愛民邨粥檔老闆派粥比老人家既善舉，相信感動左好多人。連日來，不停有人損錢損食物去幫襯加油打氣，真係人間有情。
老闆，真係好野！
其實我地如果想幫助有需要既人，其實仲可以考慮直接向食物銀行捐款。
其中一間，係聖雅各福群會既既眾饍坊。
眾饍坊只會接受由團體轉介，證明真係有需要既非綜援的低收入家庭、失業、家庭遇突變的家庭、露宿者、「五無」人士。佢地會乜野叫做五無人士呢，就係即無強積金、無退稅、無老人金、無兒童及無直接交電費的人士。
香港今次又威到盡啦，香港既貧富懸殊係亞洲第一，堅尼系數０．５３３！除左老人家之外，在職貧窮係另一個問題，佢地唔想攤大手板同政府攞綜緩，但係真係窮到無錢開飯，如果等特首出手，掟多一籮蕉都無用，靠曾蔭權真係等到餓死都未等到啦！
捐款可以下載表格之後去7-11比錢，寄返收據比佢之後，除左有正式收條等你可以退稅，仲會送一隻靚靚水杯比你添呀！
5 則留言:
師妹，留言兩貼：
每個人既消費模式可以好唔同，廿蚊個早餐對俺泥講，真系高消費，但系電視上面平民茶餐廳既客仔又唔小。
俺記起四五六十年前學校餐廳見過有人用牙籤督人地食淨果d 碟頭送尾，覺得好奇怪，後來沙士期間阿伯系街邊執雞尾煙，阿婆用膠袋泡制大塊樂老麥家香雞，就知道事態嚴重。
林林下，食物銀行比派錢好，因為有人可能力左份糧去做其它野，例如借比個仔買匯豐。
Done.
大師：係呀！送食物真係好過比錢嫁，我阿媽話，人地乞錢你可以唔比，但係如果人地係問你攞野食物就一定要比喎。
想當年我同佢一齊去大陸旅行，去到一個專賣素包既店，阿媽買左兩個諗住返去酒店食。點知行行下有個女人帶住個六七歲既女過來問我地攞錢，我地唔比，咁，佢就問我地攞包...阿媽好痛苦地比左佢...我阿媽食素既，難得買到素包自己一啖都未試過...就比左人。但係，你比錢唔知依個女人點用，你比包佢，個小妹妹應該會有得食。
On Dog哥哥：Well DONE!!!!! 我昨晚一返到屋企就知好鬼bad timing，股市跌到四腳朝天，滙豐得返＄７５！
但係，昨晚有線新聞亦都報話慈善團體籌款大分困難，有食物銀行唯有每次只比人攞少ｄ食物，同埋入少ｄ「貴價」既肉類罐頭。
On Dog哥哥真係好心地呢！
唔駛怕羞，為善要讓天下知！因為，大家都需要一ｄ鼓勵。
DONE X 2.
肥哥哥:多謝!人人都可以仗義嫁,特別依家正是雪中送炭既時候。
張貼留言