2008年5月5日 星期一

游水

講起游水,諗起以前讀鄉村大學既一件好笑事。

首先要講下個地理環境,大學既學生泳池係在本部Snack bar對面,附近仲有銀行超巿學生事務所coffee corner大字報,所以從早到晚都係人山人海。天氣好時,仲有人乾脆攞碟飯坐在泳池上面既石級,一邊坐一邊晒太陽。可能大學生既生活實在太忙啦,平時甚少人游水,特別係好少見有女仔去游。

當年同宿舍有個ABC Exchange,長得好甜美嫁,仲要好好身材。佢就唔同,成日都去游水,仲要著住鮮紅色比堅尼再塗上不脫色鮮紅唇膏,仲要...游背泳

根據S既觀察,每憑Exchange去游水時,都有好多人坐在泳池邊食飯。

8 則留言:

C.M. 提到...

嘩!

好似電視送飯咁,睇到眼甘甘,真係開心!

學 霖 山 莊 提到...

秀色可餐...
大家要感恩...

Yummy...

kenkachemhazard 提到...

我肯定係行衰運, 當年我日日午餐去snack bar都冇見過有女的游水...

匿名 提到...

係唔係水鬼o黎o架...... :p

Samsara 提到...

CM哥哥:係啦,有得食飯又有食冰淇淋,大熱天時最好。

學霖哥哥:我見到依個塲面其實有時會諗,如果Exchange游得太辛苦而在池中心踢下水休息既話,一定會”冬、冬、冬、冬”聲咁,好多人跳落水救佢。

Kenka哥哥:我幾驚你係話行衰運係見到佢呀,我同Exchange上堂時間差唔多掛。

星星姐姐:唔駛驚,我真係在Hall見到佢,有腳。

匿名 提到...

都唔一定睇靚女既,當年有位英文系大隻ABC助教都幾喜歡lunchtime去游,佢一游蝶式幾個塘來來回回,d人都睇到嘩嘩聲,佢又戴晒泳帽泳鏡,好鬼快,好似睇奧運咁。

匿名 提到...

PS 要強調位助教beef cake得來係真高大,頭身比例正常,唔係果d得個胸同臂頭細身大既矮腳虎。。。。

Samsara 提到...

pk哥哥:我肯定係行衰運,點解我只見到今人自卑既美女,但係從來唔見有人撲蝶!!!

我中學時既男同學有幾個都係游蝶,身型一定好,因為要求全身力量都好高,連肩頭到頸既位置都會有肌肉,都唔知點會練到依個位置,但係又唔會好似建美先生咁嚇人囉。