2007年8月3日 星期五

快樂多角度(7) - 知足

大師留言,關於點樣一生至算係好:

『其實生蓬當下,處於香港,可以上網風花說月,已經足矣。

首選無債,金錢債,感情債,親情債。

無債則心自由,其它隨緣游走,把握機遇,盡情嘗新,不枉此生。』


我地真係處身於一個飽食年代,但係我地又有幾開心呢?咁我地一定開心過其地同樣在地球村中,捱緊饑荒同戰亂既人,但係當一d最基本既需要---食物、乾淨水、有瓦遮頭、人身安全有保障之後,我地又有幾何會因為自己有幸生在香港、識字仲識打字、有錢有閒上網而覺得開心感恩呢?

點解我地已經係全人類之中最幸福既百份之一,都仲係有咁多煩惱同唔開心呢?點解我地都仲係成日傷春悲秋呢?

因為人心不足囉。

有時真係覺得依個真係人類一個天生出來既default settings,我地在度追追趕趕、營營役役,為理想而奮鬥,不過到你目標達到時,成功既果實原來唔係好似想像之中咁甜美,甚至會變得苦澀,覺得後悔。

我地到底同自己講過幾多次:「只要我xxx,咁我就會開心。」?

結果呢?到你真係xxx時,又有幾開心?

所以好多時候我地會見到未結婚既人想結婚,結左婚既人想單身;不育既夫婦想生仔,有小朋友既父母又煩惱教育子女同點樣揾到四百萬;冇錢既人恨發達,捱到真係有錢但係全身病時想要健康;在一事無成時想要出人頭地,到事業有成時就想要返放棄左既愛情,緬懷失去左既青春。。。

幸福係乜野呢?莫非就真係一隻藍鳥,稍縱即逝,永遠都捉不到?

其實藍鳥係乜野呢?咪就係自己不定既心囉。因為心永遠得一想二,對自己擁有既一切視而不見,永遠只看見自己缺失既野。而當目標達到時,只會高興一兩日,當個adrenaline high過左之後,又覺得不外如是,又覺得人生有欠缺,又再揾到其他既目標。。。一次又一次咁,循環又循環。


到底係藍鳥玩你,定係自己個心作怪?



我問大乘法師點樣先可以開心,答案只有兩個字:『知足。』

14 則留言:

Forever 提到...

知足者常樂, 咁我都好知足, 日日開心哈哈笑^^, 希望香水小姐都做到.

Gideon 提到...

我覺你地都有一稞會被感動既心,實在係太難得喇。我睇黎睇去 CM 個度講呀斌,一啲感覺都冇,直頭冇呢個興趣睇晒個度既留言,真係事不關已,一啲都 connect 唔倒。佢想唔想死,關我 L 事。唉﹗我係咪泠血架。

(Sorry! 我又九唔答八。)

小乘道姑 提到...

大乘法師不一定對: 知足不一定能令人快樂, 正如Gideon 講的斌仔

on dog 提到...

其實知足就能否開心?
Maybe...

講得好岩, 人係default左一生不斷去追追追, 不知足, 人才會進步, 任何發展, 乃基於此.

不如說, 曉"感恩"!
感恩, 感謝, 開心, 但不用"足", 開心地keep on去 pursuit, 我想, 能這樣, 應該開心吧!

Gideon兄: 同感! (cm post 部分...)
"係咪冷血"? 冇既, 每人既諗法都不同, 冷血亦冇definition....free will ma!

野蠻郡主 提到...

Gideon,我覺得又唔係冷血,可能係比較理性同現實罷!知足有樣好,好多野都可以簡簡單單…但有幾多個人係唔錯過好多次下學會知足呢?...

xiao zhu 提到...

對於冇嘅嘢要感到知足,對於有嘅嘢要識感恩。兩者可以分開,又可以並存,相對性嘅算係較為理想嘅做法。不過我慢慢體會到盡量唔好要咁多呢類嘅標籤,因為發覺人有時又會真係好愚蠢,標籤本來只係一啲參考指標,但係定左出黎之後,啲人就會不知不覺間本末混亂,唔識點靈活運用。原來有時啲嘢真係可以唔駛了解的太透切架,大概攞到個感覺就行得架嘞。(噏緊咩呀!)

Samsara 提到...

永恆哥哥:知昜行難,我係講就叻,實踐就努力中。

Gidoen:
>>我覺你地都有一稞會被感動既心
「我地」唔包括我嫁嘛?我個人理性有邏輯兼幾冷情吓嫁喎。

小乘姑姑:知足不一定能令人快樂,願聞其詳。

On Dog哥哥:進步...發展...我地真係進步緊咩?我地頂龍可以講係物價指數文明進步左,精神文明就...起碼我自己覺得新詩比起文言詩詞,真係不夠格用「詩」依個字囉。

整體既快樂指數,我好懷疑今日既社會唔及以前務農既簡單生活。

郡主妹妹:關於阿斌,我都無乜特別感覺,雖然我強烈反對自殺,但係亦唔會強加我覺觀點在佢身上。最重要既係,自己做既事,自己要承擔責認,死係解決唔到問題既?

我又係咪好冷血呢?

小豬妹妹:
>>大概攞到個感覺就行得架嘞
依個都係我既態度喎,隨心而行,唔需要太多計劃,反正生活永遠都係出乎意料之外。

同意標籤用得太多,好多時變左在definition上既爭辯,好無謂。

學霖山莊 提到...

得道了...

on dog 提到...

hehe....進步, 指所有野....

見sam姐既言詞間, 好似有點苦惱...都係搵搵哥哥, 快d來多次"化妝party", 大家再把把酒吧...

:)

seikomatic 提到...

其實 知足 同 感恩 具體未必分別好大,但如果加上宗教既成份,感恩因為有人/神有施於你,知足系內省的。

講感恩同知足往往系曾經蒼海既,有咁上下人生閱曆既先感受到。年輕人應盡情享受孩童年少應有既無悔無懼。

佛家說無慾無執,可能變成好冷血,對所有無動於衷,但在未成佛之前,仲有大慈悲,關愛眾生,一樣不捨不離。而且呢種關愛唔系系一定從上而下既施,貧的可以施力於富,喜的可以施樂於苦。

Samsara 提到...

學霖哥哥:小心雙眼呀,仲有人話飛蚊症、視網膜脫落係因為壓力呀,小心減壓。

On Dog哥哥:我係好忙同精神緊張,訓得唔好囉。好呀,得閒再party啦。

大師:你段留言我睇左好多次,其實在我等凡夫眼中,到底係無執定冷血真係好難分,但係既然選擇左依條路,就要一步步去執,慢慢減淡慾望,咁先有心既自由;而依樣野,同慈悲應該係無乜矛盾,甚至相輔相成既。

慈悲喜捨係四無量心,我講既係捨,你講既係慈。

七十樓危危下望 提到...

大隻哥哥偏心!
我夠苦惱囉

Samsara 提到...

七十:咁,我約你囉!

七十樓危危下望 提到...

嗚嗚
佢地麻甩春風吹不盡