2007年8月7日 星期二

變形金剛

令人跌破眼鏡既係我竟然走去睇變形金剛。無計,依期無乜戲好睇。

想當年我其實差唔多所有男仔卡通片都睇,唯獨是唔睇變形金剛。我梗係覺得一個好地地既機械人變成一架車係一個好蠢既概念,而更蠢既係如果個機械人變成做車,就唔可以因應環境狀況而變做其他野,比如船呀、飛機咁。哇,只可以變成一樣野既機械人,又點稱得上變形金剛?

不過我細佬同一班男同學十分之極度咁迷變形金剛,集集都風雨無阻一定睇,仲要不停討論戲情同扮變形金剛...最搞笑係我細佬佢地班人有一次見到架貨櫃車,跟住就好雀躍地周圍講話架車十足柯栢文...聽完之後真係要無語問蒼天。

睇完依部戲後,我先知原來係「博」派同狂派,以前我一直好疑惑,點解叫「國」派,莫非係「國」字臉?咁係正邪大戰之中,就梗係幫人類既博派係正義之師啦。

但係,點解博派要幫人類呢?當哥倫布發現新大陸之後,對於當地原居民真係極盡巧取豪奪、殺人唔眨眼。又,如果唔係因為原居民對歐洲人帶來既病菌毫無抵抗能力,因此而發生大瘟疫而死得七七八八既話,當年既白人就唔駛好「貴」地山長水遠在非洲捉奴隸,直接就將佢地賣曬來做奴隸。咁美國既南北戰爭就唔係因為黑奴而係紅奴lu。

我地人類自己明明係狂派,又憑乜野要求外星係博派?仲有好似柯栢文同大黃蜂咁無私,要犠牲自己來保護我地呢?真係同你有親?

咁我當外星人進步文明d啦,咁比多幾百萬年,人類又可唔可以進化到無戰爭、唔再持勢欺人呢?

請記得,有人類幾耐,就有戰爭幾耐。

19 則留言:

學霖山莊 提到...

Gee Gee Gu Gu...

on dog 提到...

呢呢lu lu...

Gideon 提到...

Bee bee bu bu...

ak 提到...

砰寧貧臨

野蠻郡主 提到...

睇完之後,我鐘意大黃蜂!

TK 提到...

有幾點頗有趣

* spoiler warning*

1. 原來柯柏文好鍾意諗埋一邊做死士,小朋友唔聽佢講,塞舊野俾未出櫃的麥加登就有運行

2. 麥加登照計無可能識英文,仲要成個狂派d人本來講開火星話,一見佢就要轉英文台!wtf? English from Mars?

3. 即使柯柏文保住個細蚊仔,咁高跌下來,震都震死佢

4. 成日幻想若果大黃蜂興奮過頭,忘了叫主角下車就變身會怎樣

5. 陰謀論地想:博派是「巧取」,狂派是「豪奪」。博派的idea 是在地球打死晒d反對派,再慢慢同人類算帳

6. 點解狂派d 人一入都市就咁刻制?用返一開始打美軍基地果種火力不就搞掂嗎?

7. 有無一舊博派的能量方塊?點解變親出來的都是狂派?是不是代表博派其實係不自然產物?

***********
transformers
9 up till you die

火鶴 提到...

sara, 我有friend話想睇多次喎.
不過我睇完之後, 點都唔明佢哋點解要重睇.
卡通片呢, 我依家番睇緊聖鬥士星矢, 細個睇果陣時唔明佢噏乜, 只係覺得著起聖衣好型.
依家睇番, 先睇到唔同嘅篇你講唔同嘅哲理:
好似黄金十二宮, 係講正義同邪惡嘅苟分定義, 青銅聖鬥士為保護雅典娜而打低好多人, 究竟佢哋係邪惡, 抑或係為正義而戰呢?
而冥王篇, 就係講人性同因果報應.
sara你佛法咁勁, 練好咗天舞寶輪未呀?

ak 提到...

Samsara姐姐,

玩野既留言完左啦,都係正正經經講番兩句...

「博」派之所以叫做「博」派,其實係源自於佢既英文名「Autobots」(汽車人)中的「bots」...至於「狂」派...如果ak無記錯既,佢英文名好似係「Deceptor」(可能串錯字)...

故事入面,博狂兩派之戰打左成幾百年,博派可以講係一班打到「滑哂牙」既退伍軍人,一早厭戰,流落地球之後更加唔想再打...

人類仲要打多幾多個百年,先會「厭戰」?真係唔知...

火兄,
姐姐係獅子女皇...佢會出艾奧里亞既「閃電戰鬥拳」...不過唔排除佢會識得用「六道輪迴」...你咁好火...因住佢送你去「修羅道」...(ak呢d就多數係地獄地...)

on dog 提到...

AK兄: 小9鍾意"雅典娜的嘆息", 同無量神掌第十式"無悔三震"異曲同工...

seikomatic 提到...

