2007年5月9日 星期三

情色

中大學生報在我既年代係傻瓜集中地,你可以話佢地無知天真on居,有左仔,有環保戰士.佢地都會討論各種各樣爭議性題目---粗口次文化,性傾向,妓女,性暴力...

今次學生報情色版提到亂倫、人獸交,我覺得題目本身無問題,但係報導既內容同手法就好吾OK.

前幾年科學雜誌Discover都有講人獸交,係講有個男人因為同羊性交而染上動物既性病,跟住傳染佢太太,從而推論到人同動物疾病既另一個傳染途徑.

至於亂倫,就係哲學、心理學同人類學既恆常課題.Blogger哲學家没有翅膀近來都有論述

敢講社會上既忌諱題目,敢講一d冷門無巿塲既議題,本來係學生報既優勢,亦係大家努力保護既言論自由同思想自由;但係佢地依家低俗既內容同手法,簡直係濫用社會資源同對佢地既信任.

兩個字:Bad Taste

====================
乜野叫做Bad Taste?大師既留言真係好鬼勁,一定要貼出來.

精工大師曰:

大佬、諸君、閣位,同好:

Taste 當然好主觀,但都有D共識呱。

難聽D好果你見到條友開口埋口,句句先一定講 DLLM...(sawlee Sam),唔通你又話個人言論自由,個人品味,個人意志選擇!

請問當初佢地構思呢個偉大既題目時,真真正正想得到乜野效果呢:

(1)彰顯中大學生報言論自由的超然地位;

(2)為香港大專學界渣旗,帶領學界再闖文化禁區;

(3)重新五四學界對社會文化啟迪的使命;

(4)體現中文校方對言論自由的包容性冠絕香江;

(5)真實反映今日中大學生的性取向及狀況;

(7)為校園中遭性壓迫的一群提供出口;

(8)為同學們宣示性愛生活的多元性;豐富同學們對性的認知;

(9)鼓勵參與,體驗性的題目,積極面對性的G點;

(10)舒解嚴肅沉悶既大學生活,為同學們帶來校園一般清淫之(淫者多也)風;

(11)表演中大同學的文字創意及前瞻;

(12)收左避孕套公司讚助。

以上唔駛選擇,因為全部答案都系正確的。

=====================
延伸閱讀:
學生報
面就人地比
辯才無礙

33 則留言:

匿名 提到...

學生哥始終年紀少, 又年少氣盛, 容易走差走錯左, 好需要有人提點下。但最重要係怕佢一走就走到無雷公咁遠, 都未拉得切佢就碌左落山, 負上了刑與責, 咁就徙了!

小9做大學生時, 慘過一舊飯, 希望社會各眾"教悔"佢之餘, 比條出路佢, 免得打鬼沉佢…

Taste呢樣野, 真的見仁見智, 小9未睇到,故評唔到, 唔知網上有冇得睇下呢?

匿名 提到...

搵到, 睇睇先...

seikomatic 提到...

大佬、諸君、閣位,同好:

Taste 當然好主觀,但都有D共識呱。難聽D好果你見到條友開口埋口,句句先一定講 DLLM...(sawlee Sam),唔通你又話個人言論自由,個人品味,個人意志選擇!

請問當初佢地構思呢個偉大既題目時,真真正正想得到乜野效果呢:

(1)彰顯中大學生報言論自由的超然地位;

(2)為香港大專學界渣旗,帶領學界再闖文化禁區;

(3)重新五四學界對社會文化啟迪的使命;

(4)體現中文校方對言論自由的包容性冠絕香江;

(5)真實反映今日中大學生的性取向及狀況;

(7)為校園中遭性壓迫的一群提供出口;

(8)為同學們宣示性愛生活的多元性;豐富同學們對性的認知;

(9)鼓勵參與,體驗性的題目,積極面對性的G點;

(10)舒解嚴肅沉悶既大學生活,為同學們帶來校園一般清淫之(淫者多也)風;

(11)表演中大同學的文字創意及前瞻;

(12)收左避孕套公司讚助。

以上唔駛選擇,因為全部答案都系正確的。

Blogger70th Floor 提到...


過了晚上,過了早晨
我就黎左呢到留言

其實呢小 justin 尋晚已經同我 msn 討論過少少呢個問題
(啫呀哥仔我呢老架啦咁夜呢就......)


