2008年10月2日 星期四

雜雜雜想

今日同妹妹食飯時,潮童話佢睇報導,大陸各省巿都要申報因為三聚氰胺而引發既賢石個案,各省巿為左自己有個「乾淨」既報告,所以將賢石既定義大幅調高,搞到明明有賢石都變左無,咁佢地就可以安安樂樂繼續玩樂。

上有政策下有對策依個情況,都唔係話今日共產黨先有,咁多歷朝歷代,未都係咁。但係,依家偉大的中國人連太空漫步都做埋,話自己全球排第三,小小既食物安全同行政能力,都仲係同清帝差唔多,係咪真係好瘀呢吓?

***

我呢,今次中晒招,我在公司用蒙牛來沖咖啡,足足飲左一年,仲要為左今自己飲少d咖啡,所以杯杯都係多奶少啡既latte。

唉,都係等小朋友check左先啦,真係可憐天下父母心。

***

近幾年大陸食品既問題,真係全民化學科普教育,連我阿媽都可以好流利地講出「三聚氰胺」依個咁難讀既term,仲要我一話唔返屋企食飯時,佢就大力恐嚇我,話出面食野樣樣都有加三聚氰胺喎…

仲要當我考佢化學常識時,一講「蘇丹紅」,佢就接話「孔雀綠」。哇,對得幾咁工整!

***
有朋友話,做臣子既,「恐其見棄,死其見疑」喎。

我其實不過打份工姐,唔係古代伴君如伴虎既大臣,駛唔駛咁戰戰兢兢、鞠躬盡瘁呢?

又何解人同人之間有咁多衝突呢?

好耐之前PK_寫過類似話我地做細既,其實都係serve緊老闆既insecurity。因為老闆自己無安全感,所以proposal, back-up plan, report無日無之,寫完一個又一個。因為老闆們擔心自己既地位不保,所以公司分黨分派,辦公室政治之下,日日都在度打不流血既戰爭。

打生打死,為乜呢?除左升職加薪依d比較solid既野之外,好似都係為左安全感。

***
之前聽過一句說話:「如果你怕死既話,你就怕生存」。

係喎,Life is uncertain, death is certain嘛。魯迅講過一個故仔,話有一家人生左小朋友,在擺滿月酒時,有個客人話BB一定大個左聰明靚仔彈琴勁過郎郎跑步快過劉翔,仲會成為第一個登陸火星既人類,主人家聽到就相晒喎,請個客人去貴賓席。

另外一個客人一見到BB,就話:「依個bb遲早一定會死。」主人家一聽到就好嬲,一d都唔信,即刻趕佢走…

其實,要講無安全感,真係無乜野得人驚過死掛,但既然Death is certain,咁我地一日到黑在度驚都係無謂謂啦!如果下下活在自己既不安恐懼之中,咁我地就從來無真真正正生活過,白過一生。

***
我有個朋友既爸爸過左身,今日出殯。

雖然,佢患癌已經一段時間,大家都有心理準備,但係生離死別始終係一件令人難過既事。

死者已矣,最重要既,係仲在生既人吧。可以把握既時候,就好好把握,好好享受同處既日子,千萬唔好:愛得太遲。





***
題外話,我上個禮拜在上海係上到蘋果日報既,連殘奧都完左都未block蘋果網,係咪,都仲有少少既改善呢?

6 則留言:

dog o 提到...

為人臣子既,鞠躬盡瘁,死而後已,在所不免。

I work for you, and ... I die.

如果,連生存都不怕,又怎會怕死亡?

爆!

獅子皇 提到...

如果老細只為求自己既安全感或鞏固自己既利益,而要求我死先既話,對唔住,我死之前都唔會俾你好過囉。

明明會我又冇份開,個份唔知算唔算係 minutes 既野上面又冇我既名,email 出黎時又冇 cc 俾我,你夠膽死話我知?你都真係夠膽死喎,就算我真係知但係都話唔知咁你又點呢?無很聊‧‧‧

姐姐,咁你話我應該點應付呢 D 人呢?

Marshmallow 提到...

君要臣死,臣不能不死,死之前要先幫自己打好副棺,千祈唔好瘟臭間屋呀!

又回下獅子皇,小女子個老細近日患上咗老人痴呆.明明個P仔叫小女子跟,但係一邊跟佢又得閒插下手入黎,開幾個會,覆幾隻貓,攪到啲user抓晒頭,究竟以家邊個跟呀…最慘都係佢開會又唔係次次記得叫我,覆貓又唔係次次記得cc我,攪到啲野亂晒大籠…老細呀,咪玩啦,做死人咩!

學 霖 山 莊 提到...

公司政治,
既來之,則安之...

今個星期我都經歷了紅白二事...

另, 今日證實已經玩skype拷貝了...

seikomatic 提到...

師妹,

識時務同老實既矛盾實不沖突。

拔不竟有幾許人可以效莊周鼓樂。

Samsara 提到...

On Dog哥哥呢,你要小心壓力煲大爆炸,所以,開始練跑啦!

獅子哥哥:咁岩既,我老闆又係在度搞搞震。咁,佢只係我上司,又唔係真係owner,「恐其見棄,死其見疑」一樣apply在佢身上,佢自己都驚囉。我覺得依d野真係好煩。

綿綿:你又係咁?可能因為做人上司有好大權力,所以自己既缺點就全部暴露晒出來。不過呢,工作關係係世界上最脆弱既關係,只要你唔做,或者佢唔做,或者你調team,或者佢調team,依個關係就無左,所以,比起親人朋友,對工作上既人又唔駛太上心囉。

學霖哥哥:係啦,我又無得揀唔玩既,好壓悶。你都要take care呀,人生既prioriy一定要set得岩。

大師:你就好啦,去摩洛哥,剩返落來既遊記:期待中。