None but Simpsons..(might be)

Spider pig...spider pig???

Samsara 提到...

學霖哥哥、On Dog哥哥、Gideon、AK哥哥:........我又要無語問蒼天,滴汗。

郡主妹妹:hummm,我對車,真係無乜感覺,博派好得唔真實。

TK哥哥:嘩,你同我一樣,一面睇一面在個心裏面媽媽聲,一d都唔投入。
1. 都唔明點解高智能柯柏文咁蠢,佢自己去水壩打死雪條麥加登咪The End囉。
2. 英文係麥加登在跌落南極時學既,不過果時未有internet...
3. 依個問題,係所以Hollywood片都有囉,慣左。
4. 會有茄汁流出來。
5. 都有機喎,攞到人類相任再毁滅我地,不過人類真係諗得自己個地球太好啦,人地係機械人,唔駛陽光氧氣,做乜花咁多時間來搶你個好暖化既地球?
6. 真係好句!
7. 哈,不過個Nokia怪獸幾得意。

火大俠:我講既男仔卡通片係黃金俠呀、鐵人廿八呀、超時空要塞果d,你聽過未?都話我地有gap嫁啦!

星矢既時候我都真係唔細囉,奈何我全班同學不論男女都愛上依部卡通,我因為正值青春期,對peer pressure完全無抵抗力,所以先睇下。

你睇左咁多既竟然,我覺得打來打去都係咁上下,無印象。

AK哥哥:明明係日本卡通片,點解要用英文音譯?我睇果日遲到,一去到已經講完星球大戰片頭...博派唔想打?超,咁未唔好打囉。

艾奧里亞好potato,真係唔想認佢。

On Dog哥哥:其實成部星矢之中,我最唔妥雅典娜,我最先以為雅典娜都會變身,來一個裏應外合,結果佢原來係花瓶,成日比spotlight照住,流住眼淚望天打掛,妖!

Samsara 提到...

死啦,唔明喎大師!

seikomatic 提到...

down the memory lane

http://www.oldcake.net/

ak 提到...

Samsara姐姐,

有所不知啦...變形金剛一開始唔係日本卡通,係美國貨黎架...所以就係英文為主既...

唔係喎...艾奧里亞都potato??咁天秤座既童虎老師咪係大茄囉...

惡女 提到...

-->「點解博派要幫人類呢?」

我睇完覺得好好睇,想睇多次
但同tk一樣,好多問題唔明
柯柏文,真係諗埋一邊
乜咁鬼易塞舊野入麥加登心口就得架拿?
咁打生打死仲乜?

我細個最鍾意,係聖鬥士星矢!絕對沉迷,但大個睇返,就覺得好鬼犯駁,認同火鶴,都唔知佢咩係正義咩係邪惡。

Samsara 提到...

大師:怪物小王子,六神合體,星仔走天涯...我真係好old cake。

Ak哥哥:變形金剛來自美國?唔怪之d公仔咁硬線條啦。艾奧里亞啤酒肚+黃金甲,仲唔係金黃potato?童虎老師...個名好得人驚吓喎,莫非係猫樣兼攞住把諸葛亮扇?真係一山還有一山低,你都係學我咁唔好認佢啦!

雯雯:塞舊野入麥加登心口時,我本來以為佢會充滿力量大變身嫁,咁明顯既弱點,真係打咁耐先死算佢大命。

米都話唔搞咯 提到...

仲有超呃錢o既「十六機合體」,抽lau蛋抽晒我d零用錢。

火鶴 提到...

sara, 嘩你舉D咁嘅例嚟講我哋個gap, 咪所有人都知你大個我咯!

AK47兄, 睇嚟呢, sara都係鍾意沙加嘅喇. 六道輪迴係sara嘅必殺技, 睇佢個名就知啦.

卡爾 提到...

第一次留言,首先向 blog 主 Samsara 小姐 say hello.

估唔到一套「變型金鋼」都可以引起咁多討論,真係重勁過 Da Vinci's code!!

「變型金鋼」既 plotholes 之多,Samsara 小姐都已經提出左一大籮,但其實大家真係唔洗咁認真去睇套戲,套戲擺明係齋 sell 特技大場面,就連 Transformers 個導演 Micheal Bay 自已都用 Stupid Toy Movie 去形容套戲。最初史畢堡搵 Micheal Bay 拍「變型金鋼」,Micheal Bay 都推左話唔想拍(試問荷里活有幾多個導演有guts向史畢堡say no),到最後肯拍都係因為史畢堡三催四請,再加上 Micheal Bay 自已都知道「變型金鋼」hit硬,先至肯上馬。

AK兄解釋左為何正邪兩派機械人叫「博派」同「狂派」,係度想補充下「狂派」個狂字係音譯自「狂派」個英文名Decepticon中個"con"。