其實我係撐學生既
bad taste 還 bad taste
即便如大師所講我見到條友開口埋口,句句先一定講 DLLM...(sawlee daisee)

雖然我會對呢條友敬鬼神而遠之
我仍然會話:
佢有權句句先一定講 DLLM
因為呢個真係佢既言論自由,個人品味,個人意志選擇!
(hmmmmm,不過我又好似記得向某d情況下向公眾地方講粗口同埋上司向下屬講粗口係會有可能干犯刑事既,咁,如果我真係要整鬼佢,我會 trap 佢囉)

呢舖中大野呢
我只可以話
well 點解個編輯的編審能力咁差
well 點解 d 稿咁差

我認為
校報想探討性
無問題
想登d情慾故仔
無問題
之不過
從文筆 、故事興味黎睇
"滿足"同彩鳳篇文都真係幾差

講白d
我話既 bad taste 唔係講 sex 就係 bad taste
亦唔係講果兩篇文章的主題係 bad taste
甚至我唔會話果兩篇文章係 bad taste,因為,果兩篇文章,係 BAD(寫得差)!
咩係我口中就呢次事件而說的 BAD TASTE 呢?
就係選擇刊登呢兩篇文
bad taste 既
係編輯

如果我地呢D所謂大人
要鬧要嘈
係應該鬧班細佬 BAD TASTE on 選文
(哇哇哇,姐姐咁無丫嘛無人投稿丫嘛)
(細路,中大好多獎學金呀,如果果年無合資格的候選人就唔頒,背後原因點解,你唔會唔明下嘛)

打個比喻
就好似我地係一個古老的名門咁
呀仔大個啦
要娶老婆洞房花燭
然後佢同我呢個伯爺講老豆我無經驗我可唔可以去買幅唐代春宮黎參考下呀
我呢個老豆諗唉仔大仔世界丫有d野都係要佢自己揣摩先得既
於是就話好啦你自己去揀啦
點知
個仔買左幅方向報既卡通返黎

我當然想兜巴星佢啦

最後
我想講既係
對細路呢
寬容d好

seikomatic 提到...

細路仔唔識世界。

可以系理由,所以咪教下佢地囉。
可以系藉口,所以咪要教下佢地囉。
可以系實情,所以咪要好好地教下佢地囉。

「嘩眾取寵」同【妙筆生花】真系同taste 無關。

唔講 taste..但系如果大學校長著住條底褲去食麥肯基,飲私家紅酒始終有點兒格格不入。

適當既地方做適當的事叫做common sense 同尊重。

seikomatic 提到...

真系比俺開口中,未睇就替呢班友夫子自道。

Well 用上呢D咁堅既【渣近】,果然系高等知識份子。真系要學野:

(1) 批判現今社會單線...........(講乜L野呀,睇多D先講啦,現今社會何止單線,除左男女,仲有男同,女同,大便,小便,人獸,3p,XP,群交...sawlee Sam and Seventy)

(2) 本報對情色版嘗試加入多元的性想像,乃在抗拒現今香港社會論述性的單元......(果然系民主多元社會主義先驅表表者)

(3) 若本報存心賣弄色情,譁眾取寵,何不刊登裸女艷照直接挑起讀者遐想?......(夠彊就唔好齋講唔做,俺有大量情色照片可以免費提供,小小鳴謝,登埋俺個名就ok啦,免籌)

(4) 正因不能循正常的渠道獲得有關性的資訊,自由討論,才讓商業化的色情資訊有機可乘,把我們社會對於性的看法極度扭曲、渲染,變成單一的淫穢想像...........(真系偉大囉,情色直輸,咸故到會,清純正、無扭曲,只有此家五個㊣㊣㊣㊣㊣)

(5) 不少人視大學為與市井隔絕的神聖廟堂........(Sawlee,大學系男女性交的另一選擇,打野戰,尋刺激的好地方,既免費又實際,經名大傳媒正/負扭曲面深入報導後,改經人神共知啦。形象改造...系成功既!)

(6) 我們希望透過《中大學生報》的空間鼓吹知道、面對、分享、溝通和尊重。..............跪請中大學生報下期增刊【大羅真理子胸前寫真】,深入報導【澳門情色事業的歷史源格暨香港夜總會文化的興衰史】,【如何香港今女性在壓倒性性文化中重新勃起】......


Sam 師妹,真系唔應該繼續系你既地方柯,不過越睇越【性起】,挑動俺既寫野【性趣】...

