2007年4月27日 星期五

依排都幾多野諗下.

我諗既問題,係自己在餘下既時間,究竟想做d乜?

咁我吾係細又吾係老,正正係中年,都係時候evaluate.

其實有時都覺得幾荒謬吓既,我而家既所謂事業,其實係我十七歲時揀既.

果時要報U,未大包抄乜野都揀吓囉,而且係用elimination來揀.我讀理科既,但係一早已經知道自己好憎工程,亦知道自己怕血吾可以做醫療人員,更加吾想繼續讀純理科.

咁剩返既,未只有社會科學系囉.果時都真係乜都有報:工管,經濟,會計,甚至傳理系,連d純理科都有報,買下保險,反正我要報好多科.

咁,我既第一志願工管收我,咁未讀工管囉.畢左業,咪做商界既工作囉,吾同做物理治療咩?

諗落都幾搞笑,如果當年工管吾收我,而變左生物收我既話,我依家咪分分鍾在實驗室做緊?

如果我讀左傳理就仲搞笑,我做記者,AK哥哥一定覺得新聞界百份百無希望.

依家我既工作,係在我仲未成年時都幾隨便既選擇,再加睇下邊系收我而決定既.

係咪實在太求其呢?

17 則留言:

匿名 提到...

Samsara姐姐,

做記者...小事黎既...唔會成個新界都無希望架(講笑講笑...唔好嬲...)

AK當時,真係為左九七回歸而揀做記者,讀傳理亦都只係專注修同記者有關既科目...

講真...咁樣揀,其實都幾衝動架...

咁做完九七回歸,又無咩理由就咁quit...於是又繼續做下世銀,APEC,咁咁咁咁...

之後係方向報終於行完記者之路,就轉左去依家依行,可以講,其實都係base on大學既選科,個影響力一路延續到依家...

Samsara 提到...

AK哥哥:

我依個禮拜真係太多災難,令我更加覺得如果你份工係吾可以令到你有drive同有heart既話呢,真係好惡頂.

見證九七回歸,哈哈,都知你係大傻瓜.見到有人仲on居過我,真開心!

匿名 提到...

你搞到我又要諗返當年點解讀物理系.

咪就係唔夠信心同無膽law.

當年唔知點解,竟然嫌工管銅臭(咁清高!?),又驚女仔多俾佢地蝦(我諗我當時真係思覺失調!),又驚唔夠人口齒伶俐,又驚....

本來我蒐電腦都有興趣,但係充當時屋企究窮,連電腦都無部,又怕追唔上!

結果,咪糊里糊塗的跟個師兄報左物理系!

到最後,其實除左搵工難d(咁都夠死啦!!)之外,其他方面例如數理思考邏輯,同埋嚴謹的做事態度,都係當年讀書同做Lab練返來!

怒火眼睛 提到...

俾大學選科影響日後工作, 我諗真係幾普遍架. 即係呢, 我都係咁, 而家入行差不多十年lu.

早幾年忽然好想好想讀某科, 個系主任問我, 讀完成三十歲先轉行喎, 會唔會屣晒你之前既effort 呀.

我同佢講, 喂三十歲起步六十歲退休中間三十年之前幾年何足掛齒...

說服到佢, 可惜最後我又因為某d 原因, 留守原先份工.

噢, 講左一大輪. 其實想講, 有得揀既幾時都, 但年紀越大, 需要既勇氣都越多囉. 無論對你, 定請你果個人, 都係咁話.

seikomatic 提到...

Sam 師妹,

俺已前讀過佛學... ~) ~

不過唔記得晒囉。

seikomatic 提到...

oop!

路唔系你行出泥既,系你去行佢要你行既路。

阿爾伯特 提到...

哈哈.....人生由出世一刻,直至死忙之際,一直在變......

精工小姐由扮野啦...唔好玩啦!!

C.M. 提到...

Err,查實讀完理科去做人事,都唔係咁出奇既... 數怪哥哥都係差唔多啦。

cheryl 提到...

咁你都好吖我都唔知我揀咩好 =(
文理分科咁太唔靈活喇,同埋數數埋埋,香港又有幾多行業揀??
可能就係咁配合每個人到最後冇得揀喇,嚟喇唏是但個個讀咩都冇分別啦!
我讀physics嘅朋友都去晒教書...

匿名 提到...

很有同感!

點解讀BBA? 本來like Economics, 但覺太academic, 故choose左BBA; BBA要choose major, 冇得choose之下, 只好choose Accounting and Finance, 咁就做左short short 下又 on on 下 既數佬...

火鶴 提到...

sara, 呢個topic, 我以前寫過.
十六七歲嘅後生仔女, 心智都未成熟, 又未見過世面, 但又要為前途作出決擇, 咪玩啦.
講真, 我唔甘心成世人做死同一個行業, 要體會同享受呢個世界, 應該樣樣都試吓.
基於呢個原因, 我諗, 發達應該無我份.

seikomatic 提到...

Albert,

最諷刺果度系,教既阿蛇系耶教徒,自已開宗明義話無左份感情...所以俺才落得如此下場。

Samsara 提到...

數怪哥哥:
on居依家野,真係一山還有一山高.你讀男校嫁?師兄係五師兄?

火火:
係嫁,越遲越難,因為要放棄既野更多,所以我想快d諗清楚.

大師:
你在邊度揾到d耶教徒來教佛學?
>>系你去行佢要你行既路。
邊個「佢」?

Albert哥哥:
係啦,大師真難捉摸.

CM哥哥:
我識兩個人讀物理,一個從商,一個做AO.
吾係話天文台d科學主任都係讀物理嫁咩?

Cheryl:
我諗起當年點解揀工管,因為我諗無論讀乜,在香港都怕且係從商嫁啦,咁我不如乾脆讀工管來準備自己.

on dog哥哥:
好彩我無讀會計咋,我對數字一d都無感覺嫁.之前做trainee時有三個月在會計部度做,我開check開到夜晚發惡夢呀,好驚打多個零...

火大俠:
你寫過咩?揾吾到,比d提示呀.
發達,諗返我真係一世人都無諗過喎,最多都係想事業有成.
而家?算把啦.

匿名 提到...

我係男女校既,不過有d童年陰影,所以怕左d女同學...

五師兄係我 MBA 同學

阿爾伯特 提到...

精工小姐:

很視乎講師既"精神修為"; 達到一定道行的人,儒道釋耶回....萬法歸一

火鶴 提到...

sara
係呢篇呀

Samsara 提到...

數怪哥哥:

童年陰影咁嚴重?不如你試下寫低你既港男心路歷程啦.寫乜都得,不過一定要係真既,一連寫五日,每次15-30分鐘.你可以寫落日記比自己睇,又可以post出來比我地睇下.

個重點係,要再重新面對件事,再睇一次,咁好容易就可以由另一個角度來睇見事,見到一件"壞事"中間既blessings.

我試過呀,真係work嫁.

Albert哥哥:
大師個blog成日都入吾到,佢又淨係掛住開飯...

大師,大師:
你係邊度讀佛學嫁?

火大俠:
啊,原來依篇,不過你都無講你會有d乜野新嘗試.

同埋,原來你都係早我個零月開blog喎,仲要係同人開完片添,你有冇失足既感覺?