好啦，請得我來，係囉來搞惦ｄ問題嫁啦．
養你咁耐，又可以比你閒到日日不停blogging，都係為左用在一朝姐．
咁，我家陣都只係有一條友做吾惦ｄ野姐，其他既妹妹仔，都好生性呀．．．雖然佢一個已足夠搞到我半死．
無計啦，攪到咁大鑊，通晒天，咪今個禮拜局晒ｄ貨出去，下個禮拜黃金週，大家得閒時，我過去請吃飯囉． 擺和頭酒咪和頭酒囉．
依位咁出事既，吾係我請嫁下．
我真係EQ飛躍，今日咁多鑊一齊爆，我都可以無發癲．
仲好變態地，落樓在Starbuck買左個飽就算，在lunch time打兩篇文出來．
工作，處理完就好．
今日可以做既，都已經做晒．
聽日再做囉，總之我收工，就吾會帶埋ｄ公事走．
＝＝＝＝＝＝＝＝＝＝＝＝＝＝＝＝＝＝＝＝＝
W，嗱，我依ｄ先叫放下啦！
而且，我仲會在六點就準時收工．
你又收幾點呀？
15 則留言:
Samsara姐姐，
同是天涯爆鑊人...AK今日都有隻鑊爆Q左...今晚都係要隊多兩杯平復心情...
香水姐姐、AK兄：
今日咩日子呀，齊齊爆鑊既？
雖然小弟只能隔岸觀火，但希望你地d鑊唔好燒得咁旺啦。
Samsara姐姐:
雖然小9今日都忙, 冇得6點走, 10點幾返到屋企食完公仔麵岩岩先可以坐低, 但都ok,
"本來無咩鑊, 何處"野"黎爆?"
祝大家: 爆完就更上一層樓!
if you really put it down and not care, why speak so loud? it is not i am not believing you, just speak too loud saying you have already put it down will make others more suspicious.
各位:
我仍然在度執緊手尾,今朝都有好嬲既一刻,心諗,依個妹妹仔都show吾到比我睇佢有drive去搞返掂既,不如炒鬼左佢算,反正我有個referral係即刻返到工.
但係依一下無明火過左之後,就諗佢以前一直有個supervisor保護佢,一見佢吾惦就落水幫佢,而家個supervisor走左,佢從來未試過自己捱peak season.如果我就咁炒左佢既話,係逃避現實.
所以,我會再比機會佢,亦會再比機會自己,睇下我可吾可以激起佢既鬥心.無人鍾意比人咁樣投訴既.
AK哥哥:
盡左力未得囉,Boris又知道乜野事,仲來安慰你添,幾好呀.
我都一早同我老闆點過依位妹妹既名嫁啦,報晒案.依d係前朝遺留既問題,吾係一下子可以扭轉.
今次出事,我都係同佢講等我補完鑊先再處理.佢緊係吾會安慰我啦,不過佢亦都無發癲,咁都係一個進步.
CM哥哥:
揾食,係咁嫁啦.無野喎,慣嫁啦.
今日d雨仲追住我來落呀,未落車都仲好地地,一到我落車,就倒水咁呀.
On Dog哥哥:
咁忙既你,咁第三回咪有掛未出囉.
不過,小心身體.
阿匿名:
吾信好正常,我以前都吾信有人可以話放就放,我以前都真係連訓覺都不停地諗公事.
不過依家我既priority改左,份工對我來講吾係十分重要.
而最有趣既係,我係由真正覺得工作吾駛咁緊張之後,我既工作反而變得順利.
好多時,緊張令人思想混亂,做錯決定,結果小事化大,又搞到自己更緊張.
我寫依一篇,係因為我朋友W工作緊張到癲,不過佢好似無睇添.
第三回未得住, 現在1:20AM, 還在開工...
expect can go home by 2:30am...
On...finally 4:15am, then back to Office on 9:35am...
Enjoy it...
On Dog哥哥:
小心身體呀.
我今日好灰呀都,十足出面既天氣.
今日，我老闆迫我炒左個犯錯既妹妹仔．
妹妹真係吾爭氣，應承左我昨日做完既野無做到，今朝仲要吾知醒，十點幾先打電話返來，十一點先返到公司．
我成個傻婆咁揾佢電話，仲要在佢堆垃圾入面揾野．
佢，其實都廿七歲嫁啦，都吾係咁細，但係都咁吾爭氣．
我吾係話包庇佢，但係我總覺得要比人機會．除左今朝佢終於出現之外，我都無正式地比過warning佢，又點可以一下子就咁炒左佢呢？
如果我比足機會佢，妹妹仔都吾改，咁我炒佢時我都心安理得，佢自己都知道衰乜．
或者，我老闆應該親自炒人，親眼睇下ｄ人既反應，可能佢就吾會咁輕易地話炒就炒．
Samsara姐姐，
到底係唔係去到死罪...甚至係去到唔洗俾warning letter就即炒既死罪，都真係只有你地了解內情既先至知...
