2008年10月6日 星期一

渣打馬拉松

一年一度既渣打馬拉松又開始報名啦!

我今次會係第五年跑十公里lu…完全無意圖或企圖”Upgrade”去跑半馬,我呢,志在有運動目標姐,半馬係要有訓練先得既。

依個目標其實好重要,一報左名之後,你就唔可能比自己太懶,一定要去練下跑至得。

我呢,嗯,會在天氣再湅d先開始路跑,所以,真係好佩服肥龍哥哥竟然在之前酷熱警告既日子都一樣跑足十公里!!!依個就係意志啦,我自問無咁強意志,所以一定要參加比賽先可以「督」自己跑囉!

又好似On Dog哥哥話齋,年年跑都有唔同既原因,不過跑完之後都係會好開心!

跑啦,跑啦!

13 則留言:

ondog 提到...

這是一劑十分有效的抗抑鬱藥!

南區肥龍 提到...

有所不知...我既意志呢,好大部份來自望住個肥腩既一刻出現囉!哈哈!

最緊要跑得開心!而成績又係一種動力.

跑呀,跑呀!

Bacakara 提到...

第五年跑十公里lu.....

好簡單 , 靜靜雞報左個 半馬 比自己 , 咁咪有籍口比自己去跑步囉。

南區肥龍 提到...

今日天氣涼咗好多,可以跑呀.^^

Samsara 提到...

On Dog哥哥:係啦,真係應該揾多d人跑呀!

肥哥哥:根據可靠消息,有人其實一d都唔肥喎...昨日係重陽就當然係登高啦,但係天氣真係涼左,我如果感冒清晒就今個禮拜開跑啦!

Bac哥哥:半馬這個嘛...如果我可以在1個鍾頭之內跑完十公里,先至考慮吓啦,22公里真係好多呀!

南區肥龍 提到...

哦,原來感冒未清,祝你早日康復呀!

咁或者講成瘦人冇份,不過肥腩就冇走雞啦...哈哈!

ondog 提到...

腩好! 腩好!

根據可靠消息,有人其實一臉老實喎...
仲話同小弟一樣...

(點會呢? 小弟只係一臉笨實,一D都唔老seven...)

喂! 食蟹未?

Samsara 提到...

肥龍哥哥:我呢,昨日開跑,只係好慢地跑左2k,今日落樓梯有d痛...太耐無跑啦!

On Dog哥哥:好野,食蟹食蟹!

南區肥龍 提到...

太耐無跑好慢地跑啱架啦.而且仲有差不多四個幾月,之後慢慢加上去,掂哂!

南區肥龍 提到...

哈,應該係“三”個幾月至啱...

維修技工 提到...

噢! 原來呢度咁多人都有玩. 我今年第一次報渣打, 膽粗粗報左半馬, 希望跑得完啦.

Samsara 提到...

好野!!!維哥哥都跑...之前開始練習下,同埋,記得做warm-up同cool-down就得嫁啦。

匿名 提到...

thanks for share........