快樂多角度(5) - 負面傾向

吾知大家有冇試過畫左幅畫出來，有九個人讚你畫得好好，但係一個人話好醜樣、都吾知畫緊乜．你吾會好留意果九個人既讚美，但係第十個人彈你既意見，就句句都記得？

又有冇試過在考完試之後對答案，答岩既完全吾會理，覺得係應該既；但係答錯既會一次又一次地睇同check，質問自己點解會答錯？

我地好多時都會自自然然地將注意力放在負面既事上面，比如有個硏究顯示，一對夫妻如果有人講過一句批評負面既說話，係要用五句讚美既說話先可以補償返．

點解我地會有依個負面傾向（Negativity Bias）呢？

其實用進化論既角度來睇，都好容易理解．我地既祖先在每一刻都活在危險之中，四周都係隱藏住敵人；一吾小心，就可能做左其他動物既晚餐．

所以，果ｄ好大膽吾小心又吾怕死既人，好快就做晒晚餐．剩返ｄ比較小心翼翼，凡事作最壞打算既人；佢地寧願錯失左一ｄ揾到食物既機會，都要保住自己條命仔先．咁先可以生存，一直有子孫存活到而家．

所以，在Natural Selection之下，我地既祖先都係一點對危險敏感又諗野負面ｄ既人．所以，我地對正面既好事反應吾大，但係一有ｄ負面野呢，我地就諗完又諗，度完又度，記住記住．

我地對負面野既反應，大過正面野好多，而個亦都成為我地既思想習慣．所以我地睇一件玉器，吾會留意佢大部分既地方都好靚，反而一眼就見到ｄ瑕疵．

我地睇自己呢，就見吾到自己有幾多優點，反而成日執著在自己果幾個缺點．

我地好少會真心讚自己努力同做得好既地方，反而一做錯事，就不停地怪責自己．

但係，而家基本上地球己經基本比人類佔領，我地吾駛驚做左晚餐．而且，我地個心既力量其實好強嫁，你留心ｄ乜野，乜野就會放大．

如果一直留心下屬既錯失，佢地就會不停地有新既錯失出現；如果你留心自己既錯失，你就會一犯再犯．

咁，點算呢？咪就係要改變自己既觀點同睇野既角度囉！

嗱，吾該諗多次啦，你既老闆係咪除左縮骨同無同情心之外，真係一ｄ優點都無先？佢對你都真係幾客氣嫁喎． 又，上之你做錯野既時候，佢係咪都幫你同個客賠罪兼無丙到你先？

阿媽除左煩同囉唆之外，佢係咪好鍚你又煮餸好好味先？

你男友雖然吾靚仔又矮又賺錢少，但係佢係咪好勤力上進又對你好好先？

只要你由正面既角度來睇依個世界，個世界其實都真係好可愛嫁．

又如果你多ｄ正面評價自己，咁你個人開心，對人又會好ｄ．當你充滿正能量既時候，你果少少缺失就會越來越細，你做錯野既機會又越來越少，好快，你就會改善嫁啦．

除左對其他人要好，對自己都要温柔嫁，如果你連自己都吾識愛鍚，又點會識得愛鍚其他人呢？