2008年10月16日 星期四

開不了心



(張相同內容無關,不過我喜歡)

(From:無常哥哥




一想起再累也是要做人 我的思緒便繃緊
誰又要大家比我還擔心 胡亂地鼓勵人
一想起往日某段抱憾 不要用笑話迫我暫時興奮
難道怕我一不快便輕生 輪流伴我談心 放心


不開心就不開心 也別勉強的慰問
但求隨著我的心 灑脫地尊重我的傷感
別要 不開心便找開心 去避過我的良心
消化憂鬱後 才令我拾回自信心


一想起戰亂破壞了文明 我怎可以沒知覺
告訴我幸好這裡沒飢荒 難道便可快樂
一想起我們有話要講 未曾被聽見便閉幕
猶幸我愛惜這個地方 仍然盛放


不開心就不開心 也別勉強的慰問
但求隨著我的心 灑脫地尊重我的傷感
別要 不開心便找開心 去避過我的良心
消化憂鬱後 才令我拾回自信心


不開心便找醫生 吃藥吃到不會恨
但求藍調更興奮 迫我大笑情況更傷感
不開心未必不堪 快樂也要找原因
一瞬間低落 然後我自然又再生

最後塵埃跌定 我便會翻生




***
林夕呢,果然係由焦慮憂鬱地獄爬返上來既人。唔係有自己親身既經歷,又點能夠寫出咁樣既歌詞呢?



有時候,我地會對自己有太多既要求,我地會要求自己名成利就、朋友滿天下,甚至會要求自己一定要時時都pleasant, cheerful,在人面前唔可以鼓埋泡腮,唔可以唔開心。

點解唔比人唔開心姐?開心唔需要原因,唔開心都一樣。

唔開心係唔需要考牌攞資格囉。

比如有好似哥哥咁,靚仔有錢有愛佢既fans同男朋友,但係,佢都係唔開心。

比如林夕咁,年年攞奬才氣迫人,佢都係唔開心。

有d笑話講話去睇心理醫生既都係闊太,講到好似闊太咁有錢,就無資格唔開心。咁講,係咪真係覺等於講有錢大晒,有錢就無得唔開心呢?

唔開心依個事實,係一個人自己最清楚既,亦係實實在在既感覺,外人唔可能講話「你無理由唔開心喎」。而當事人呢,如果佢唔承認自己感覺,甚至因為自己唔開心而覺得抱歉,咁只會令自己心情一直一直沈落去。


有時,唔開心,就由佢唔開心。

都係無謂迫自己點樣振作,點樣cheer up。接受自己依一刻就係唔開心嫁啦,唔開心犯法嫁咩?不如,真係感受一下唔開心既感覺,嗯,原來就係如此酸酸楚楚既滋味。

當心情終於觸底,就會反彈,「一瞬間低落 然後我自然又再生 最後塵埃跌定 我便會翻生」。

9 則留言:

HollyCow 提到...

妳話妳係咪知牛牛心?点可以唔每日上嚟呀?人人"網"海中我找到妳,真有緣。
我架吓咪嚟个feel囉!

dog o 提到...

現在聽,最到肉既變成:

消化憂鬱後 才令我拾回自信心~~~


好一個"消化"!

Samsara 提到...

牛牛:你日日都來,咁你就要日日都同我講你愛我啦!

不如我地一齊大撒把啦!

On Dog哥哥:消化......餅?因為....食得太多crab?我呢,真係好鍾意依首歌。

HollyCow 提到...

我愛你!

大撒???

Marshmallow 提到...

支持你!鐘意點咪點囉,鐘意黑面咪黑面囉,洗理佢...

Karen (Sze) 提到...

Samsara姐姐,

您有所不知嘞!

有一種唔開心, 唔係一時, 而係很長時間都係咁唔開心; 而呢種唔開心, 係會影響自己的身心, 甚至會做成悲劇, 例如depression。

無謂迫自己點樣振作,點樣cheer up。反而, 係點樣解決和醫番好個心病, 走出藩籬, 不論係心理上還是藥物上。

我曾經有過心理病, 不過都可以慢慢好番。

HollyCow 提到...

對呀!
情緒真的是我大敵。看看以下我寫的。全部也是情緒低落的傑作。唔好以為外表開朗,人見人笑的人一定冇depression。11月是最差的。4点半就天黑。我1995年試過抑鬱症半年,唔知点解会冇端端坐係到喊。所有人都冇乎。3/4月後,見番陽光後recovered。近日有点失控,不知是否因最近發生的事受影響!要好好多謝一个人, screw me up!
http://www.ccue.com/forum_new/viewthread.php?tid=7047&extra=page%3D1&page=2
http://hollycowplanet.spaces.liv ... F3A013628!439.entry
http://hollycowplanet.spaces.liv ... F3A013628!437.entry
http://hollycowplanet.spaces.liv ... F3A013628!430.entry
http://hollycowplanet.spaces.liv ... F3A013628!397.entry
http://hollycowplanet.spaces.liv ... F3A013628!332.entry

Samsara 提到...

綿綿:我呢,黑口黑面功真係一流嫁!

Karen:其實,我知。

牛牛呀牛牛:要保重啊!

HollyCow 提到...

Don't worry, will let you know before I kill myself.