2007年4月21日 星期六

快樂多角度(6) - Paradigm Shift

朋友問我究竟係真開心定扮開心?又有好多網友既留言,大既都係問緊我係咪在度自我催眠嫁.

嗯,依樣野係如人飲水,泠暖自知.

我真係拉高左我開心指數平均值.當然一樣有突如其來既情緒低落,但係少左好多,而且好快就上返,未試過在低谷超過一日.

阿朋友仔話可能我文筆吾好,搞到大家吾明.咁,不如等我舉例說明啦.

我既親身經歷係,當我一轉左睇野既角度,世界就改變,連我都即刻改變.

比如,我其實係好鍚我媽媽既,但係我地兩母女一樣係炮仗頸,好多時候因為一d小事而嘈交.

我真係好憎好憎自己d臭脾氣,雖然我知道無論我講過d乜野,媽媽都會原諒我,都係一樣咁鍚我.但係點解我吾可以對佢好d,令佢開心d呢?

傷害到一個咁鍚我而我又好鍚佢既人,我次次都好後悔,諗左好多辦法去改.但係冇一次成功,不停地犯同一個錯.

到左近來,我用左另一個辦法.

我問自己,媽媽有d乜野吾好先?數來數去只有煩呀,嘍囉呀,成日叫我早d訓啦之類,一隻手其實已經數晒.

咁,媽媽又有d乜野好呢?咁就多囉,佢在我受沈重打擊既時候攬住我,叫我喊出來,不停地同我講話無事、無事.佢教我做人要頂天立地,無愧於心,親身示範一個人應該點樣堂堂正正地做人.就算到年紀大左,佢一樣可以保持童心同好奇心,仍然不停吸收新事物,終生學習.佢係依個世界上最愛我既人.

我最後問自己,點解只集中睇媽媽果少少瑕疵同壞習慣,吾睇佢多到數吾晒既優點呢?

媽媽就好似一塊好通透碧綠既寶玉,但係上面有一條細細既裂痕.我一直只係睇依個裂痕,覺得點解咁醜樣,咁吾完美;從來無留意到裂痕之外,係一塊咁靚既美玉.

當我轉左個角度,去睇媽媽既優點時,我就越來越揾到更多佢既優點.我發現自己既媽媽原來好得咁緊要,我都吾知點解咁好彩兼好命,有佢做我媽媽.

依家當再去到我會發脾氣既位,我就好自然地諗起佢對我幾好,我又幾咁鍚佢.怒氣一下子就比依d正面開心既念頭消融,消失得無影無影蹤.我跟本就吾駛忍,吾駛在孝順與脾氣之間掙扎,因為,無脾氣.

Stephen Covey在佢本全球暢銷書The 7 Habits of Highly Effective People既第一章講過一個故事.

話說Convey一日搭地鐵,本來車箱好靜好舒服,有人睇報紙,有人打機,有人恰眼訓.

但係在一個站度有個男人帶住一班細路上車,坐左在Convey隔離.班細路非常頑皮,周圍跑來跑去,大聲嗌,又搞人地d報紙.

但係個男人就好似乜都睇吾到聽吾到咁,繼續閉目養神.Convey就覺得好煩啦,心諗依個男人有冇搞錯,都吾管下班細路,真係無家教.最後忍吾住開口叫個男人管下班細路啦,佢地搞住成車人啦.

個男人咁先張開眼,答話:「係呀,我諗我都真係應該管下佢地.我地去過醫院,佢地媽媽剛剛過左身,我都吾知點做,我諗班細路都一樣吾知應該點反應.」

一下子,Convey既怒氣同不耐煩吾見晒,佢根本吾需要再控制自己既態度同情緒,因為佢滿心都係為個男人同班細路而心痛,為佢地既處境而悲傷同情.即刻吾覺得d細路嘈同討厭,改為問候依位男士,同睇下自己有乜野可以幫到手.

Convey將依個觀點、假設既一百八十度轉變,叫做Paradigm Shift(吾識譯).

Paradigm Shift係用一個極度強力既轉變.當Paradigm一轉移,我地就在一息間改變觀點來睇世界,自己亦都一下子改變.吾需要好似戒煙咁慢慢來,亦吾需要忍.所以吾好以為要改舊習慣一定要好長時間;只要Paradigm一轉移,改變可以發生在一秒鐘之內.

而且你亦都吾駛擔心會好似戒煙咁,一吾小心就會癮起,再跌返去以既舊習慣.你估Convey明白到個男人同小朋友既處境之後,仲會吾會突然之間又覺得d細路無家教呀?

所以,心一改變,世界就改變.

所以,當你真係用正面角度在睇世界,世界立時變成玫瑰色,變得好可愛.

而你,亦會變成開心既人.

10 則留言:

渣估 提到...

Sam:

Paradigm Shift 十數年前已有人譯為範式轉移。 雖然怪怪地, 多年來都有好多人跟住照用了...

