2007年4月20日 星期五

快樂多角度(5) - 負面傾向

吾知大家有冇試過畫左幅畫出來,有九個人讚你畫得好好,但係一個人話好醜樣、都吾知畫緊乜.你吾會好留意果九個人既讚美,但係第十個人彈你既意見,就句句都記得?

又有冇試過在考完試之後對答案,答岩既完全吾會理,覺得係應該既;但係答錯既會一次又一次地睇同check,質問自己點解會答錯?

我地好多時都會自自然然地將注意力放在負面既事上面,比如有個硏究顯示,一對夫妻如果有人講過一句批評負面既說話,係要用五句讚美既說話先可以補償返.

點解我地會有依個負面傾向(Negativity Bias)呢?

其實用進化論既角度來睇,都好容易理解.我地既祖先在每一刻都活在危險之中,四周都係隱藏住敵人;一吾小心,就可能做左其他動物既晚餐.

所以,果d好大膽吾小心又吾怕死既人,好快就做晒晚餐.剩返d比較小心翼翼,凡事作最壞打算既人;佢地寧願錯失左一d揾到食物既機會,都要保住自己條命仔先.咁先可以生存,一直有子孫存活到而家.

所以,在Natural Selection之下,我地既祖先都係一點對危險敏感又諗野負面d既人.所以,我地對正面既好事反應吾大,但係一有d負面野呢,我地就諗完又諗,度完又度,記住記住.

我地對負面野既反應,大過正面野好多,而個亦都成為我地既思想習慣.所以我地睇一件玉器,吾會留意佢大部分既地方都好靚,反而一眼就見到d瑕疵.

我地睇自己呢,就見吾到自己有幾多優點,反而成日執著在自己果幾個缺點.

我地好少會真心讚自己努力同做得好既地方,反而一做錯事,就不停地怪責自己.

但係,而家基本上地球己經基本比人類佔領,我地吾駛驚做左晚餐.而且,我地個心既力量其實好強嫁,你留心d乜野,乜野就會放大.

如果一直留心下屬既錯失,佢地就會不停地有新既錯失出現;如果你留心自己既錯失,你就會一犯再犯.

咁,點算呢?咪就係要改變自己既觀點同睇野既角度囉!

嗱,吾該諗多次啦,你既老闆係咪除左縮骨同無同情心之外,真係一d優點都無先?佢對你都真係幾客氣嫁喎. 又,上之你做錯野既時候,佢係咪都幫你同個客賠罪兼無丙到你先?

阿媽除左煩同囉唆之外,佢係咪好鍚你又煮餸好好味先?

你男友雖然吾靚仔又矮又賺錢少,但係佢係咪好勤力上進又對你好好先?

只要你由正面既角度來睇依個世界,個世界其實都真係好可愛嫁.

又如果你多d正面評價自己,咁你個人開心,對人又會好d.當你充滿正能量既時候,你果少少缺失就會越來越細,你做錯野既機會又越來越少,好快,你就會改善嫁啦.

除左對其他人要好,對自己都要温柔嫁,如果你連自己都吾識愛鍚,又點會識得愛鍚其他人呢?

9 則留言:

C.D 提到...

明白晒喇,老師 ^.~

D.

seikomatic 提到...

Sam 師妹,

請仔細讀畢下文:

我好靚女,我好靚女,我真系好靚女,我好靚女,我好靚女,我果然好靚女,我好靚女,我好靚女,我先系好靚女,我好靚女,我好靚女,我原來好靚女,我好靚女,我好靚女,我今日好靚女.........(影印放大A3 貼系床頭都得。)

有無覺得自已心情好左小小呢。

阿爾伯特 提到...

香水小姐:

律己以嚴,待人以寬,不如意事自然不多。

不過,有時可能要放過自己,始終我們需要"Forward Looking".....下次唔好再犯同一錯誤就OK ^_~

精工小姐:

從您既美唇,知您靚嫁啦......嘿嘿

Samsara 提到...

比人催到嘔自都要覆:

阿D:我都知我長氣兼說敎,你忍下我啦,好多我既朋友都悲嘆點解識到我嫁啦.

大師:
妖,妖,妖,妖,妖,妖,妖,妖,妖.
我都要妖字印呀!

Samsara 提到...

都係Albert哥哥好d,你地蝦我既!

渣估 提到...

Samsara: 我都好中意正傾向思考嫁! 每日睇報紙都係負面消息, 死人淋樓, 加上生活上不如意事十常八九, 後生仔心易灰, 皮易巢。 所以正面思考好值得提倡, 請繼續這系列文章!

精工大師: 我終於聽番馬家輝果段錄音(原來係Metro Radio 三月尾的一輯「小文化社」), 多謝多謝! ^o^

seikomatic 提到...

渣哥,

俺...真系好難接受你露真身....

就系怕你...真系似唔現棗。咁距離咱們這些低下鞋底階層越泥越遠...

學 霖 山 莊 提到...

Danny 仔舊作: [想知怎愛旁人... 先懂得愛自己...]

Samsara 提到...

渣老闆:
多謝捧塲,我無咁容易被打敗既,仲有d更加悶同趕客既野咪寫.

大師:
講真,我覺得你先係渣老闆既天字第一號粉絲,不過,你吾係鞋底階層.

無論你係男係女,我都一樣咁鍾意你嫁.

學霖哥哥:
我以前一直以為律己以嚴,待人以寛係好有型既一件事,但係近來發現依樣野其實係行吾通既.

如果連對自己都吾可以温柔既話,根本無可能對其他人好.我吾係話要放縱自己,而係要先接受自己,才可以接受其他人.

死啦,又吾識點講添,等我遲d再組織下先講.