馬先生既離世，難道就可以抺殺佢之前既言論嗎？人人都會死既，如果咁易一筆勾消，豈不無人需要為自己既言行負責？？？
人貴頂天立地，保持脊樑挺直。人生於世只係過客，但係在生活依本書上自己到底寫下ｄ乜野，全睇你自己。
馬生當日既言行，歷史自會記錄。
今日八月八日，離北京辦奧運剛好一周年，在歌舞昇平背後，人民不會忘記。
"Tumhehi kiccām atappam akkhataro Tathagahata"...The work should be done by you, Tathagahata (only) shows the way.
17 則留言:
一個對自已相信既深信不疑，仲希望大家認同相信。
政治同宗教都好類似。
希望佢唔系屈屈而終啦。
每一代有每一代的歷史，同一件事，不同時代的人可有不同演繹。
事件實在論...發生左既事件，可以有不同既詮譯，但係事件既本質不會因為不同既詮譯同演譯而有變化...
歷史，係一個發現真相既過程...其中或有不同既角度去觀察事件，結合不同的角度，組合成一個整全的歷史觀，貼近於真相，方為一個治史者應有既態度...
如果刻意拋出一個與事件真相明顯不符的觀點，無論係咩意圖都好，咁都會影響大眾對真相既判斷，甚至最終「謊言百遍成真理」，係整體人類發展既進步路途之上，依一種咁既觀點，無助於我們去掌握真相，甚至做成倒退...依種咁既行為，係應該受到抨擊...
大丈夫立身處世，頭頂天，腳立地...人死留名，豹死留皮...人，需要為自己既言行負責...無論生前，身後...
望門投止思張檢，
忍死須臾待杜根；
我自橫刀向天嘯，
去留肝膽兩崑崙。
AK兄: 嘩! 投身清末反清廷腐敗王朝運動的「戊戌六君子」之一的譚嗣同，在其臨刑時曾題的詩...
小9又黎:
銜石成痴絕，滄波萬里愁；孤飛終不倦，羞逐海鷗浮。
姹紫嫣紅色，從知渲染難；他時好花發，認取血痕斑。
慷慨歌燕市，從容作楚囚；引刀成一快，不負少年頭。
留得心魂在，殘軀付劫灰；青磷光不滅，夜夜照燕台。
事實﹝而非真相﹞當然不會因不同演繹而改變。但對一件事實的解讀，不同年代的人就可以不同啦。你我經歷六四，對事件有主觀體驗，形成了我們相信的真相，於一些言論自難接受。
然而，在後世甚至許多世後，沒有了親身的經歷體會，對事情的看法或有不同。這些是歷史家不能控制，也不應控制。
另，在多元社會，任何歷史觀都是一家之言，亦只是一家之言。歷史家可以說出自己認為的真相，但信與不信，則是一般人自行判斷了。
嘩, 個個都係文化人, 出口成章..恐怖
抱！
在一個人剛過身時寫佢生前行為不是之處，絶對政治不正確，但係面對大是大非既問題上，不應被經濟既繁榮而模糊化、灰色化、理論化。
依個世界邊有咁多灰色？用自己如璜之舌扭曲事實，如此行為十分可恥。依一篇係睇左惡女的文章有感而發，我要寫在自己既blog度係為左問責。
而另一感觸係，如果我地真係真係一直都記得自己既生命係有限既，自己有朝一日係會死既，咁，我地係咪就會對功名利祿少ｄ執著？更加隨心中良知呼喚而行？
人生在世不過數十寒暑，保持到自己既人格，可以做到問心無愧才是正道，特此自勉。
又，依排忙到luck look，休blog兩星期，遲ｄ見。
浩氣長存！（好癲呀，我咁講）
馬力既知大限將至，也發表扭曲六四的言論。可說馬力他黨性深種，是一位政治舞台上的悲劇人物。
有人話, 馬生講"六四"呢番言論係上大人"叫"佢講; 亦有人話, 馬生想在離世前講佢的看法。
不論誰說, 我只可以說:一九八九年六月四日的事是真實發生過的事, 不容置疑。
以及: 希望馬生安息。
香水妹妹：
祝你快d裝番luck 左既look 呀！
呢度係咪有人生日?
祝 Samsara 姐姐生日快樂!
4仔:咦,我係亞四喎,多謝!
cm哥哥:我都係好忙、多鑊，搞到我好燥底呀!其實我已經齊look啦，但係我個人一放鬆ｄ，效率就低，會有野做漏．．．反而之前我最tight時唔會，唉，明天會更好嫁啦。
Samsara姐姐,
我都祝你生日快樂呀!
忙都要抖多d呀,唔好chur得自己太'行'呀!
遲來的...
祝
生日快樂!
張貼留言