無錯，我死性不改，又再re-take巴利文初班。
Somehow我開始相信，真正有意義既野，都係好難得既，中間跌了兩交，很正常啦！不過係讀一次唔識姐，未讀多次囉，咩姐？
但係，又係來到noun既１８個Declenation啦，同一個Noun，因為唔同既preposition再加上Singular同Plural,竟然有咁鬼多個樣，真係好攞命！仲要更大鑊既係，巴利文之中，係分Masculine, Feminine同Neuter，每一類入面再分唔同既尾音，每個尾音有唔同既declenation rule.............真係晴天霹靂呀！好多好多好多declenation呀！
仲有Verb呢？在唔同Part of Speech又唔同，仲有唔同Tense呢？....又好想打爛部電腦呀！
我呢，由細到大都知自己記性唔好，所以中三選科時，亳不猶豫地揀左理科班，如果讀文科，好有可能畢唔到業。而且呢，我係記唔到自己討厭既野既，比如一ｄ肉麻當有趣既新詩、滿字謊言既文章，真係直接反彈，一ｄ入唔到腦。
我記有一ｄ關於記憶力既硏究，話呢，要記性好，首先就唔好口口聲聲話自己記性差。哈哈，即係呢，我唔應該不停地reinforce自己既記性唔好啦。跟住，係要令自己不再抗拒記野，你如果唔鍾意一樣野，係無可能做得好囉，我一面背Declenation，一面暗暗地肚子裏非議點解幾廿百萬個奇奇怪怪既grammar，咁記到就有鬼啦！
唉，細個讀書時，記性唔好就當然很吃虧啦，但係呢，去個做人，有時候唔好樣樣都記得咁清楚，將ｄ恩怨情仇放開ｄ，個人既精神健康一定會好ｄ。嘿，很奇異既平衡法，估唔到無記性都有佢既好處。
咁，我可唔可以選擇地有記性，只係記得巴利文呢？
4 則留言:
師姐，
今年第幾次讀巴利文？巴利文真係難過英文，如果要學識要非常用功先得。以前都有考慮過讀，不過最後都決定集中精神讀一樣就算。
三妹，你對部派佛教真係好熱衷喎！
俺有個倒行既想法，根本唔讀其它經，只系一本200餘字心經，咁仲惦會林巴利文呢？
讀巴利文系為左經義定興趣/好奇？
俺有一日忽發奇想，原來佛祖系印度人，唔系中國人，有點疏離感。
三聯有幾本志蓮師兄弟翻譯巴利文既佛經，知到無？
師兄：我係第二次讀啦，上次真係一去到第三堂講到noun已經跟唔切，真係估唔到會係咁難嫁。我呢，唔係上法師既法句經，都習慣左聽ｄ巴利文，係唔會諗住真係學巴利文既。
通寶哥哥：我呢，係急功近利既康港人，唔係有立時見到利益既野，我係唔會有咁大決心既。我呢，自從學佛之後，身體好左，情緒穏定左，心地好左ｄｄ，脾氣無咁臭，最緊要係，開心左！！！...好野來嫁，你都試下揾本南傳佛經睇下啦，咪當係睇散文囉，ｄ故仔好過癮嫁！
大師：我呢，鍾意追本尋源，原始經典真係好純樸直接，但係有好多好深既term，都係睇返巴利文既解釋好ｄ，仲有，好多時大成經書同原典唔同，咁我一定係信原典，佛教二千五百幾年，比人加左好多偽經入去。
我就係在志蓮讀緊呀，各位師兄真係好花時間心機來翻譯。
張貼留言