2007年9月7日 星期五

黑羊



鄒蘊盈在時代廣場搞緊畫展呢,仲有火柴盒、卡片套、布袋同精品買。
以前都見過Carrie既畫但係無乜點留意,但今次既畫展真係好搶眼,在落扶手電梯時,你就會比佢既顏色d大大既公仔頭吸引。睇真跡真係好開心,可以見到畫家用厚厚既白色油彩堆砌出天空既雲,可以見到公仔臉上既杯印,可以睇到顏色細緻既變化。

Carrie既公仔臉上成日都有補釘同壓印,雖然永遠係圓滾滾既娃娃臉,但係誇張既大眼睛同眼睫透露出邪氣,又誇張、又華麗。嘿,天使與魔鬼既混合體就是如此。

港女行來行去,結果都無買到野...Carrie既畫除左華麗,望得耐,唔知點解,仲令人不安。

13 則留言:

米都話唔搞咯 提到...

令我有d懷念佢以前響油痳地Homeless個巨型千秋公仔...

艾米 提到...

我都好鐘意佢既作品,不過身邊朋友都話好恐怖......唔知點解,我又唔覺喎

Forever 提到...

有邪氣....作者的內心都幾陰霾

野孩子 提到...

我不清楚是否有人細心留意作者所要表達的是甚麼?在畫作裡頭,華麗色彩背後,是否能找到一張「自然而愉快的笑臉」?

面對著瘋狂且無意識的把畫作拍攝下來據為己有的朋友們,和模仿、抄襲、奈良美智之聲在耳邊不絕響起。留在會場的將近兩個小時,眼裡看盡羊欄內的羊群心態在作崇,耳內聽盡尖酸刻薄的說話,有點莫名其妙。

展覽會和賣物會之間的分界線,
是否顯得逐漸迷糊?

野蠻郡主 提到...

um..我對佢d作品都係見過下,如果佢d插圖有出過雨傘..咁我就應該買左把喇!~

Samsara 提到...

米搞哥哥:原來Homeless在油麻地嫁,嗯,真係好耐無去過依度lu。

艾米(哥哥?姐姐?):嗯,你覺唔覺佢地公仔永遠有d支離破碎?我終於諗到點解佢令我不安啦,佢既公仔令我聯想起果d膠既洋娃娃,識眨眼果隻呢,我好細個時係鍾意嫁,大個d就開始覺得恐怖啦。依種公仔對眼係有瞳孔同虹膜既,仲有好長好硬好彎既眼睫毛,藍眼果種最恐佈,真係驚佢夜晚會同你單眼。

永恆哥哥:我睇已經咁不安,Carrie係在乜野心態下畫出來嫁呢?佢又無打過仗又無挨過饑荒,點解會咁---你講得岩---陰霾呢?Carrie之所以咁受歡迎,可能就係因為佢依種聽日就係世界未日咁既瘋狂華麗。心靈空虛係我地依代飽食文化下既共通點掛。

無常哥哥:依個好明顯係賣物會,我聽到有人問sales姐姐要某某張畫...賣左,跟住又問第二張畫...都賣埋,我諗會場內所有展品,包括果隻大黑羊公仔都可以買。

我真係好難以想像有人會擺Carrie既畫在客廳、甚至在睡房,唔會越睇個人越灰嫁咩?唔驚嫁咩?

Carrie唔似奈良美智喎,奈良美智寸到出晒面,Carrie subtle好多;奈良美智乾淨簡單,Carrie精細華麗。

你睇左兩個鍾頭咁耐?係睇畫定睇人呢?我幾唔鍾意見到d人果種瘋狂影相法,張張畫都影,好似影左就係佔為已有。依家係有真跡無遮無擋咁擺在你面前,你可以見到一筆筆既stroke,如果你好意思再伸個頭埋d,應該可以聞到油墨既味道,而佢地只係在度影相。

其實我唔反對藝術有商業成份嫁,咁artist都要食嫁嘛,Carrie自己都話佢既作品有六成定七成係商業,其他先係佢自己鍾意既創作。

曲高則和寡兼無錢開飯,咁囉。

喂,有冇場內眾生相睇呢?

郡主妹妹:依家在TS食滿唔知幾錢都有得換Carrie既傘喎。

hitcake 提到...

我都有一幅carrier 既poster, 係揀左好耐先揀到一幅無咁陰森既眼神做屋企擺設,我覺得佢d style 幾似Fernando Botero 架, 係一個哥倫比亞既晝家, 佢d 畫又係好cute 好肥, (尤其個肥女向廁所照鏡果張, 我掛左向廁所, 每一個去借廁所既朋友都爆笑出來..)不過眼神永遠流露出對生命沒希望既神情,或者好無奈...
有時...望佢d 畫..連我都唔開心埋...(不過又忍唔到買喎...認真賤格...XD)

米都話唔搞咯 提到...

油痳地間Homeless...執左啦...

數怪 提到...

有d魔剎feel

Samsara 提到...

hitcake哥哥:Fernando Botero又幾得意喎,張toilet女郎真搞笑,你仲真係貼在toilet添,唔笑都唔得啦。佢係咪講緊現代人外表強壯、內心軟弱?又或者四肢發達、頭腦簡單。

米搞哥哥:執左啦???不過好似仲有shop。

數怪哥哥:我試過睇monster幾次都在最初幾本中陣亡,可能遲d乾脆租返出慢慢睇。

hitcake 提到...

samsara 姐姐..

我係妹妹來的...:~(

匿名 提到...

間新shop 向歌賦街..九記牛腩隔離
hitcake

Samsara 提到...

hitcake妹妹:Sorry, sorry!

又係喎,哥哥又點會對d咁大隻既裸女有興趣呢?

homeless在上環?嗯,都有機會去吓。