2007年8月30日 星期四

數怪哥哥個鄰居有三隻貓,我有個朋友都有三隻喎,三隻都係執返來既。

第一隻強仔好活潑好動,仲好大膽地,成日都會坐在窗台睇對面屋既電視。佢住廿二樓嫁,真係一有失足,就算貓有九條命都可能唔夠用。又有硏究發展原來識睇電視既貓係蠢d嫁,d轉數快既貓係可以見到電視原來係一個個畫面快速出現既,對佢地來講電視只係閃下閃下,唔會有興趣睇。會睇電視既貓,係果d鈍d,好似人類眼睛咁殘像夠耐,會見到motion picture囉。

原來強仔係傻強。

第二隻猫光仔係單眼既,朋友係去大嶼山時聽到佢既叫聲而執佢返屋企既,光仔又濕又污糟,已經全身生蝨,眼同耳仔都有感染。朋友帶佢去睇獸醫,但係始終都有一隻眼醫唔返。

唔知係未因為生命在剛開始時對光仔實在太差呢,光仔好細膽同驚青。一有陌生人入屋,光仔就會一枝箭咁衝入房,損入佢自己個小小猫屋入面。貓係有眼神嫁,你可以睇得出佢真係好驚。媽媽都會特別照顧身體差d、比較無咁叻既孩子,朋友亦都特別緊張光仔。

第三隻猫叫奶茶,事緣朋友既公司發現左一窩三隻未開眼既貓仔,如果打電話比愛護動工協會既話,佢地收左未開眼貓仔就一定會人道毁滅左佢地。朋友其實已經照顧唔到更多猫,但係都唔忍心,就暫時收留佢地,揾人領養。

朋友幫佢地改名叫做咖啡、奶茶同鴛鴦。顧名思義,咖啡係深啡色既,好靚好神氣,係第一個比人收養既;鴛鴦黃啡相間,都好靚好快有人肯要;而奶茶呢,係一隻土黃色既小貓,唔靚、唔出色,一直都無人要。朋友養佢耐左,都開始有感情,結果未收養埋佢囉。命運有時好奇妙既,奶茶雖然唔夠靚,但係就反而因為咁而揾到好主人。

傻強、光仔同奶茶,你地真幸福!

6 則留言:

學 霖 山 莊 提到...

我都有三個(猫)子女...
每朝早來過頂頭鎚 + elle~
一聲morning call~

6點9咋~Jessie(女女)...

匿名 提到...

我都鍾意唐貓,即係一般既黃貓,同虎紋貓

西式玩賞貓我就唔係咁鍾意...

C.M. 提到...

鍾意唐貓 x2 !

儀態,真的好美。

Samsara 提到...

學霖哥哥:係喎,你同情定姐姐都係愛貓一族喎,我個朋友自稱媽媽,叫佢老公爸爸,一家五口囉。

數怪哥哥:其實我想講,你咁鍾意貓,不如收養返隻啦。

CM哥哥:對貓我其實無乜硏究,我好似未見過無儀庇既貓,真係就算冼低都要靚喎。

匿名 提到...

哈,我仲以為你係故意用「猫」既添

Samsara 提到...

數怪哥哥:猫字我由細已經寫錯,錯左未改囉。

你舊成日打錯字囉,係未又想鬧我呀?

死人摩術師、摩術師、摩術師、摩術師、摩術師。