2007年4月18日 星期三

Why we Blog

PK_哥哥見解精闢,言之有物,連打書釘,都有一d好有趣既見解

Why we Blog? 依本書我無睇過,講真,在有咁多其他好書既情況下,我都吾會睇.

而PK_哥哥既見解,正正確認左我對依Sina出依本書既動機既估計.對Sina來講,依個係一個好好既宣傳,亦係留住現有blogger,同埋吸引新blogger甚至其他blogger轉會既利器.

PK_哥哥又指出一個好有趣既觀點,就係,我地依 d blogger,係咪真係在心底之中仍然覺得自己比傳統媒介”低”d先?如果吾係,點解一有報紙雜誌指到blogger,大家都會好開心地爭相奔告呢?

而其實最重要既問題都係:點解我地要寫Blog呢?無錢收嫁喎,仲要花好多時間.又,可能都會有d虛名既,亦都有機會成名,甚至出書添,但係,依個可能性究竟足吾足夠justify我地放在blog上面既時間同心機呢?

我諗,十個人寫Blog有十一個吾同原因.我呢,就真係吾好意思都要承認,最初個動機就真係一d都吾偉大,只係為左練倉頡咋.

我其實都自學過兩次倉頡嫁,不過一直都學吾識.咁我覺得樣樣野都要有motivation,見d人寫既文章咁得意,咪自己都開個場來寫野同comment囉.因為我真係好享受blogging,所以到左依家,我既倉頡就真係快左好多呀.雖然偶然有字吾識打,又多白文,不過都已經叫做ok識打.

另外一個原因,咪係為左以文會友囉.我雖然鍾意同人面對面傾計,因為咁樣既溝通質素係最高既,睇到對方既body language又聽到個語氣,真係會少好多誤會.但係,有時一d比較複雜同需要組織既想法,真係用文字會表達得好d.

而其他blogger既文章同comment,真係帶比我好多mental stimulation,令我大開眼界,同學到好多野.原來有人咁樣睇同一件事嫁喎,真係我完全無諗過,真係有趣.而在寫文同回應既時候,都係一個好好既機會組織自己既思想,再重新審視自己,更加了解自己.

我已經寫左差吾多五個月lu,中間自己都發生左吾少既變化,有blog依個媒介記錄低,仲有一班網友吹下水,真係好好玩呀.

我無諗住會出書同出名呀,但係可以識到一班咁有趣既朋友,都真係已經好開心啦.

同埋,我都要借此機會多謝一班網友,你地既文章同comment,真係令我受益不淺呢!


P.S., 「有問號既請 “why do we blog?”」果句,好好笑呀!

P.P.S., Blogging有一個好大既好處,就係自由啦.學AK哥哥咁話:緣聚緣散.大家都可以自由來去,咁,每個人都有吾同既處境,要來要走都一定有佢既原因.所以,大家都係隨緣啦.

18 則留言:

C.D 提到...
作者已經移除這則留言。
C.D 提到...

多謝你呀,Samsara!
嘿!嘿!我邊會嬲你喎!

&
不過呢,我無你講得我咁好架喎~

&
我地大家一齊努力飲少D 咖啡啦 ^.~

&
我要戒的,我不能確切地肯定全是「心癮」,心癮、心引,就是從心中生出一條引子,越燒越熾熱...
我就是想盡自己的力量,砍斷這條引子.

&
老土d講句,我地有緣喺呢度認識,已是褔氣啦!
我惜褔架,朋友仔^^

D.

Gideon 提到...

我寫 blog 既原因呀,就真係想出書架,我仲想報紙報道我個 blog 啦,我又想好多好多人睇,咁我既說話就會好有影響力,我又想靠我個博搵錢,我用真名其實又真係想出名啦。哇我都算係博客之中最低俗個條友喇。

所以呢,我諗我用真名既動機同 70 同 Justin 係唔同架。

Justin 提到...

Gideon:

嘿!!我寫blog為咩?為出名囉!!

嘿嘿!我既frd時常同我講,語帶諷刺地說,我係唔係想學CK咁寫扑寫到出名。嘿!

但,同時,我又怕我老豆老母會睇到我個扑喎,因為佢地既思想比較傳統。

總之,我blog,好簡單,就係想人讚我寫野好囉!

Justin 提到...

另,你又覺得我動機會係咩呢?

C.M. 提到...

香水姐姐:

pk_兄既見解真係好正!

小弟都同你一樣,對本書真係無乜興趣,亦唔會睇,之前更加唔知道呢本書講乜,小弟仲以為只係“分析”一下,點知原來仲有埋catalogue...(嗚,早知道小弟一日寫一篇啦,仲要搬埋去sina寫啦,笨左添)。

鐵鎚兄:

老實講,查實你真係可以試下,當係創業咁。一來多條出路,二來真係賺到,可以做另一筆創業基金。後生唔博等幾時...

