Mimzy

未來接觸The Last Mimzy真係好好睇，睇完之後真係覺得個世界都靚左，感覺美好．．．放心，我係唔會咁無良，爆電影、小說、漫畫既內容嫁喎。未睇trailer啦，對內容乜都唔知先會投入同有驚喜嫁嘛。


睇啦、睇啦！


唯一美中不足既係，作為真善美化身既小妹妹，唔係應該擁有如水晶般透明既眼神嫁咩？小妹妹好老積，甚至笑起上來神秘得有ｄ邪氣，比如砂糖果幕，比如最後果幕。不過，小妹妹十年之後，一定會成為瘋魔萬千少男既殺手級美少女。


反而演佢哥哥既男童有好天真好奇既藍色大眼睛喎，Close-up時，佢對眼真係好坦率友善。


又，我都有隻茶色野兔毛公仔嫁喎，佢仲著住條紫紅色既裙仔，露出大板牙，笑得好曳。又唔見佢會同我傾計嫁呢？我比較想學飛囉。