2007年4月15日 星期日

Samsara On the Roof

在我參加既禪修營中,為左延承「一日不作,一日不吃」既優良傳統,每日早餐後,就係「出坡」,即係工作既時間.

我分配到一份優差:掃屋頂落葉.

其實,只要吾駛我洗厠所,就係優差.掃屋頂因為有d難度,所以十日都係我專職去掃;吾駛好似其他人咁,要轉流洗厠所.一次係要洗成六個厠所嫁,所以可以免疫都真係幾開心.

禪院全部都係三角形既屋頂,個屋頂仲要好簡單地係用d波浪紋既鐵皮做既.第一次上去既時候,仲有d鐵皮在度搖搖下,都真係有d驚個屋頂負荷吾來,如果一下子比我踩穿左,就真係好似武俠片咁,Samsara從天而降.

但係偏偏個禪院依山而建,由一間屋去到第二間屋,上下都有好大距離,需要大量攀爬動作.有兩個屋頂仲足足有一米幾高既距離,真係無辦法,次次我都係「澎」一聲咁跳落去...千祈吾好驚,要睇得準,企得穏.哈哈,好刺激.

掃地依d睇落容易既手板眼見功夫,其實都真係有d竅妙嫁.最緊要既,係要好似打哥爾球咁,要轉腰.學識點樣用力之後,真係一掃就落葉、果子、花都一齊飛落屋頂,好爽.十足笑傲江湖之中形容既恆山派「飛花摘木」皆可傷人既神功.

佛經有好多記載,話有人在掃地時靈光一閃,了悟真理.

依個真係幾有可能嫁.掃地係好容易令人著迷既一樣野.在一下一下既揮掃帚既動作下,精神開始集中,屋頂變得乾乾淨淨,好似一邊掃地,又一邊洗滌心靈咁.

在屋頂上面只有我一個人,天大地大,萬物歸於寧靜.生活,不就是這麼簡單嗎?

如果我掃到一粒果子,粒果子又撞到枝天線桿,「叮」一聲咁,我會吾會就在依一刻,一下子明白真理,不再煩惱呢?

我地依d俗人,每天營營疫疫,為左追求各樣目標:金錢、權力、地位、名聲、仲有依期人人都講既愛情.但係,世界本身係在不停地變化中,生、住、壞、滅,不停地轉變.在一個咁樣既世界上,去追求一d恆久不變既野,係未緣木求魚呢?

又,好事發生既時候我地想要更多,又會擔心失去;壞事發生時又會惱怒怨恨,質問上天點解偏偏是我.如果永遠心隨境轉,又點會平靜快樂?

嘩,又發白日夢?吾覺吾覺又去到難度最高既廚房.廚房十分細,所以個屋頂都好細,仲好斜.以前試過有人行得太低,無力爬返上來,結果要揾人爬上去救佢.

咁,我吾想比人救,就唯有十二萬分小心啦.真係好鬼斜,只有mou低伸長支掃帚一下下推d樹葉落去.偏偏廚房在正一棵大樹下面,有好多樹葉,真係mou到腳都軟.

OK,真係推曬d樹葉落去啦,個屋頂幾乾淨!

終於可以在屋頂離地最近既地方跳返落地啦.

安全着陸.

腳踏實地,真好!

9 則留言:

匿名 提到...

唔知點解,好鍾意呢篇文,或者因為你講掃地。我都有類似經驗,係屋企拖地,我覺得拖地會幫助人專心,唔知點解係個地度拖下拖下個人會平靜落嚟,只係想用心將成個地拖過哂。

匿名 提到...

落葉聚還散,又何必去掃?

阿爾伯特 提到...

掃的是心中落葉而矣......

seikomatic 提到...

Sam 師妹,

身體力行,比俺高很多啦。可嘉!可嘉!

偶然到佛寺,(俺中意志蓮多D,除左就腳就系唔燒香),同師博(佛祖觀音)打個招呼,清靜(唔系潔淨)一下思想。

但最高竟界即世間即涅盤,六度在我,煩擾中自心清靜,無常中常納慈悲。



請問去左邊禪修,為期多久?弟兄姊妹年紀多大?如果你去過一D大形既法會,佛教就系差左D【著西裝】既年青信眾。

鬼佬大師仲系唔系香港?

seikomatic 提到...

對呀 Albert,

下一步系:無葉豈用掃。

匿名 提到...

神秀: 「身是菩提樹,心如明鏡台;時時勤拂拭,勿使惹塵埃。」
惠能: 「菩提本無樹,明鏡亦非台;本來無一物,何處惹塵埃?」

Samsara 提到...

華利哥哥:
係嫁,掃地真係令人入迷,好奇.

數怪哥哥&Albert哥:
我依家既程度,只係先掃乾淨落葉先,一步步來,始終會行到.

要由基本做起:戒生定,定生慧.做到集中精神(定),才可得無我無常智慧.

大師,
我係在香港禪十,係一位台灣來既大乘法師指導.佢慈悲又有智慧,我對住佢嗚嗚嗚完,又得佢指點,真係諗通左多d野.

年齡,就有後生有年紀大喎,仲有一位失明既師兄,佢真係好精進.

我之前既星期日去左志蓮同南蓮池園,我媽媽生日去吃飯...我媽咪整得好吃d,不過媽咪都幾開心.

個道場資料可以睇依度:
http://hk.geocities.com/dhammagardenhk/

Ajahn Brahm來幾日嫁,而家返左澳洲.

seikomatic 提到...

善哉有緣人。

師妹尺進,俺蟻行。

Samsara 提到...

大師:

千里之行,始於足下.

共勉之.