2008年10月15日 星期三

冬甩佬

記得Freakonomics入面既冬甩佬嗎?佢本來打份政府工,在一次改組之後,佢決定提早退休,轉行在紐約賣冬甩。


佢無開鋪頭,而係每日一早送一籃冬甩去各大寫字樓,然後再擺低一個錢箱,采取良心制,等人食左冬用之後自動自覺放返一蚊錢落錢箱;冬甩佬讀經濟,本身係一個數怪,所以佢由第一日開始就記錄低每一日擺低幾多冬甩、食剩幾多,又收返幾多錢。佢每星期送8400個冬甩去140間公司...咁佢每一日既記錄,就變成依d公司既「誠實指標」。


依個誠實指標都有好多有趣既Pattern,比如,佢發現高級職員樓層既回收率一定低過普通職員既樓層,嘿,到底係個人升左所以開始唔誠實,定係因為佢地唔誠實先有得升呢?記住個故事發生紐約...你有冇諗起Enron、WorldCom同Tyco?

仲有呢,越多人既公司,個回收率反而會低喎。依個現象表面上來睇好奇怪,明明人越多,你比人見到你食野唔比錢既機會就越高,點解人少少既公司仔,d人反而比較老實d肯比錢呢?有個理論係,因為人少少,所以大家之間既bonding更強,好似你住在一個小村落咁,人人你都識,個個都認得你,你自然會因為有羞恥心而behave一d。但係你如果在一個幾百人既環境之中,咁,個人就只係蒼海一栗,就無左依個力量lu...如果咁講,高級職員既樓層就更加過份啦,因為高級職員既房都大d,佢地果層一定少人d嫁喎。

回收率呢,仲會隨住大時大節而波動。有d節日會令回收率升高,但有d節日反而會令回收率下降喎。比如在勞動節、國慶之前,人人因為有假放而心情輕鬆,就唔會想扼東甩佬果1蚊美金,回收率就自然高。但係在一d鬼佬大節比如復活節、聖誕節、感恩節,人人忙於準備過節,又要揾人來倍自己過節,壓力大,仲有人反而覺得更寂寞,所以,回收率會跌......估唔到,大節之前,唔開心既人反而多左...仲有,唔駛問阿貴,情人節前一定大跌。

天氣呢,亦都對回收率有直接既影響。如果天氣出奇地宜人呢,食客就會誠實d;但係如果天要下雨啦喎,阿東甩佬就倒霉啦!

咁,估下冬甩佬平均可以收返幾多錢?係87%。而在九一一之後,升左2%而無再跌過。

雖然,打開報紙你見到依個世界上有人偷有人搶有人殺人放火姦淫虜掠背信棄義,但係,報紙無講既係,絶大部份人都係誠實既。

起碼,有89%既人係誠實既。

8 則留言:

野孩子 提到...

如果咁講:
"人係有89%既時間係誠實既。"
又得唔得?結果又會點?


"到底係個人升左所以開始唔誠實,
定係因為佢地唔誠實先有得升呢?"

呢句最值得思考。


本書睇左三份一又丟低左~~

野孩子上

Samsara 提到...

無常哥哥,

嗯,我覺得本書好好睇,捱眼訓兩日就睇完添!人人平均都有89%既時間係誠實都係一件唔錯既成績呀。

丁丁成日都話,你要夠貪錢先至可能升到去高層(at least在佢果間公司囉)。

獅子皇 提到...

哈哈哈‧‧‧姐姐,我都覺得係要夠奸夠唔誠實先可以升到高位,而唔係升左上去先變得唔夠誠實既,我地呢 D 做人就係太老實,所以就俾個 D 人踩住上囉。

不過,信佛喇,始終我都係相信因果既,即係我係相信呢個世界係有報應既,所以我好鐘意睇劉華套〝大隻佬〞,覺得幾有意思。

Morca 提到...

嘿...
我睇果本係舊版,比較大本...

"國情"唔同,呢個結果喺第二處可能完全唔一樣...

匿名 提到...

關於social bonding,蔡子強成日提既破窗理論就提過,一個群體越多人,每個人需負既責任就越分散。所以,無請係車禍、舉報罪案等等,有咩問題出事的話,越多人係現場,就越大機會人人唔出手。

~goethe

Samsara 提到...

獅子哥哥:咁樣既人呢,我係將佢地歸類為「嬴到全世界,輸左自己」,攞到咁多錢又點,結果都係孤獨唔開心,我就一定唔會咁揀。其實呢,業都唔駛等到第世,今時今刻自己真真實實既情緒低落,因為權衡計算而產生既恨意同不安,已經係因為自己種瓜得瓜。

Morca姐姐:我果本都幾大啦喎,仲有再大d?大陸嗎,真係唔敢講...

嘩!歌德!!!
多謝你既comment,我無睇蔡子強呀,講破窗令我最深刻既係Blink依本書,在大庭廣眾有個女人比個傻佬插左幾十刀,不停大嗌救命,但係果幾百個witness都無救佢...就係因為dispersion of responsibilities....

人性真係好複雜,其實佢地唔係冷漠,而係,感覺唔同自己要做野。

dog o 提到...

Should be even more interesting, if can let it be in different countries and compare.

What if in UK? Japan? Taiwan? PRC? HK?

or maybe compare Central and MK?

Samsara 提到...

個人亂講,日本一定好過美國,佢地知道個「羞恥」點寫。