2008年10月17日 星期五

大撒把

在古時,古代到仲有影藝戲院既年代,我破天荒第一次…自己一個人睇戲,睇左一部叫「大撒把」既戲(因為無人肯倍我睇)。

依部係大陸戲,馮小剛導演,仲有葛優做男主角。葛優雖然唔靚仔,但係好戲,仲可以好cute。

大撒把係北京話,佢地踩單車技術好高,勁到可以放開兩隻手來落斜,咁就叫大撒把啦!

嘩,舉高雙手來落長命斜,咁未十足飛一樣?依個境界真係高。


我之後呢,有一次同朋友去北海道自由行,旅遊書話美瑛既道路只係有「暗斜」,建議有時間(又唔識渣車)既人可以試下踩單車遊美瑛,仲有一條畫得好精美既「美瑛花花單車路線圖」。咁我地竟然咁岩四個人都識踩單車,又想趁大家都仲未係好老,都叫做踩得郁時候,就決定豁出去,一於踩單車!

點知,租左單車之後,一出到去就發現出事,什麼「暗斜」呀!佢果度根本就無平地,唔係上斜就係落斜,一座座全部都係山,d長命斜長到呢,真係可以天比高,一條落斜就可以落你幾分鍾,上斜就更加唔駛講,轉gear都無用,踩兩步就開始無力,要落地推...

好在我地有號稱人肉GPS既方向王在度,全程都係靠佢睇地圖指路,一到分义路就大家都會等佢指示。Well,不過因為太攰,所以佢指我地落斜時大家就一枝箭咁衝落山,但係佢一話係要上斜呢,我就立時會質疑佢!!!!...有冇搞錯又係上!

嗯,踩到半路,仲要...唉...有我雨女在度...仲有乜野呀,落雨囉!

唉,咁樣日晒雨淋地上長命斜,真係為乜呢?

但係,藍天白雲綠草地真係好靚,因為做運動呼吸到好多清新空氣,落完雨之後仲有淡淡草木香氣。我地仲去到拍Mild Seven廣告既幾棵樹,仲有好多好得意既草,毛絨絨咁十足貓尾。仲有好好心既d本地人呢,見我一枝二枝地插左d細細枝貓尾草在背囊,就比左我幾枝好大棵既草呀!

其實落斜雖然舒服過上斜,但係落斜其實都幾驚嫁。你一落去就會越來越快,d風呼呼咁吹,你就會越來越驚,哇會唔會車毁人亡嫁,我又唔係北京人,踩單車唔係好叻咋喎。在恐懼既時候,個人就係特別清醒既,我呢,會好大力地捉住兩個扶手,我如果一捉唔穏就會跌嫁啦!

到再快少少呢,我就會開始踩break。踩break呢係要有技巧既,一下子大力踩落去一定會炒車,所以,我次次落斜,都會忍忍忍忍忍一陣,直接快到我真係好驚,個軚已經開始捉唔實先至會開始踩break。

到左下午,食飽午飯之後,有氣力,我呢,終於揾左條唔係好長既斜,由頭到尾無踩break,一直向下衝....

好驚!但係,依個一於同你死過,乜都唔諗,只係全心全力踩單車,只係感受好涷好涷既風吹到自己對手疆晒...好爽呀!!

真係Free Faaaaaaaaaaalliiiiiiiiiiinnnnnnnnnnnggggggggg呀!


唔知,有朝一日,我會唔會真係夠膽,可以放手,完全豁出去,來個「大撒把」呢?

8 則留言:

HollyCow 提到...

Got you!
I can't even bike!

Welcome to leave message on my Blog, thanks for visiting.

提到...

唔好大撒把呀... 有冇睇過 City of Angels 呀...
女主角就係咁炒車死左喇,好危險架﹗

C.M. 提到...

嘩,真係Holy Cow!(唔好意思,借個名一用先)

Samsara 提到...

牛牛:學下踩單車啦,秘訣係~~~~放鬆!

鎚:喂,你有冇留意幾時會炒車呀?就係你驚既時候。

cm哥哥:你好呀!好掛住你呀,你點姐?

HollyCow 提到...

CM: No problem, anytime, take it, use it. Actually, this is my 口頭禪!

Sam: 放鬆!Ha Ha! This is the only in life I can't do!!!!

seikomatic 提到...

國產電影同電視劇雖然好似咱們脫晒節,但就系呢種完全不可以想象既背景同情節,最有吸引力。

大陸電視劇有變態影視 fans,換妻....絕對比香港果d視帝視後豐富好多!

Samsara 提到...

牛牛:放鬆唔到?都有辦法,你倒轉渣實拳頭,眼耳口鼻皺到有咁緊得咁緊,有咁耐得咁耐...放開...就係咁。

大師:依部戲,真係驚喜,估唔到到咁輕鬆搞笑又有意思。

seikomatic 提到...

師妹,

尋晚睇晒....唔......驚喜....搞笑....

俺會叫人直頭睇part 2。

拔始終唔明個戲名?

I lup Youku!