猜想如果你給伯母看看 《Samsara's Blog》, 母女關係必會更融洽。

祝周末愉快!

匿名 提到...

樂觀的性格, 凡事向好個邊諗, 好多時係天生既, 但唔係話冇得後天改變。

有時會諗, 好多人遇上問題時會向壞個方向諗, 其實係咪好似生理結構咁, 像遇上危險時腎上線素上升, 心跳馬上加速以去應付危險一樣。故當有問題時, 人自然draw去諗D壞野, 等你focus同發掘壞既事情, 以免漏波…

學 霖 山 莊 提到...

我有時又會咁樣諗...
其實接受自己是一個略為不平凡的凡人,
不再把超人或聖人的負擔往自己肩上放,
日子可能會好過些...

其實阿Q都不大可憐...
反而身邊的人團團轉...

哈~我又間開始語無倫...

匿名 提到...

Samsara姐姐,

其實AK諗野一向都幾負面下,而依種情緒發揮係做野之上,的確有時係可以做到迫使自己做到「算無遺漏」既地步...不過,咁樣有時又真係會係好累人既一件事...

係咪AK太過緊張,係自己在乎既事上面(依家絕對係career development啦),永遠都係覺得「忍一時,渣都無得剩。退一步,褲都會穿窿。」,所以永遠都係處於戰鬥狀態...就算肯忍...都一定只係偶然既戰略轉進需要...

暫時...都唔係退下火線既時候...既然係咁...我要放假!!(但係都要吊埋依五個星期頸先...)

ah-yun 提到...

Paradigm shift... something I have been learning also. :)

I think sometimes we tend to be quick to judge other people's actions. Convey's story in the subway was a good illustration. If we can take a little time to understand more of the reasons behind the actions; we might have a whole different view.

In a way, I think we are all self-centered. A lot of time, we forgot that people think differently and experiencing different things in life.

人與人之間﹐有時就是缺乏了一點包容和體諒。

It's easier to be said then done. (But can be improved over time.) But I agree that, if we can have a shift of paradigm (whatever that is, each person is different), we will be better off; and those around us can be benefit from it.

阿爾伯特 提到...

"Paradigm Shift"猶如"頓悟"。

正所謂一念天堂,一念地獄......

當時機成熟之際,襌師就如"接生婆"咁,助您一把.....

未悟時,老師渡您; 悟後,則自渡...

阿爾伯特 提到...

地鐵中帶著小孩的男人,可能就係菩薩.....

Samsara 提到...

渣老闆:
範式好就諗到template,真係寧願音譯佢做「栢拉蛋飄移」好過.

原來7 Habit係89年出版嫁,我果本,都開始變黃lu.

我阿媽係第一個知我寫blog既人,但係一d都無興趣.之前我寫過信比佢既,雖然佢完全無表示,但係我知佢只係怕羞姐,實情佢好開心既,仲比我見到佢將我封信收得好密添.哈哈!

已經好融洽.


On Dog哥哥:
唉,我未係果d天生悲觀憂鬱既人囉,如果吾係,又駛乜花咁大時間精力在尋找快樂呀.

不過,我地又去返90/10定律啦,係呀,我既起跑點係低過人,但係我係可以自主嫁嘛,我依家咪在度改變自己睇野既角度同栢拉蛋飄移囉.仲即刻見到成效,真係憑我既努力,令自己開心左呀.

而依個過程,仲係一個好強力既empowerment.令我更加相信,我可以創造出我自己既道路.


學歷哥哥:
你都幾完美主義喎.

放下=接受自己

我有日同我個朋友講,我吾鍾意:「吾好諗咁多」,因為一諗吾好諗,其實已經係諗緊.

真正既放下,係一做完件事,就out of mind.依樣野都有d難表達,我都係講一大輪個朋友先收到.


AK哥哥:
睇得出呀,你成日都在作戰狀態既,好tense.咁樣,真係好辛苦.

你就好啦,可以放假,我已經第三次去吾成旅行啦.好想去玩去吃吾用腦.


小雲:
你講得好岩呀,我地真係成日一下子就評論其他人.但係,好多時人地都有佢自己既難處既.

如果我地可以多地了解同體諒其他人,咁個世界一下子就和平好多啦.咁我地同其他人既關係好左,自己就會開心好多啦!


Albert哥哥:
栢拉蛋飄移又真係幾似頓悟喎.

講起,之前Ajahn Brahm都提過Convey,話佢好多概念都好近佛教,又係喎.

Samsara 提到...

Albert哥哥:

一件事究竟係逆緣定助緣?完全睇自己既諗法同選擇.

一切發生既都可以係好事,而果位男仕,吾只點醒左Convey,仲有我地依d睇到故仔既人.

阿爾伯特 提到...

一件事究竟係逆緣定助緣?完全睇自己既諗法同選擇. --> 係呀!

人地幫得就幫,始終要靠自己.....