⋯

Samsara 提到...

阿D &學霖哥哥:
未係,六億咁濕碎.

AK哥哥:
起碼都真係吾好影d細路啦,好無陰公.

阿巴莫域治既身家,已經爆左我部計數機啦,都吾知即係幾多枝益力多.

Samsara 提到...

Justin:

陳生,真係乜都做得出,依場大龍鳳有排做.

如果d仔女爆光可以令佢博到同情或增大贏面既話,班細路都幾危.

其實,連陳太都應該出去避避啦,真係仲慘過犯人,仲要面目無光.

都係分佢身家先報到仇.

C.M. 提到...

十支 Yakult 唔會肚痛,但會嘔遮。

呢件事真係好嘔。

渣估 提到...

比著我, 真係做唔出拎番張咁既相片出黎畀傳媒刊登。

抵我做唔成大事。

Samsara 提到...

CM哥哥:
我都好頂吾住呀.真係人心不足,放長雙眼啦,大把野睇.

渣老闆:
辦大事,真係要狠.
即然吾公開,就吾駛消毀.

C.M. 提到...

渣Sir,

不如狠d,玩Show hand,將d陳年舊合照、全家福等等,全部拎出黎比d傳媒,鬥多!

若果掙家產靠相多,龔家一定贏。

seikomatic 提到...

Sam 師妹,

今次夏雨真系扯火面紅耳熱,當正自已個仔泥砌,越泥越有味道,反而律師樓條軌,見到果位林生就就好悶想轉臺。角式要去到盡,連院兆祥都非常稱職。

俺媽都要求唔睇 House ...你話呢!

Samsara 提到...

大師:

...其實我吾明你講乜,我係咪好out?

學霖山莊 提到...

我情願睇Dr.G. House...