我說的...其實....其實....其實

又來？無錯，跑步這個話題真係講極都仲有，各位忍下我啦！

星期五本來諗住都無得跑嫁啦，中午去買飯時都淋到褲腳濕左，雨無止境地不停地落.....本來，係好哀怨地喃喃自語：「跑步先來落雨.....」

點知，放工時雨停晒，個地又吹乾晒，有得跑呀！....在依個寶貴的、難得既時間內，一直跑，一直跑，一直跑....跑到佢又再一次落雨為止....今次跑左跑到6.5公里，如果唔落雨，我係會繼續跑落去的...其實，心中仍然有聲音在叫囂；「你唔得既，跑一兩公里好啦，你唔得，你唔得。」Well，不過音量真係越來越細lu。

我平時有時會攰呀忙呀，諗住唔好去跑。但係，其實，唔係話你想跑就有得跑既，天會下雨，人會唔舒服....好似，跑步依件事本身就有ｄ道理。


今次嘛，都係無計時。

Well，我載既錶係皮帶既，如果載住來跑步就會吸晒ｄ汗味，很可怕的！雖然在個場內面有錶，但係，唔知點解，我總係記唔到到底上個圈係幾點幾分開始跑。

其實，有乜野話唔知點解呀，咁簡單既時間都記唔到，好明顯係因為我唔想記。

我跑步時唔聽音樂唔講電話，就只係跑。會聽到自己既呼吸聲，有時會有鳥叫聲同風聲（我跑得很慢的，唔會因為跑步速度而有風聲）....仲有，自己心裏面一刻都唔停既，不停地自言自語。

嗯，其實計時都好容易的，但係，點解我一直都抗拒呢？

好似，一計時就會令跑步變得無咁好玩。

個情況就好似你去旅行時，係跟團定自由行既分別。其實你去到一個景點，無論有冇一個導遊在度話比你知兩個鍾頭後集合，你自己行都係會用大慨兩個鍾既。但係，如果有導遊限定你要在2:30大門集合，你就要不停地睇錶....總之，不停地睇錶就會令你個行程無咁好玩；好似，因為要睇錶而interrupt左自己遊玩既心情，好似，一睇錶就會增加左壓力....總之就係會無咁好玩！

到底依個係只有我自己既情況點係其他人都會咁呢？大叔次次跑都會計時，我見其他網友個個都會記低時間，仲有人出埋Google Earth加埋GPS....係咪我有ｄ古怪呢？


同朋友食飯，有人話，大叔之所以可以日日跑，係－－－因為佢有錢！

嗯，一聽就知佢無跑啦（當然，佢真係無跑亦唔諗住跑）。跑步這東西同酒、女人、大麻、海洛英依ｄ野唔同，唔係話你攤在度比錢買就自然有快感既；跑步你係要先付出，付出、付出再付出，先至有少少收穫；而且，辛苦根本就係跑步既一部份，其實唔痛已經好好！依ｄ野，同錢又有乜關係呢？....而且，就算我地依ｄ平民，每個禮拜睇少一兩個鍾頭（無營養既）電視，而選擇行出去跑步，就算係日理萬機既忙碌香港人，都仲係可以做到吧！？問題只係你想唔想做，同有冇決心姐。樣樣都賴自己窮，咁，實在係富於香港特色既「錢係萬能」文化吧！


同朋友G傾電話，講到佢老闆十分婉轉地講比佢知，佢既presentation skills唔好，有時講到一舊舊，唔知佢想講乜！

哇，聽到ｄ咁既評語，唔受刺激就有鬼啦！

傾落去，唔係準備不足，唔係對內容認識不足；而係，無信心！

點解會無信心呢？一直硏究落去，同童年既經歷有關啦當然！但係，依個其實呢，無乜關係的。雖然當年我地幼小無助無經驗，但係，家陣我地大個啦！睇返件事時，依到會明白到，嗯，人地咁無禮貌地講野，係佢無家教，係佢錯而唔係我既錯！

只要有依個認識就夠啦，唔駛揾返個死仔出來打佢一身，甚至都唔駛嬲佢。個重點係，依ｄ在腦中不停地叫囂既聲音：「你唔得既，你唔得既，你唔得既。」－－－－－都。係。錯。的。

都係一ｄ不值一晒既小事，而令自己產生依ｄ奇怪又self defeating既可惡聲音！

而且，講下講下，朋友G自己就講左出來，佢明明就有好多好多令人自豪既優點同成就！而且，G既一ｄ極度善良既行動，令我依個身為朋友既，都覺得與有榮焉！亦都令我下到決心，做左件一直好驚而逃避既野。

G最後火紅起來，直頭出左action plan！決心要做好下次既present！仲話，要遲ｄ同我update進展；仲話，同我傾得好開心！....哈哈，我咁都寫出來真係唔知羞！.....其實，我都傾得好開心！

嘿，正正因為我地唔完美，先至有成長。


（咁我既成長action plan呢？）