俺咸濕,只系表現出你地對俺既誤解同偏見,出於無知,應該反省既系你地。俺最中意系地鐵群交而且電視現場直播比校長大人私人欣賞...希望佢地下期可以包括俺既個人性幻想系問卷里面。(轉載自已地頭)










致各大傳媒朋友︰

《中大學生報》於去年十二月增設情色版,近日遭輿論斥為「淫穢」,與坊間報章風月版混為一談。對於此番誤會,本報深感意外。三十八年來,本報一直以針貶時弊,改革社會為己任,關注世道的篇章至今未嘗稍歇。創設情色版的用意,在於批判現今社會單線、扭曲的情慾想像,營造開闊討論性與慾望的空間,與本報傳統一脈相承。

抗拒對性污名化

本報對情色版嘗試加入多元的性想像,乃在抗拒現今香港社會論述性的單元。情色版之成立,旨在打破一元性論述,解放遭這論述壓迫的弱勢者。

本報四月號刊登同志指點異性戀者房事的書評即為一例,展現不同性傾向人士之間決非只有壓迫與屈從,卻有平等的交流溝通。備受爭議的情色問卷亦非刻意鼓吹某種性行為--如所謂的「亂倫」和「人獸交」--而讓讀者如實反映他們的性想像,藉此反思一元性論述。若說鼓勵同學發表意見等如「鼓吹」「淫亂」,實無異於將性傾向歧視條例立法等同於「鼓吹」同性戀、加劇愛滋病、打擊出生率等等。此皆以禁忌之名,無限上綱。

情色版強調每個人的慾望都需要被尊重,用之與「新亞桑拿」、風月版等等以販賣及標榜物化「身體」相提並論,恰恰就是社會對性論述膚淺一元之明證。若本報存心賣弄色情,譁眾取寵,何不刊登裸女艷照直接挑起讀者遐想? 反對權威與淫穢共生 有論者指責本報不以艱深學術談性,不以權威人士回覆讀者來信,彷彿不詳加解釋就無權威性。然而輿論何曾要求傳媒講飲講食之際,須經過專家學者剖釋?食色性也,選擇性索求解釋,為的不是求真,只是維持禁忌。 現今社會充斥著各種色情資訊,大學和師長卻對性三緘其口,是極為不健康的狀況。正因不能循正常的渠道獲得有關性的資訊,自由討論,才讓商業化的色情資訊有機可乘,把我們社會對於性的看法極度扭曲、渲染,變成單一的淫穢想像。如此種種,使我們的社會對性只有兩極化的論述。若非把性視為洪水猛獸,只以生理學或醫學的角度作「性教育」,完全不討論性在我們日常生活中的位置,便是把性理解為淫穢不堪的事物,男男女女都只能藏頭露尾,偷偷地竊取快感。 批判階級歧視 我們不反對學術性的談性,亦有這個能力,但這種經過消毒的象牙塔口吻究竟排拒了什麼社群?基層人士有多少能以這種語言表達自己性的經驗?不少人視大學為與市井隔絕的神聖廟堂,本報堅決反對這種偏見。1968年美國哥倫比亞大學故意興建體育館隔開校園和哈林區,校內學生群起抗議這個將大學和貧窮黑人分開的舉動。拿學位、賺錢、搵食,然後俯瞰黎民,不應是大學生的目標。大學的意義必需建基於與群眾同行,這亦是《中大學生報》的理念。 「性是亦只是男人對女人的淫慾發洩」、「大學生是天之驕子」都是本報極欲鼓勵同學打破的成見。指出國王沒穿衣的,唯有不拘謹害羞的誠實小子,讓同學敢於由衷說出親身經驗和想像,才是求真相、問為什麼的第一步,我們希望透過《中大學生報》的空間鼓吹知道、面對、分享、溝通和尊重。 《中大學生報》出版委員會謹啟二零零七年五月八日
Last Updated ( 週三, 09 五月 2007 )

Samsara 提到...

好呀,吾講taste,講點解要出依份報紙呀.

佢地係想達到乜野目的呢?佢地對自己份報紙又有乜野要求呢?

依家寫d咁樣既文章,係令到大家諗多左倫理問題,定係對變態心理學有多d認識呢?

係呀,我依家吾係睇緊風月版或者xx網站,我係對學生報有d要求嫁喎.

佢出左依期之後搞到大家群起媽之,吾等於引起討論或刺激大眾對禁忌話題既反思喎.

後生仔最緊要係乜野呢?就係衰就要認,打就要企定.

我吾諗住要個老編負刑事負責既,但係如果真係做錯既話,係咪應該道歉呢?

夠膽承擔負任先係真正勇者.

