2007年5月24日 星期四

停經

各位女仕,依個吾係科幻小說,未到更年期之前,我地可以揀永遠停經

仲記吾記得未有月經既日子呢?可以自由自在無拘無束,吾駛在office永遠有準備以防萬一,吾駛去日本台灣之前一直計住究竟有冇得浸温泉,吾駛有果幾日好攰但係都要頂住眼訓返工既日子?

之不過,你又係咪真係敢試先?

人體其實比我地想像之中複雜得多,好多以前以為無用既野,結果發現原來有用.比如盲腸咁呀,以前大家一直都以為佢只係一個退化左既器官,仲有d醫生會「好心」地在幫病人開肚做手術時,順手割埋盲腸,話反正盲腸無用,割左佢就吾駛有盲腸炎喎.

結果,之後既硏究發現,盲腸係免疫系統既一部份.身體會將d細菌痛毒同毒素集中既盲腸度打仗,如果盲腸發炎,其實係指依個戰塲告急,吾夠d病菌打.咁我地正確既做法係要幫拖,而吾係剷左依個戰場.

割左盲腸,其實就好似因為嫌個煙霧警報器太嘈而熄鬼左佢,咁吾駛問,身體好快就會出現沖天大火災.

其實月經係乜野呢?依個其實係子宮每個月準備懷孕既一層營養層,但當女性無懷孕時,依層營養層就會自動脫落,形成經血.

我之前讀Bio時,就成日諗,點解咁浪費地將營養排走,而吾重新吸收返體內呢?

人類在漫長既進化之中,其實大部份時間都係處於營養不良既狀態嫁喎.以前果種Hunter-gatherer又或者逐水草而居既生活,真係好難講下餐幾時有得吃,營養係好珍貴既.每個月都有一次大流血,對身體係一個好大既負擔,點解咁都要有月經呢?

會吾會月經仲有一d未發現既功能呢?會吾會對心理健康有好重要既作用呢?依個惠氏藥廠既新藥兼識生金蛋既鵝「來不了」(講開又講,個名譯得真掋死),食得耐又會吾會有d乜野估吾到既副作用呢?

姊妹們,都係諗清楚先好試!

20 則留言:

tungpo 提到...

我向來覺得違反自然的東西,必會帶來其他問題,所謂一得一失。

seikomatic 提到...

Sam 師妹,

check this out..

http://www.youtube.com/watch?v=IbTW5VYwf4c

ah-yun 提到...

我就唔敢試囉……

When I heard it on the news, I was a bit shocking... as much as I don't like having period, but without it, do you still feel like a woman?

I think our bodies have a very smart mechanism that's working it's own magic... I don't think we should disturb it.

I like keep things in their natural forms.

Blogger70th Floor 提到...

呢 d 藥係唔好架
我上次就係因為去浸溫泉而船頭驚鬼食左五日高劑量
哇幾慘呀
水腫呀我


其實我一直都唔明
話明 d 血係營養素
咁即係 additional to 其他血液啦

點解 period 會面青青貧血既呢?
衣樣
同食完飯跳跳扎會盲腸炎一樣,係一個謎
(啫呢呢頭食完,果頭就去到腸果度?)


你心情點呀?
仲有無落雨?

Gideon 提到...

哈哈遲啲會唔會倒轉有藥令到男人都有 M 到呢?等啲男人可以明白女人所受既情緒問題同痛苦,不過啲血要响邊度流出黎就係問題喇。

Blogger70th Floor 提到...

向你個死人頭到留出黎
等你咁靚仔丫拿

Samsara 提到...

東寶哥哥:
係呀,真係吾應該Play god,亂咁改天然既野.

大師:
咁都比你揾到,哈哈!

小雲:
咁又吾駛月經先係女人,不過,個design係咁,就無謂亂改.

七十:
月經d血係來身體抽出來既,所以我地真係個個月都流血.不過我都吾明點解明明d血一早已經allocate左,到M時我地都會咁大反應.

吾落雨lu,我決定左放自己暑假.

Gideon:
咁,緊係要在塊面度流啦,咁男人可以永遠青春...豆...囉!

Blogger70th Floor 提到...

> 吾落雨lu,我決定左放自己暑假.
yeah!

C.M. 提到...

查實d血,本來有用,不過係唔用咁解遮。

香水姐姐:

6月未放得暑假呀,不過,落完雨,就一定要恭喜嘞!

ah-yun 提到...

我識個女仔啊﹐冇M架﹗我話﹐「正丫﹗」不過佢就覺得好慘囉﹐好似miss out 好多野咁。I think she really want to have babies, so for many years she would seek help from doctors. The doctors told her to take birth control pills. "It" gives her a little blood... but so I was like, how are the birth control pills going to help you get pregnant?! Hmm... In that sense, she might not feel like a woman...

學 霖 山 莊 提到...

其實有 M 可以成為: -

唔方便...
心情欠佳...
或痛苦例假...

嘅代言人
女仕們會唔會其實對 M 又愛又恨呢...

話晒我自幼已經幫姐姐買"燕德"
總算有少許資歷...

Samsara 提到...

七十: Thanks!

CM哥哥:暑假係自己放比自己既.

小雲:我諗就算吾生仔或者無繁殖能力,都仲算係女人掛.

學霖哥哥:乜你咁乖嫁?你坦白講,驚吾驁碰到熟人?會吾會覺得好瘀?

點解我細佬無幫我買過?

K 提到...

女仔有正常的M, 其實係俾身體一個調節和清理體內"廢物", 硬係停M, 我怕係谷出Cancer來。

所以, 一切順其自然好了~

Samsara 提到...

Karen姐姐:係呀,可能就係M令女人比男人聰明呢.

火鶴 提到...

錯喇sara, 男人會聰明地出火.

學 霖 山 莊 提到...

哈哈...
雖然細個果時面皮厚, 都知道瘀皮嘅...
不過, 話晒都係街坊藥房, 知道我姐姐弱能, 玩我幾次便唔敢再玩...

但係去Supermarket 就無咁好彩, 要心中念咒: 「唔係自用、唔係自用、唔係自用...」

Samsara 提到...

對吾住呀學霖哥哥.點解我成日都係咁既呢?一日到黑都係開口gup著俐.

而且,我覺得好慚愧,我阿媽成日都話我地依代實在太幸福,其他人吾知,但係我就一定係囉.

其實我手上d問題有幾嚴重姐,我就搞到好似好大件事咁,真係太少挫折太幸福啦我,有時我都會覺得自己好無用.


火大俠: ...

匿名 提到...

仲算係女人咩?????????

學 霖 山 莊 提到...

Samsara,
請別介懷...
我只是將每個人都可能面對的事情提早面對吧了...

其實我地已經比好多人幸褔,
但係, 又唔代表我們在心情低落時不可以呻一呻啊...

超級英雄都有不如意時...
我們不應該勉強自己...

Samsara 提到...

學霖哥哥:

都話你堅強嫁啦,不過你講得岩呀,淨係睇你同情定姐姐果d殺死人既當街當巷、旁若無人、刀光劍影既打情罵俏,就知道你好幸福啦!

我覺得做人真係要選擇開心,而個係我近來既課題,亦係我好不足要努力改善既地方.

我真係要接受自己軟弱之處.謝謝提點!