2007年5月2日 星期三

母親

母親真係好偉大既,懷胎十月,又要無覺好訓喂夜奶.換片依d咁壓惡性既工作,母親都係無怨無悔地做既.而且我吾只一次聽到有母親話佢可以對住d便便笑既,因為BB已經幾日無大大.

其實,真係只有前四後六都真係吾咁足夠既,可能加多一兩個禮拜會好一d,等母親既身體更好地回復,又可以多d時間照顧BB.

但係,點解我咁旺既?已經有兩個大肚婆啦.

第一個大肚婆星期日順利產子,仲好開心地打電話返來報平安添呀.

佢之前個肚真係一個鑼咁大,加上佢身形嬌小,真係好震撼嫁.我地個Tea Lady仲話佢會早生,搞到我幾驚呀.真係睇左佢個裝著必需品既手袋在邊,仲攞埋佢老公電話,準備萬一佢在公司作動時可以通知佢屋企人.

好彩佢都係在預產期先生咋,如果吾係都真係幾手忙腳亂.

下一個大肚婆會今個月放產假,我仲未請到人.

今日,又收到令一份醫生紙,又多一個大肚婆啦.

而家足足有三個大肚婆啦,有冇人想生仔呀?不如來我公司做啦,好旺嫁!

10 則留言:

匿名 提到...

你係咪老闆啊?

大肚員工真係令中小企老闆欲哭無淚!唔單只係產假,前前後後d病假事假,又要搵人頂,生之前好多稍為粗勞少少嘅嘢唔做得,生完之後有一排都會無心機做嘢.

做阿媽肯定係幸苦(我老婆生完無耐),為母親和bb著想,放多d假一定係好.但希望政府有津貼俾老闆.

匿名 提到...

根據數怪哥哥聞見思錄,香港既出生率有反彈之勢,販賣教育產品應有可為.

情定大飯店 提到...

我今期(即兩個月內), 已經收到不同朋友的通知....大大話話都有7個人同我報喜話有咗....

跟住就問我, 咁你有未呀 ?
我都唔係想生豬bb....咁趕做咩喎 ?
等我調理好個身子先啦,
因為之前捱壞咗 !!!

如果政府有設最低工時, 我就唔駛咁慘啦 !!!

seikomatic 提到...

Sam 師妹,

俺身邊只有得閑見面玩兩手、七八歲既細佬s,最細果個三歲,上次佢系外國番泥第一次見面,齋玩背囊仔一粒鐘,已經開心到顛左咁,事後仲要問佢阿媽有無夜晚發惡夢。所以好耐無大肚囉。除左果個一般性兩個月跟身。

老人服務應該比細路生意有錢途。好簡單,增長率快D,有實數你維。

Samsara 提到...

小企老闆:
我係阿四,所以咁煩.大肚婆放假好難安排.你又吾可以請個perm,大肚婆會返來嫁嘛;請temp呢,都質素會差.我而家唯有請d temp clerk做d簡單野,佢既工作就佢既teammate分擔.

數怪哥哥:
會吾會係好似情定姐姐所講,係豬年效應呢?好多人都好信依d野嫁喎.

情定姐姐:
我今次都好彩,d大肚婆身體都幾健康,之前試過有個大肚婆因為大肚而高血壓兼糖尿病,佢又情緒不穏,又撞正勁多野做,佢真係會做做下係度喊,我都好想喊.

果排,真係好悲情城市.

係呀,要自己身體好先生呀,媽媽真係好偉大.

大師:
你好似好鍾意小朋友喎,之前你影d小朋友相好得意呀.

我有個好朋友個女一歲多d,正正係最好玩既年齡,佢仲好識tum人同做鬼臉,真係笑死你.次次同佢玩完我都筋疲力竭,真係吾知佢阿媽點樣又要返工,又要湊佢.

都係玩下人地既算啦.

老人巿場真係好大,你有冇留意有間叫文化村既老人院,專做d有錢老人生意.

匿名 提到...

我公司剛剛都有一個同事大左肚...佢未結婚,年紀又唔大既...我同呀姐講起...佢個反應係「依家d後生女真係...」

咁我又唔知人地背後既故事,但係唔通我地呢d (我指我,唔包括你呀,samsara)唔拍拖,年紀唔算好大,想生bb既人就唔可以生咩?呢個係四百萬既承諾喎,咁大家就唔可以appreciate人地喺一個唔理想既環境都對自己下一代負責任既決心咩?

母親節就到,希望大家都對媽咪再好d啦...

Samsara 提到...

豬豬妹妹:

我其中一個大肚婆都係未結婚嫁,不過佢一有左就既刻同男友結婚.

我其實好老土既,如果真係有小朋友,會希望比到一個完整既家佢.

但係,如果意外有左而都願意獨立承擔,真係好勇敢,同媽媽真偉大!

又,真係鍾意小朋友,都吾一定要自己生既,咁好孤兒,領養得吾得?

情定大飯店 提到...

去保良局助養, 又可以成日探佢....又唔會好貴....

當然, 領養同助養係唔同啦....咪step by step試吓先囉....

話時話, 我都好耐無去保良局探小朋友...

Samsara 提到...

情定姐姐,

你不嬲都助養小朋友嫁?真係有愛心.可吾可以帶佢地出去玩既呢?

我成日都想帶我朋友個一歲幾女女去迪士尼同海洋公園,不過佢咁細,好大工程.依家最多都係帶佢出去吃飯.

我媽媽有助養一個尼泊爾既小妹妹,佢四歲幾,生得圓look look,好可愛.同埋佢d眼神話比你知佢好聰明,應該都好曳.

諗到依個咁精靈既妹妹可以讀書,都幾開心.

匿名 提到...

前四後六比多一兩個星期都唔夠架,兩個月大之前的BB 生活節奏未定下來,仲好需要媽媽的照顧,有些仲可能需要食夜奶,放得果七八星期產假,變左媽媽產後根本沒有機會好好休息便要回到工作。計我話,放三個月有薪,之後可以optional 放多無薪兩三個月就差不多。