2007年4月22日 星期日

灣仔趁墟

今日,第一次去灣仔有機農墟

墟仔細細,真係有一種同周圍既高樓大夏完全吾同既純樸鄉村味道.

佢地都係本地既農民,將自己用心栽培既有機蔬菜親自攞來買.

有d檔仔放左農民張相出來,而佢本人就站在個banner下面買菜.以前在日本既超級巿場會見到有d農產品會放個農夫張相出來,多數d農夫都笑得好開心同自豪,好似講話:「睇下d菜幾咁靚!係我種出來嫁.」估吾到香港都會有.

果d菜,真係好翠綠,上面仲有少少泥添呀,好明顯係今朝先摘既,好新鮮呀.

佢地在幫你磅菜之前,一定會順手摘走d無咁靚既葉,緊係啦,依d係佢地引以為榮既產品,一定要以最佳面貌到客人手中.佢地除左有好開心同簡樸既笑容奉送之外,磅完之後,又多數比多兩條菜過你.

果度無人用新膠袋,都係循環再用d百佳,惠康膠袋,所以,都係自備購物袋啦.

有個婆婆仲得意,我地擺左d菜在個磅度,佢望左一輪,攞左個天平秤出來,話:「我好蠢嫁,學極都吾識用d磅,只係識用依d古老秤.我個女就識用,不過去左買飯.」

哇,婆婆你一d都吾蠢,d只有刻度既天平秤都識用,比我就真係吾識就真.不過,我都特別小心check下婆婆有冇找多左錢.

價錢,就係貴d嫁啦,有機耕種既成本好貴嫁.比如果d有機黃豆肥,就貴過化肥五六倍,又因為吾落殺蟲劑,要多d人手來人工除蟲嫁.大既$16-20一斤.種類有羅馬生菜,西生菜,橄欖菜,白蘿蔔,油墨菜,西芹,紅菜頭...

特別推薦車厘茄,有機車厘茄真係好好好好好味!飽滿多汁,仲有好濃郁既番茄味,原來真正既番茄係咁既味既,好香呀.

依個墟馮星期日在灣仔稅務大樓旁既灣仔告士打道花園,時間由11:00 am- 5:00 pm.本來賣埋下個禮拜就完嫁啦,不過依家延長到今年年底.

得閒就去幫襯下啦,健康好味,又有人情味!

6 則留言:

渣估 提到...

請問有冇通菜賣嫁?

我最中意食通菜嫁勒! 尤其是馬拉盞炒通菜!

On Dog 提到...

見妳咁enjoy, 我都想同屋企人去喎!

ak 提到...

渣估兄,

通菜...好似係唔係時候呢...AK prefer蝦醬炒...好過椒絲腐乳...

Samsara姐姐,
AK唔prefer士多啤厘,車厘茄成為左好既替代品...

火鶴 提到...

sara, 你買嘅, 係心機嚟架, 你識欣賞, 佢哋當然開心啦.

人大咗先至會鍾意食菜, 依家, 除咗潺菜之外, 樣樣菜我都鍾意食.

通菜, 最緊要惹味, 無論蝦醬炒抑或馬拉盞炒, 都好.

sara, 我成日覺得你係一個世外高人.

Samsara 提到...

你地個個都可以吃通菜既?我一吃就實抽筋,正一抽筋菜.

渣老闆:無通菜,依家未係時候,要遲d先有.馬拉盞椰菜苖都好食.

On Dog哥哥:去啦去啦,支持本地有機農業.

AK哥哥:超大士多啤厘超好味,仲有糖心添,不迥都一樣未到時候.

火大俠:我係俗人.不過網上真係好多高人奇人.

渣估 提到...
作者已經移除這則留言。