2008年4月2日 星期三

電車

其實,人同電車既溝通真係十分困難,但係估唔到,電車同電車都係一樣溝通唔到。

何解兩部電車,會爭辯個device係router定firewall呢?又會問一個ip係咪由個WAN connect to LAN?咁,依舊黑色既野究竟係橙定蘋果,又點會有得拗嫁呢?

仲有
PING
MT
FE0/1
????????

什麼呀大佬!PING係咪撼頭埋牆果聲呀?

電車之間既問題,可唔可以電車自己解決呢?係都要夾小小在下在中間,我都唔知我問緊乜,亦都唔知答緊乜,係咪玩先?



上海既電車就仲攞命,不停地問我『貓』係邊...

貓???

結果係,Modem....................

又話我個LAN頭有事,什麼八盞燈之中三盞唔着,唔影響上網,但係又要fix喎....之但係,fix乜野先炸???


唔明。(句號,無尾音果隻)。

14 則留言:

Juicy Runners 提到...

電車就係電車, 係咁就係咁, 冇, 計。

所以,喜歡不喜歡,都要KEEP住AWARE/UPDATE D電車語言, 唔係搞唔掂D 有電既, 到頭來都係...

U盤/小老鼠/... 貓? T_T

匿名 提到...

搞到我真係以為講電車添。

覺得最搞笑係第一次聽到 Modem -> 魔電,好得人驚喎。

仲有一次睇網上既人寫左個古仔,叫做〝我的 D 槽〞,嘩‧‧‧搲哂頭喇,乜野係 D 槽?原來係 D drive‧‧‧

學 霖 山 莊 提到...

呢篇有d似召喚魔法...

b lei bu lu...

大鐡鎚起動了沒有...

Morca 提到...

嘩...
直頭係冥王星話...

原來,你公司除咗飬住好多女女外, 仲係一間電車廠...

你唔明嘅話, 好難做車長喎...
啲電車其實係好崇拜權威嫁!

真係要搵呀"靚仔"鎚惡補惡補...

匿名 提到...

Sam:

首先,我都以為你要講交通工具(tram)。可唔可以不要用[電車]般的方式:用代號加簡述。好難明"架"(不過又好好笑!:>)。

我有點同情你,因現時的電腦太方便用家了,好多時用家不知使用中的電腦設定,又不會使用固定的[電車]公司/部門去管理,因而倆個[電車]要理清對方的設定才可解決問題。

其實,這不是[電車]專有的,好像你腳痛,有
可能是外科(如:骨科)、內科(如:腫瘤科、神經科)或其他(如:精神科)等。(你明啦!唔多講。)

我知你好大頭,俾佢地互相溝通告知你結果(點做)吧!

祝福你

游閒的
麥太

Morca 提到...

仲有,大部份人嘅通病, 就係對外人照樣講好多行內術語.

識少少,扮代表:
用電話做例子...
IP 其實就好似電話號碼咁,一個人可以有一個或更多電話號碼(無電話號碼嘅,就要食自己囉).

至於 Ping, 其實等於用最基本嘅電話工具,主要用黎試電話線路.
如果打得通,即係話條"線"無問題

其他嘅,問下啲高手啦!

又,你果兩架電車連橙同蘋果都分唔開,小心出軌...

MAXWHY 提到...

一個每樣野都係用電腦嘅時代,多多少少都要學識點同一眾電車溝通。睇嚟要出本電車語言學大全,方便正常人有個可以同電車溝通嘅Protocol !

另 -> 「貓」在大陸唔係解做 email 咩!幾時變咗做 modem !?

噢!你篇 "Man's Search for Meaning" 仲會唔會繼續寫?期待!期待!

Samsara 提到...

On Dog哥哥:根據近排好忙果個電車哥哥講,依個係好複雜既Network setting喎,佢d中文好過我十倍啦,但係解完我都一樣係唔明,真係投晒降。

單野搞到家陣都未fix,再有兩邊大佬插手搞大佢來做政治角力...總之就做人家嫂甚艱難。

獅子哥哥:哈哈,我呢,私下叫IT部做電車部好耐,都係昨日因為太氣憤第一次在電車面前直接咁叫佢,哥仔家陣一聽到個「電」字已經彈起...好好玩嫁!

學霖哥哥:係啦,大鐡鎚咁耐都未到嫁呢?

Morca姐姐:no la,昨日比我同成班妹妹圍摳既電車係我地個IT Supports公司既人來,我邊識睇電車呀,求其希望佢地唔好走過來撞我就得啦。

麥太:我d文不對題同跳躍式思考,你都唔係第一次見(忍)嫁啦,唉,我舊想電車問題電車解決啦,但係電車唔肯仲越來越多人involve呢,咁我始終係在人界嫁嘛,我返來再揾你來惡補電車啦。

又回Morca姐姐:多謝你呀!我呢,昨日都有wiki過下,d簡單既野都明明地,有電車仲畫左個一舊雲圖來解釋個network setting,但係到依一刻個蘋果定係橙既爭論我都仲係唔明搞乜...

Maxwhy(哥哥?姐姐?):我覺得電車係特別唔user friendly囉,比如protocol都夠晒嚇人啦,其實不過係Rules咁解,我依d讀business既,係要求自己要講得越簡易越少jargon、寫得越短越好,比如我會講table唔會講matix,無文化都係咁話。

多謝你仲記得Men's Search for Meaning呢,其實我今次在上海mow時,又翻看依本書一次,比起真正受過苦難既人,我果少少事又算得係乜?...雖然一去到toilet依個位唔駛問我又被打敗啦,但係依本真係我一生人之中,睇過既其中一本最重要既書。

依排好攰囉,但係一定會寫既!

Juicy Runners 提到...

下! 佢都做左電車? 咁小9都走唔甩了...

T_T

Gideon 提到...

>>學霖哥哥:係啦,大鐡鎚咁耐都未到嫁呢?

咩啫.. 我咁靚仔.. 死都唔認係電車... T_T

電車既定義咪同人溝通有問題..咁當然唔 "user friendly"...而同其他電車溝通有問題亦係正常...因為電車都係人吖

匿名 提到...

To: 鐵鎚

〝電車既定義咪同人溝通有問題..咁當然唔 "user friendly"...而同其他電車溝通有問題亦係正常...因為電車都係人吖〞

好鐘意你寫呢句,唔知點解,即時令我諗起 i=i++ 或者 i++=i。

Samsara 提到...

On dog哥哥:哈哈,我都係第一次見到有人會爭住認電車,果然係好兄弟呀吓。

靚仔大鐵鎚:你出現啦,Yeah!同人溝通有問題就唔駛講啦,電車既思考邏輯真係同人有d唔同,佢地真係會用programming來思考,完全唔會諗一個人其實係好忙既,係想d野要夠intuitive,而唔駛刨晒成本user manual(都一樣唔明)先可以用到少少野,要將電車由programming既天堂拉返來人間,真係永恆的拉鋸戰。

比個例子你,我要電車將個sorting排到:New, Production, Despatched, Invoiced...因為依個係定單處理既先後次序,但係電車排左Despatched, Invoiced, New, Production...因為係alphabetical order...想唔想死呀?

獅子哥哥:i=i++??? 好似好可怕咁。

Morca 提到...

你果啲係有軌電車,佢地係去唔到無軌嘅地方嫁!

因為佢地唔係為你做嘢,而係做自己覺得啱嘅嘢,但大家又好難搭得通...

Samsara 提到...

Morca姐姐:唉,揾食,係咁嫁啦。