Justin:

友誼萬嵗!

ak 提到...

Samsara姐姐,

PK兄的確係真知焯見...根據佢講果d準則,「職場鬥獸棋」具備左輯錄成書既潛質...

不過...咁攪法,AK一定會俾一眾知情人士殺死...講真,之前有一段時間「收視率」忽然增加...AK反而係好擔心...

AK Blog,係記者既習慣,鐘意用記事簿記低發生左既事...

Albert 提到...

有日死左,都叫做有D野留在世上......

人家用得著就用啦!

渣估 提到...

Samsara 姐姐:

小人特來稟報: 當初寫blog 是因為CK, 看了他的《人在中環》, 提及的小老闆心聲有共鳴, 於是也寫些來玩玩; 後來寫blog 為洩洪, 皆因做生意好大壓力。

再後來識到一些網友仔, 深入地睇人地的blog, 自以為好似了解多左對方, 雖冇見過面, 但係就發生左一種「不見面、無觸碰的友誼」, 像兩個單獨囚禁既犯人, 互相知到對方就在不遠處, 幾拍拉圖。

學霖山莊 提到...

做CDR唔能夠領略web2.0嘅威カ...
又, 寫blog 都似渣老闆咁為洩洪架...

另, blog 到出野就真係大想頭...
不過有CK老闆做例子噃(只要有heart才會產生出共鳴 / 口個D永無話老闆啱晒嘅觀點我好buy架)

下一個出野應該係渣老闆(我唔介意有膠袋入著+ warning口架 / 只怪老闆坦蕩蕩+審裁署無識見jei)

我入blog之途: -
-->信報 孔少林
-->方卓如
-->CK
-->渣沽老闆...

Gideon 提到...

CM. 有啲野我係死穴,好似文筆唔好,儲畜少,冇 management 經驗。要日子囉。但係 blog 咪幾好?真係一個唔錯既練習埸。而且聽 PK_ 兄講自資出書都係兩皮幾啫。若果一日大鐵鎚個名響左,用返呢個名黎出書既成功機會咪仲高?我要時間喇。

C.M. 提到...

鐵錘兄:

明白。不過又...好啦好啦,小弟夠囉嗦勒。

渣Sir:

Blog界,真係一個大監獄,仲有一間好多人黎探監既四號房。

Samsara 提到...

阿D:
我今日都係天使勝利,tall hot chocolate.

有時自己會見吾到/吾理自己既優點,依個叫negativity bias.我想寫下依樣野呢.

Gideon:
其實,我覺得想出名,出書依d原因,有志氣我依種想學倉頡同無聊既人喎.

又,我覺得你其實都幾有自己一套既,咁,就等你ready既時候啦.

我真係覺得有夢就要追尋.

Justin:
你為左出名?我係估你想揾人傾計同鍾意黃碧雲囉.

我阿媽知我寫blog嫁,不過佢完全對我無興趣囉.

CM:
我知你點解寫blog, digitalize自己既筆記囉.

但係,在blog度真係學到好多野呀.你仲要寫民主自由添,真過癮.

AK哥哥:
你真係可以出書做作家嫁,依家吾得咪遲d囉.你既流量大左係咪十月革命果排?係因為好精彩呀.

不過你都係吾會理我嫁啦,係,我依份人都幾糾纏既.

Albert哥哥:
你有d灰喎,股市咁好,咁你一定係受校園熗擊案既影響啦.

人生真係幾話吾埋嫁,要珍惜.

渣老闆:
你今日篇野,真係hill.不過你都知我吾敢在你個場閙你,拍拉圖,算把啦.

學霖:
係呀,CD Rom真係吾知blogger既威力.真係一入blog門深似海.

seikomatic 提到...

Sam 師妹,

前排傳媒人馬家輝系電台訪問高調點名 渣哥,話佢好似(原文忘記).....高大威猛,長袖善舞,為香港海歸派中高產有識良心商界之名筆表表......豬如翅類......(識得睇渣哥扑既聽到都與有榮焉!)

其中講佢自已除左傳統媒體就系喜歡 blog 無字數限制,無老闆審查,無內容邊界...結論系應該每人一扑...

但老實講過憶網站,過百萬bloggers,惦解偏偏要系呢樹見到你......
除左緣.....
就始終要有D好似CK,渣哥.....etc 呢D名星s,先系聚腳地。

喵妃 提到...
作者已經移除這則留言。
Samsara 提到...

大師:
你都講得好岩,我係在渣老闆個blog識你既.

我明既,都係吾好講咁多.


媌妃:
我諗d人仲鍾意你夠坦白,依樣野,真係好可愛.

想寫就寫,想停就停囉,吾駛迫自己.

我都估吾到我可以寫足五個月,仲上左癮,真係失足.

Albert 提到...

香水小姐:

正所謂世事無常,並無好壞之分......^_~

Samsara 提到...

哇,Albert哥哥,你依句講得好.