AK都知，炒人一定唔係一件容易既事，以前AK亦都試過...無論係對方既不忿，又或係茫然...對於落唔慣刀既你同我都有d難度...
不過，個妹妹成二十七歲...出左事都唔打醒十二分精神，仲要遲到...咁...真係...好難同老闆交代架...
如果果個係自己一手一腳請番黎...咁就仲死多兩錢...
哇,AK哥,咁都比你睇到.
我都係寫出來發洩下.
因為依件事,今日都幾灰.
我覺得罪不至死,但我老闆吾係咁睇.
我同老闆bargain到:
(1) 要請到replacement先炒,而家peak season,炒左佢,邊個做?
(2) 要出warning letter,攞來保護自己,同埋炒佢都有得同佢解釋.
妹妹做左兩年嫁啦,吾係我請既,講到我都覺得佢爭吾落.
而且,妹妹份resume同兩條幾兇既眉,相信如果係我in既話都吾會請.我好注重性格既,惡人係會兇我d客,大忌.
我第一次炒人時,真係一d都吾留情.
但係,人大左,我成日覺得炒人同雙手沾血有d似,好似殺生咁.
依件事,而家變成吾只公事咁簡單.
On兄：
一日半日都OK既，何況你仲要係上市公司做，相信都值得卦。
香水姐姐：
打鐵一定要趁熱。如果凍左，反應比熱既時候會大好多，手尾亦多好多。
不過，小弟唔係太支持由老闆自己親自落order炒人，雖然，佢可能都係睇個人唔順眼好耐，但順唔順眼一件事，應唔應該炒又係一件事，你老闆借佳依逼你炒佢，或者佢份人好意氣用事兼太主觀，或者佢身邊，應該無一個會全力支持佢既“班底”（黃馬褂應該不算班底）。
又或者，個妹妹真係好抵炒，不過，輪到你執到個爛攤子。
又又，如果佢唔適合呢度，炒佢，查實係放生佢。當然，罪致不致炒，你先知道。
CM哥哥:
今朝我在lift度撞倒妹妹,佢未夠九點就返,同我講佢既進度,雖然都會有d小火,應該都隱定返.
你真係好有經驗呢,我老闆其實吾依條team同個走左既supervisor.個故仔真係一匹布咁長,有興趣可以睇依度:
http://samsaradiary.blogspot.com/2006/12/blog-post_15.html
http://samsaradiary.blogspot.com/2007/01/blog-post_02.html
我老闆好小氣,好多男人都好小氣.
我係諗,炒左佢有幾大好處?我新請既一定會貴成20-30%,又要再train過.仲要一d交接都無,要我自己pick up,馮以往既經驗,中間一定會出d意外,賠d錢.
咁,如果我只係比warning letter佢,比個機會佢改過,佢改到即話,公司有個又好又平既員工;佢改吾到既話,我炒佢佢心服,其他員工亦都會覺得公司係公平,我亦都過左peak season.
就算佢因為收到warning letter而吾開心辭工,都有一個月既notice,我可以有時間請人,佢都會有交接.
除左兩個特別列子,我一直有人走時,佢地都係好博命地清野既,我都一定同佢地同佢自己既teammate吃farewell lunch.我要做到大家都好來好去,而每個人都有佢既reputation,所以，我有staff係last day之後仲在屋企send mail比我清埋最後手尾，有人走左成個月都打返來問有冇手尾.
我咁樣既reputation依家老闆要我炒人,都真係令我好難做.
我都吾知我依d係吾係婦人之仁.
我又係度自言自語.
你老闆同某d傳統既香港老闆一樣，都係覺得離職 = 背叛；唔參加公司活動 = 不忠；嘩，Stereotyping 得好無知。
不過你老闆係英國人，查實，比著小弟，可能會傾向堅持立場... 或者，我覺得中國人都係難搞d。
CM哥哥：
如果妹妹真係去吾到我既要求，我一定吾會辜息，如果吾係其他人點會服？
但係，我一定要比妹妹最後一次機會囉．
我行緊拖字訣，吾會一下子炒人，結果會係點？哈，我都好想知．
張貼留言