因為中信泰富一已私利，抬高西隧同東隧既價錢，搞到紅隧永世都塞車，依家佢個公主抄Accumulator爆煲，要努力撲水，分分鍾要賤買大倉行，咁，點解唔可以在依個時候政府買返兩條隧道？？？
仲有，范鴻齡仲有乜野面目留在行政會？依家佢間公司蝕左足足155億，唔係活性乳酸菌喎，係港幣喎，如果佢係日本人，就應該９０度鞠躬，頭頂個轉對住鏡頭足足一分鍾來比人影像啦。我懷疑范生既能力喎（操守都懷疑），佢有乜野資格在行政會為香港人做決定先？
而且，成個范鴻齡坐在度，行會點傾回覆兩隧先？
范鴻齡，無謂再戀棧權位啦，自己返去中信執返ｄ蘇州啦！
7 則留言:
師妹，
唔似人喎？
借左個account 比人用？
師妹，
唔似你喎？
借左個account 比人用？
大師！！！
我剛剛開始睇２４個比利，你就咁講，好驚呀。
算啦，醜婦終需見家翁，我老實講啦-----
我係男人。
Sam Sam,
咪嚇鬼啦...
分分鐘玩切腹架D o架仔...
Samsam 講既野..
我證實係真架... 哈哈哈~~
中信泰富單野一定有內情，因為表面睇實在太白痴喇﹗
學霖哥哥：我呢，係要范鴻齡承認自己無能，辭左公職姐，佢要同中信泰富既股民交代既。
死，解決唔到問題，而且，係逃避責任。
鎚：果然係好兄弟！依單野，起碼係不實披露啦，明明已經因為一粒糖而燒左十間廠，仲在度講話無重大損失，范生咁都做得出，就唔好咁大聲講自己誠信無問題啦，很難見呢。
係，很難看呢！
張貼留言