Blogger70th Floor 提到...

> 衰就要認,打就要企定

我同意
所以我就話囉
細路
無謂逞強啦


「嘩眾取寵」同taste有無關呢,就......
(嘿嘿嘿)
喂大師呀~
▲◎●▲◎●▲◎●▲◎●▲◎●▲◎●▲◎●▲◎●▲◎●▲◎●▲

Samsara 提到...

大師:

你係未馬料水人呢?我好feel到你果種愛之深責之切既心情喎.

我讀書一直同自己講,辯才係吾可以濫用既.

如果一日到黑只係磨練詭辯之技,吹水吾抺嘴,只可以成為一個絶世文棍.

少說話多做事呀吾該,睇多d書曠闊自己既視野,眼界同品味,先係真正應該係依三年大學生活做既野.

匿名 提到...

Samsara姐姐,

見到呢一篇,真係忙到死都要覆一覆...

AK出入馬料水既日子,曾經做過學生報既編輯,果一年係AK係負責本雜誌既執編...果一年,係范克廉既三零七室,都真係發生左好多事...

AK果個年代,就係西門報同小門報標榜於「正統」(即係指學生報而言)以外發聲既年代,一句「係死水入面為校爭光」可以挑起軒然大波既日子...學生報當年被指為「道貌岸然既偽君子」,係要批倒批臭,「踩一千腳一萬腳要你永不番身」既打擊對像...

由邊一刻開始,作為「主流媒體」既學生報要為左「批判現今社會單線,拒現今香港社會論述性的單元」,而要做起情色文學既「旗手」...

學生報作為主流媒體,有主流媒體既身份同報格...正如我地係學生報,唔係小門報...

已經係大學生啦,做野,經下大腦好唔好...

匿名 提到...

亦請參閱:


公器私處用
http://hk.myblog.yahoo.com/tokuhon_blog/article?mid=336&prev=337&next=335

誰是國王?誰是小子?
http://hk.myblog.yahoo.com/tokuhon_blog/article?mid=337&prev=-1&next=336

Blogger70th Floor 提到...

> 西門報同小門報
咩黎 ?
> 「係死水入面為校爭光」
同果首新詩有冇關係 ?

各位
其實我熬底
我驚大師會鬧我所以返到屋企就拿拿臨黎kap kap
▲◎●▲◎●▲◎●▲◎●▲◎●▲◎●▲◎●▲◎●▲◎
大師你千祈唔好鬧我呀
(好驚)

匿名 提到...

AK:

我地係同年代人.

香水妹妹:

亦請參閱:

newsserver: news.hkpcug.org

中既

hkteen.university.CUHK

「文盲」同我既comments

ps:唔想用outlook搞咁多setting,可以用

http://www.nntp.hk/web/

匿名 提到...

香水妹妹:

唔好意思分開幾次出post.

我覺得呢,鄉村大學的問題在於和藍血大學對立的意職.

我入大學時,香港仲係得兩間大學,完全感受到鄉村大學呢間平民大學「打倒階級階視」(社會階級,我會搵日寫)的傳統,所以我地會不屑一d「貴族」lifestyle.

但係到左而家,學生刻意爛仔化,以不視自己為well-educated既人為榮,愈市井流氓就愈高興,以為咁就係走入群眾,而唔知自己已經走火入魔.

大力兄真係慘,因為我覺得呢班學生係唔會反省既.

ps.我用notepad起稿,在copy&paste的時侯,差d cop 左呢篇去七十既留言版度!!

Blogger70th Floor 提到...


@&*^$*&%^&%*^*^*&$

C.M. 提到...

雖然很想知道此事的前因後果,亦我曾到魔術師的Blog看到一點點有關此事,但還未能親身翻閲此“學生報”。

小弟也不是馬料水人,所以不知其文化如何。

作為旁觀者,或許只能用推斷以下一句來推斷:

"Be what you say you are."

那是學生外的大眾,或家長、或教師、或其他院校學生對待此事的反應。因為外界只是覺得,“你們表裏不一致,當一個學生,但沒有一個學生”。

主觀與否,個人認為不是重點,只是,外界覺得,學生們/編輯們做了一些不是學生要做的事。或許他們覺得,你們要搞什麼都可以,但要名正言順。(More likely a discrepancy in expectation)

seikomatic 提到...

阿彌陀佛!

Samsara 提到...

七十:
吾駛驚喎,我估你只要吾好學我咁,係都要屈大師係男人既話,佢係吾會嬲你嫁.

