減肥

我公司有一個在外國既同事患左壓食症，個情況時好時壞，佢苦苦掙扎左一年多之後，終於入院，今次應該好嚴重，唔知幾時可以出返來。

聽講佢只有廿六歲，好能幹快手，患病後亦都好堅強地面對，但係始終不敵依個病魔，要訓醫院。 佢一下入院，我地真係大混亂，希望佢快ｄ好返，可以返工。

本來以為依ｄ病都係外國多姐，我地中國人太鍾意食野，無咁易壓食。我都有朋友日日嗌住要減肥，但係佢地係果d一邊嗌減、一邊係咁食既「口是心非」份子。

但先幾日有高人提點，話香港ｄ女仔無論幾瘦都覺得自己肥喎。咁我試下問我果三個妹妹，結果竟然係三個都話自己需要減肥！

唔係掛，佢地三個唔止瘦，仲要係骨架好細果隻。試過在茶餐廳個ｄ二人卡位，佢地三個坐晒落去都仲有位鬆動。依ｄ卡位好窄，係大肥佬一個人就會坐滿嫁啦喎！

咁，就趁佢地填醫療保險時同佢地計下BMI。結果，最高果個都只有19.5，最低果個只有17.7！！！亞洲人要有18.5-22.9，既係話一個身高1.6米既女仔，要有47.3-58.8公斤又或者104-130磅至岩，低過104係好唔健康嫁啦，而只要唔夠130磅其實都好ok！唔係人人都要低過一百磅嫁喎，唔信自己計吓。


於是，我唯有走去買泡芙比三個妹妹食，仲要係Beard Papa’s果ｄ外皮好脆、好多滑滑cream果隻呢，每個泡芙既卡路里直達一萬。

妹妹已經愛上咁邪惡既美食，開始自己買來食．．．

又，聽日Lunch會叫KFC外賣，美女減肥計劃全面泡湯。

Yeah!