2007年5月18日 星期五

林妹妹出家




妙真法師於二零零七年五月十三日,因乳癌病逝.終年42歲.

就算現代科技昌明,一樣有不治之症.

世事無常,人身難得.應該點樣善用我地有限既歲月,令自己在最後一刻,可以坦然面對生死呢?

會開既花朵就有淍零既一日,有生則有死.

在歷史既長河裏面,我地不停地漂流.

在每次生死中我地不停地循環.

可能,我地不停地遇到同一班人,做同樣既事,犯同樣既錯,抱同樣既遺憾.

跟住,我地又發同樣既願,再次歸來.

開始另一回循環.

要打破宿命,

就要超越自己.

============================================

2/28/2007
在八十年代的大陸電視戲紅樓夢主演林黛玉既女星陳曉旭,証實二月廿三日在長春百國興隆寺舉行了剃度儀式,從此青燈長伴,潛心修佛.

因為家母係紅樓夢粉絲,依部在亞視轉播既長編連續劇,我當年都強迫收看左好多集.當時只覺得服飾很漂亮,眾多美女,寶玉實在太裙腳仔,林妹妹就刁蠻得聰明可愛.

之後在媽子既威迫利誘下,睇左原著.嗯,好難頂,做乜搞到好似d連續劇咁戲劇化老土兼前文不對後理?無端端老太君忽然吾鍾意林妹妹,寶玉short左誤聚寶釵,黛玉含恨而終,死前遺言仲要係好女鬼地:「寶玉,寶玉,你好...」真係可惜了寶釵,抺黑了黛玉.

後來知道原來只有頭八十回係曹雪芹所寫,後面既全部係高鶚鼠尾續貂,咁至無咁嬲.吾知,曹雪芹既原竟到底係甚樣安排呢?

好多人話黛玉應該係淚盡而亡,咁,欠債還錢,前世欠左寶玉依個神瑛侍者既一定要還,還完未走得囉.之後先到寶釵頂硬上,嫁左比寶玉.

如果黛玉生在今時今日又如何呢?依家醫學倡明,肺癆之嘛,好易醫.以黛玉咁聰穎,如果健康既話,會吾會就好似陳曉旭咁,活得精彩而理直氣壯,無論名、利、美貌、才華、氣質、男人通通擁有,然後看破紅塵,放下過億身家同廣告王國,追求真正的和喜自在.

以陳曉旭自己既說話來講:「我曾經很專注於財富的積累,但之後發現物欲的增長並沒有給自己和家人帶來真正的快樂.」


祝願妙真法師無漏吉祥,法喜充滿.


網上新聞

11 則留言:

tungpo 提到...

出家可能想過優悠生活啫。好似香港某些法師咁,讀下書,玩下攝影,搞下建設,相當唔錯。

Samsara 提到...

陳曉旭身家過億既,最優悠應該係退休嘆世界,駛乜出家守清則?

而佛門就入面其實都好似外面既世界一樣,乜人都有;而就算在香港,都一樣有克苦勤修既法師.不過佢地好低調lo.

匿名 提到...

Samsara姐,

睇書絕頂濫既AK,睇過三國,水滸,西遊...(甚至金瓶,肉蒲)...四大名著中偏偏睇唔完既就係紅樓...唔知同續貂有無關...總之睇到程雯離開紅樓,就不忍卒讀而掩捲...

Blogger70th Floor 提到...


我最鍾意晴雯架

渣估 提到...

渣估愚見:即使不出家,修行也可以全職。

諸惡莫作,眾善奉行,已經係入世修行。

呢個亦係 Google 既開山座右銘!

阿爾伯特 提到...
作者已經移除這則留言。
阿爾伯特 提到...

應無所住而生其心......祝願陳小姐早達"大圓滿"

無論著皮鞋或鋪地毯,都是想舒適地走路je

Samsara 提到...

AK哥哥:

你連金瓶,肉蒲依d古代咸書都睇埋...吾怪之d中文程序咁高啦.嗱,又問多次啦,你肯定你吾係最鍾意做講古佬/說書人/作家?

晴雯之死好似係七十幾回,曹雪芹真係要佢咁樣死.吾係比人迫,可能我都睇吾曬.

七十:
晴雯,情文也.心比天高,風流靈巧.

渣老闆:
謝謝你的高見,我會用心思考.

Albert:
謝謝光臨,願法師歡喜自在.

匿名 提到...

Samsara姐,

金瓶...講真...真係幾好睇...肉蒲就一定係咸古啦...仲係咸到出骨果隻...

AK真係睇到晴雯(多謝七十師妹指教...人老啦,記憶力衰退)一死就無哂心機...唔鬼想再睇落去...

不過...都鐘意熙鳳...

說書同講古佬無發達架...作家通常死左之後d後人先發架...好慘架...

Samsara 提到...

金陵十二釵呢,我就鍾意黛玉同史湘雲,王熙鳳真係好面慈心險喎,寶釵好悶,妙玉虛偽.

我阿爸由細灌輸:A畫家餓死老婆瘟臭屋,B作家窮到luk轆.而家佢後悔啦,成日說我學saxophone...

變幻原是永恒 提到...

Oh no 一代美人自始長伴青燈之下.
早幾年在北京時, 聽說她從事廣告業, 想不到...