AK哥哥:
Well,我一入u就係小門西門...印象深刻.

哈哈,我自爆左年齡啦,真係希望年年十八歲,可惜做到依樣野既,只有智商.

你又做乜在度開名呢?你自己睇下係咪delete左個comment佢啦.

吾怪之傻得咁緊要.

數怪哥哥:
吾好咁嬲啦,我諗top 2/3%既同學仲係好好嫁,都仲有好多人吾贊成學生報既做法既.

只係大力哥哥真係慘,對住依班死仔,真係好想體罰佢地.

你啦,AK哥哥同我,其實曾經出現於同一時空...真係好有趣.

CM哥哥:
我依種中大老鬼,對母校充滿感情.除左渡過青蔥歲月,仲係人格眼界既培養場所.

愛之深,責之切.


我依排真係好忙,又馬拉松得體力精神透支,真係要休息一下,依個禮拜吾會出現.

匿名 提到...

Samsara姐姐,
AK呢d百代之過客,光陰之逆旅...開名都無人留意啦...唔管lu...

不過大家曾經係同一個時空出面...又真係好有趣...哈哈...

匿名 提到...

香水妹妹:

原來你細過我兩至三年(視乎你有無讀中七)...

七十樓呢,就細過我_年...

嘿!

Blogger70th Floor 提到...

扮晒野
你擺明知我細過你幾多年架啦
老伯伯魔術師!!!!!!!!

seikomatic 提到...

Sam 施主,

俺今日先知道你個名惦解。善哉,俺有點怕。

匿名 提到...

精工大師,

其實AK以前用Samsara依個字查個維基百科...

處女座黃金聖鬥士沙加,最接近神之人...

六道輪迴...

Samsara 提到...

大師:
嗯,我諗緊會學巴利文既.有乜好驚?

AK哥哥:
乜原來有d咁既解釋?不過我係獅子女皇.

唉,真係死左都要反生.

今日好冇心機,大鑊野來緊.

Blogger70th Floor 提到...

師姐保重!

seikomatic 提到...

Sam 師妹,

學左成為俺第一個識巴利文既朋友,Ynot。

But what do you want from it?

深呼淺吸,得左。

匿名 提到...

Samsara姐姐,

大大鑊以前都撐過...今次無話唔掂既(今日AK要過大海)...扯啖氣,搏佢一搏,反正nothing to lose...

第一次知果陣,AK以為姐姐係揭佛經搵依個字出黎...又諗起沙加出六道輪迴既場面...

匿名 提到...

電話訪問

http://www.youtube.com/watch?v=2oWEXS5DUYc


http://www.youtube.com/watch?v=t32kBmjGuWo

Samsara 提到...

今日真係war time呀,好慘呀.

我有讀緊法句經,都有學少少巴利文嫁.一諗到當年佛說既語言今日我都在度讀緊,真係個人都放鬆d.有時聽到d故仔,真係會眼濕濕.

聖鬥士果陣我都吾細啦(你仲吾細),無睇到依part喎.只係記得雅典娜一日到黑等人救.

唉,但係我反對要拉人封艇囉.我吾信d同學吾會片學生報喎,學校馮乜野干預?

至慘都係大力哥哥.

言論自由!!!

seikomatic 提到...

Sam 師妹,

俺覺得如果見到佛舍利或者木乃依仲感覺,簡直系時光機。

前者好遠感受過,後者近距離聞過。

seikomatic 提到...

而家呢個問題變成:

一班無知嘩眾多取寵既『死燦』,就泥變成『言論自由烈士』。

無理由要成全呢班『死燦不悔』。

跪請校長先生大人慳D 啦。

Blogger70th Floor 提到...

同意大師所言

匿名 提到...

今次佢地真係求仁得仁了.

《中大學生報》情色版被評為二級不雅刊物 (星島) 05月 12日 星期六 02:38PM

《中大學生報》把今年其中兩期初步被淫褻物品審裁處評為二級不雅物品,下周初將正式公布,《中大學生報》編委會可在其後的五個工作日上訴,若維持評級,編委會將面對起訴,罪成的最高刑罰是40 萬罰款和一年監禁。

《中大學生報》編委會成員今日把最近3期刊物送交影視處,影視處職員表示,淫褻物品審裁處已把《中大學生報》四號評為一級物品,但二月號和三月號則評為二級不雅物品。學生報總編輯曾昭偉批評,審裁處的一貫做法是審閱整分報刊,但今次僅審閱「情色版」,所以認為今次是雙重標準。