2007年4月28日 星期六

貴婦狗

火火留言話:「噢,有人話我知...係太陽報老作既假新聞.日文報紙完全無呢個報道呀. 嗚, 上當, 重寫blog立此存照添 (笑緊自己呀, 唔係你), 嗚...」

吾係掛,竟然有報紙作故仔,揾自己既公信力來較非?我地既傳媒真係淪落成咁?仲大鑊過二千隻羊比人當狗賣左喎,真定假嫁?

===================

醫生,點解我隻狗吾識吠既?我有時叫佢,佢仲會答我:「咩...野?」咁呀,佢係咪第一隻識講野既神犬?

醫生,點解我隻狗吾食狗糧同牛扖,吾同佢嫌我d牛扖吾係神户牛柳,太cheap?

醫生,點可以吾同佢打防疫針嫁,容乜易有瘋狗症?嗄,要打口蹄症防疫針先岩?

醫生,點解我隻狗生得咁大隻既,我都抱佢吾起啦,佢明明係迷你種貴婦狗來喎.

.....

吾得啦,依個係咪假新聞來嫁?求你話我知係d人作來玩嫁啦,我依家見親狗都想笑呀!

.....

又,各位朋友,好多謝你地呀,我好耐都未試過好似昨晚咁,笑到流眼水,依家開心返晒.

7 則留言:

譚劍 提到...

個單,都算係天下奇聞!

cheryl 提到...

不過可能仿真度奇高
真係低b不過
照計佢唔曉吠你都會睇到佢有蹄啩...

學霖山莊 提到...

多謝貴婦狗...
咩...

C.M. 提到...

香水姐姐:

呢單野,小弟真係點都唔信係真架勒。

點解...?我屋企個隻都成日咩咩叫架啦,唔通話我咁醒目都會比人搵笨囉播!

怒火眼睛 提到...

噢,有人話我知...係太陽報老作既假新聞.
日文報紙完全無呢個報道呀. 嗚, 上當, 重寫blog立此存照添 (笑緊自己呀, 唔係你), 嗚...

s-pig 提到...

我今日係赤柱真係見到隻羊咁大既貴婦狗呀...即刻諗起你啦...

Samsara 提到...

豬豬妹妹:

實情我今日都見到一雙黑色既貴婦狗,都真係笑左出來.

不過,依單既係咪真係太陽作出來嫁,我都嗚嗚嗚呀.

火火,同是天涯淪落人呀.