2009年3月16日 星期一

其實....

跑步會帶來正能量?當然!

點解呢?除左因為跑步大量流汗兼令大腦分泌dopamine之外,仲因為,我地清清楚楚地知道,我地為左自己做左一d野。我既正能量偶像Andrew Matthews話佢次次畫左油畫之後,都會覺得係在自己既正能量豬仔錢罌;我都覺得,次次跑完之後,都係為自己身心健康做左d野,所以,感覺良好。

依兩個禮拜都係去跑兩次,每次6-7公里。一樣既距離,有時跑得好輕鬆,有時好似昨日咁,其實,身體覺得好重,跑時係很吃力的。但係,只要跑過左4公里,就會開始適應,開始跑多陣都得。

跑步同世界其他任何事一樣,最難既,唔係自己體力,而係意志吧。跑一次半次11.5公里唔難,最難既係:持之以恆,一直keep住去跑。你總會有一百萬個理由唔去跑:夜又太夜啦,早又太早啦,攰啦,眼訓啦,忙啦,無帶衫啦,無帶鞋啦….到你真係去跑時,又偏偏會落雨….咁囉!

其實,以我一個咁樣每日都準時5:30收工既閒人,有乜理由一個禮拜只能夠跑得兩次假?依家咁樣唔涷唔熱又唔落雨既天氣都唔係成日有!

我要努力!

跑多d....希望,可以突破到唔出汗既問題,在夏天一樣可以繼續跑落去。

6 則留言:

市場維京人 提到...

仍然好羡慕你可以跑咁長距離。

我個正能量貯蓄戶口家下其實 OD 緊,唔跑真係仲大鑊呢。

大家努力啦!

Cheers!

Samsara 提到...

我昨日又去跑呢,都係6.5km,但今次仲大鑊,由跑第一步開始已經攰,個身好重,腳好緊,肋骨仲要刺痛。真係,正如大叔所講,全身都在度投訴,個個都在度掟盤子,摔杯子!

一樣係要,捱到4km之後,腳先至開始有感覺,到最後1km,我仲可以加速。

不過,again,我跑左足足五年先至到咁,中間雖然唔係一直跑,但都會因為去跑十公里而練習的。事實比我見到,有好多野,你係要先夠on居,不停付出付出付出付出付出付出付出付出付出付出付出付出付出付出付出付出....到付出夠乜一個程度之後,先至有收穫的....而依個亦好神奇地,正正係跑步迷人之處。

太容易既野係唔好玩的。

somehow,跑步就係人生。

匿名 提到...

哈‧‧‧姐姐,好老實咁講丫,我覺得自己係冇正能量錢罌既‧‧‧我做人都幾負能量,有人會話我乜都鐘意拗一餐,人地講一句野表面係正面既,不過我會答人負面既野‧‧‧我諗呢 D 就係我既負能量卦。

其實我都想試下去跑步,不過就如姐姐你咁講,諸多藉口囉。

最後你講好多時做既事係要不停付出付出再付出先會有少少收穫,呢個道理其實以我地身為以農立國既中國人黎講應該一早已經明白,不過,通常都會忘記左付出唔一定有收穫既道理。Sorry 姐姐,借你呢度發左 D 嚕騷,因為自己最近都係因為做左一 D 野而有所抱怨,我既付出唔知要付出幾多幾耐先可以有少量回報,甚至係零回報,個心已經開始好攰。

英倫肥龍 提到...

samsara,

之前喺維京人果邊提及過,有時我會到唔到環境練習,為整個練習保持新鮮感.例如我自己都有五六條唔同距離既練習路線傍身.

又,如果唔係因為懶或其他藉口,就由身體及雙腳去話俾你知可以跑幾遠.就算今次真係跑短咗,下次跑返都可以架.

重點係當跑步成為習慣後,有咗基礎,練習既彈性亦隨之而來.誇張啲講,你最後可以跑到既距離,可能始料不及,又令自己鼓舞.

等價交換,work架.

另外,或者可以試下搵人一齊跑,都ok吖.(其實我未跑過跑馬地...你信唔信呢?)

市場維京人 提到...

> 太容易既野係唔好玩的。

呢句我好 buy!

Cheers!

Samsara 提到...

獅子哥哥:有冇留意,我地唯一可以改變既,唔係社會,唔係至愛親朋,亦唔係曾特首,我地可以改變既,係自己。跑步,係為左自己。而當自己改變,好奇怪地,世界都會改變。

唔信?試下哩!

肥龍哥哥:我好似無講過比你聽,我真係很佩服你的!可以set好目標而一直堅持落出,真係好難好難好難好難好難的。

我仲好記得上年夏天有一次酷熱驚告,我同網友去天虹食飯,坐在度都出汗,濕答答既海風越吹越難過,席間我仲問,肥龍哥哥今個禮拜唔會跑啦掛...結果,你果個禮拜一樣去跑!講真,當時impressed之餘,都會諗,蝦,邊個又會咁傻仔...

嘻,咁你果然由細到大都咁傻仔!而且,完來,依個世界太多口水多過浪花既聰明人,太少傻仔。


維京人:玩真正好玩的!

Cheers (coke only)!