2007年9月5日 星期三

三蚊

中文大學係一座山來,學生迫住日日都要行山。校巴,係一個必需品。

相信所有學生都對校巴印象深刻,返學時間先至三個字至半個鍾頭一班,無冷氣,噴出大量黑色既癈你氣,仲永遠迫到似沙甸魚咁。車程路斜彎急,一扶唔穏,真係容乜易會成個撻底。

當年真係怕左搭校車,由聯合去本部,不論係上山定落山,我都會行路。仲練到好厲害既腳骨力,本部一口氣行UC梯上宿舍,可以面不紅氣不喘。

但係依座山真係太高啦,如果要由火車站既山腳行上山頂既聯合書院,想當年我仲後生時,最快都要四個幾字。而且,就算在冬天,都一定係會搞到身水身汗。到夜晚又或者周未時,校巴既班次就好疏,走左一班車,分分鍾要等成個鍾。有次一袋二袋咁返宿舍,真係行足我大半個鍾。

今年新學年,中大竟然又新政策,如果唔可以攞出中大通既話,要收成三蚊!

唔係掛,咁短既路程、咁疏既班次、咁差既車隊,都要收三蚊?真係好過搶。

就算中大學唔到MIT公開課程免費比公眾修讀既胸襟同自信,都唔駛差咁遠掛?大學除左係硏究知識同培養人才既地方之外,仲有社會責任,點可以關閉校園、徵收懲罰性車資?

咁小器但係想做國際性一流大學?咪玩啦?

延伸閱讀:

中大通,抵得上三蚊雞
反對中大校巴收費


又,原來小家大學仲有咁多令人髮指既窮酸事,去中大返工既外判小工人真係大件事!

都係要發起中大正名行動,邁向國際,改名叫做標爾基大學啦!

我都要講一句,想不到船山先生都有動氣的時候!

21 則留言:

Leona 提到...

你好,因為在aNobii上的一本書而找上你,久仰久仰!

我也是中大人,同樣喜歡不搭校車,上山落山,全靠這維持身段

但極之討厭校巴收費此舉
費時、多餘、不便...幫補得了多少?
如果不是為了財政幫補,那又為什麼?

cheryl 提到...

我冇讀中大,不過都覺得幾抵鬧。見過d車,又真係差d嘅...

我母校都係座山上,當然都有免費shuttle啦,不過冇人care你係唔係同學校有關係喇,反正人人都有得坐,但夜晚就7點後冇,換咗半個鐘一班的van。只不過,shuttle可以去的地方都唔係可以度度都去到,當日我早上烈日下攀山去課室,都要成半個鐘...

唔... 雖然好似唔係好合理,不過其實行吓都係件好事吖。

七十樓危危下望 提到...

師姐:

> 如果唔可以攞出中大通既話,要收成三蚊!

咩呀我果時呀週六日冇手持預購車票要俾五呅呀

Raymond WOO 提到...

大家是不是facebook用家?如果是的話請參與「反對中大校巴收費」的群組兄。

http://www.facebook.com/group.php?gid=4820034652

Justin 提到...

唔知你有冇發覺,中大日日都整緊路。

有時條路好地地,無端端會有人鏟左佢而再鋪過佢,同時,呢條路好可能一日有十個人行既。

與其用啲錢去整路,倒不如用黎資助下個校巴系統啦!

ak 提到...

Samsara姐姐,

睇報紙話,校方指,政府係明確咁表示唔會資助校巴,所以一直以來,校巴都係大學自己出錢既...依家收show唔到「中大通」既「外人」三皮都係「維唔到皮」...

頂(我係照講架啦,反正我唔係淑女)!咁大間大學,整架校巴要政府資助???使唔使好以小學咁,每個月個個同學仔上車果陣交校車費???

sf 提到...

三劃,

自己身為中大校友, 也不免臉紅. 其寒酸格其來有自, 且舉兩例子, 以證此(發)夢想成為國際一流的大學何其氣度不凡......[trackback]

seikomatic 提到...

做到老,學到老,番學都系行路好!
遲又好,早唔早,校長宿舍要種草。

Samsara 提到...

leona:歡迎光臨。我當年雖然日日行山仲有時去u gym跑步,但係大學係我一生人之中最肥既時候,因為夜睡遲起仲晚晚吃杯麵做宵夜...我的可愛糜爛歲月啊。

Cheryl:中大d車,真係好唔惦嫁,係唔夠力上山,會中間停一停,司機要再大腳加油先繼續上到嫁。你如果無位坐(經常發生)係一定要雙手捉實扶手,如果唔係分分鍾會在加油依一腳挫到look去車尾。

七十:星期六日學生都要比錢???咁返宿舍都唔得嫁咩?
五蚊?係校巴定富貴巴?

Raymond哥哥:我無用Facebook呀,不過請大家多多支持。

側田仔:中大唔係整路就係起新既形狀同顏色都好古怪既Building,不過,邊條路得十個人行?莫非係...

AK哥哥:「每個月個個同學仔上車果陣交校車費??? 」哈哈!不過,人講你又講,你知乜野係淑女勳章咩?

船山先生:你成日都返小家大學嫁?圖書館我真係n年無去過lu。

大師:我舊有睇d畫多過字既書囉,我仲有一排勁煲漫畫添,又唔見我可以作到打油詩既?

Leona 提到...

我今日返中大,搞到要同同學仔唱散紙
超低能勁麻煩

數怪 提到...

嘿,小獅妹,我都是uc的...

七十樓危危下望 提到...

校巴呀

仲有
我老家都仲有果D買落沒用校既校巴GUEN
感覺有D似日本軍票

Samsara 提到...

leona:仲要無八達通!!!真係苛政猛於虎。

數乖哥哥:你係咪當年果個坐校巴同我爭位既惡人,係咪?

七十:日本軍票...娃哈哈!

數乖 提到...

嘿,我咁精逃民,又點會同妹妹爭位坐?如果真係無位,我會好樂意借對大脾出黎.

Samsara 提到...

咁,未有人會變老虎囉?

七十樓危危下望 提到...

> 借對大脾
好瘦囉有D人對大脾

惡女 提到...

「好瘦囉有D人對大脾」我和議呀!我都係UC人。早排有次返去好鬼嬲呀,話說我上車時聽緊ipod,唔知要畀錢,行咗去後面坐,我落車時阿司機叔叔追到我落車,頂佢!話頭先係咁嗌我我都聽唔到,咁點知,我又咁啱無散紙喎,咁佢就放過我。

我知唔關司機叔叔事,但我真係好嬲囉,真係以中大管理層為恥。

匿名 提到...

中大做咩都好貴嫁
一個路牌都要幾千蚊喎
所以咪冇錢

etranger

Samsara 提到...

七十:「好瘦囉有D人對大脾」,如果女人比人咁講一定好開心,男人就...你自己小心啦!

惡女妹妹:司機哥哥真辛苦,中大d咁既管理質素,真係PR大災難。我地可唔可以有d醒小小既人來做行政呢?真失禮人。可憐大力哥哥成日要對住依排死蠢。

etranger:唉,劣質管理。

sf 提到...

沈三畫,

聽講呢, "原來很多網民不知道報料有錢收,又有人稱曾向某電視台報料收不到酬金,擔心向《蘋果》網聞版報料也徒勞無功。Net神在此請大家放心,所有好料,一經採用,必有酬金!"

咁我地係咪可以坐係到等收錢呢?

Samsara 提到...

小女子係韜船山先生既光呢。

係囉,有成一百蚊喎,可以坐成三十三(又係三)次小家校巴喎!如果係小工人呢,仲可以坐足五十次。