2007年8月1日 星期三

瘋狂工作間

晨早流流發現LAN線唔着,上唔到網、print唔到野、check唔到email,Support唔知幾時先來,於是在地下既一堆藍色同灰色線之中揾返邊條打邊條,結果...得左!比我揾到係邊條線鬆。但係Support哥哥來到之後,竟然幫我全部整甩曬,又要再揾返線。


有個客又再一次唔記得password,哥仔reset出來既新password係---"forgot"。


有個interviewee坐在meeting room十五分鐘之後,竟然打我電話問幾時可以去見佢,唉,已經三十幾歲人啦,唔係真係扮下有耐性都唔識呀化?


供應商打電話來講張支票彈左,因為數字寫$352.00,英文寫Three Hundred Fifty Six...好想死左佢算。


客人打電話來第一句係:「我竟然打通左呀,我要買六合彩。」
真係hurt,真係好唔慣比人咁潤法,唔夠人又請唔到人呀嘛,我都已經成個Receptionist咁樣聽電話囉喎。

16 則留言:

變幻原是永恒 提到...

haha 呢句我要買六合彩好好笑...

匿名 提到...

Samsara,

我都明白d野多到湧住黎既感覺...明明9點先啱啱坐低,一望鐘就成1點,再望窗就連天都黑埋...但係d野仲係一幢幢咁黎,d unread email又有成尺長咁多...你加油,頂住呀!希望你快d請到人幫你手啦...

Derek 提到...

我覺得要interviewee等其實好唔公道
一o來遲到呢樣野好討厭
二o來我全身ready好哂準備interview,你要我等番半個幾一個鐘,乜狀態都冇哂啦,仲點in﹖

seikomatic 提到...

各自各精彩,今日睇住跌一千真系好興奮!

Gideon 提到...

其實點解係要人等呢?又一早約定,黎既人若果又冇遲到,要等成大半個鐘真係勁無聊,會訓著。最唔鐘意啲懶係大既公司會俾張 form 你重新抄過份 resume 落去咁,仲要起埋你家底。其實都只係想拖時間。我試過"填漏"個籍貫仲要俾人插... 頂.. 你唔係真係 expect 我會填埋個病歷俾你下話。

惡女 提到...

超認同鐵鎚呀,果啲死人表,真係超浪費時間。

我試過有次second interview,去到搵唔到嗰位老闆,打總機駁上去搵另一條友聽,臨時臨急搵咗另一個老闆嚟in我,後尾先知條友原來唔記得咗,出咗街食Tea,真係好離譜。

匿名 提到...

加油!

其實咁, 係好充實! 係咪?

學 霖 山 莊 提到...

有否發覺...
在市道唔好嘅時候...
工, 越轉越差...

人肉洗牌後,
只是從一個地府
switch 到另一個...

BTW, 希望在明天...
加油...

匿名 提到...

Samsara姐姐,

所謂既multi-tasking...其實都係「十個煲,五個蓋」既掩飾...係依個去向專,精既社會,咁去要求d員工表演分身...其實真係講唔過去...

至於Interview...有陣時ak真係會覺得,其實佢係唔係以拖延戰略黎測試interviewee既耐性...依個係唔係interview既一部份...

C.M. 提到...

香水姐姐:

放心啦,好快雨過天晴... 卦...

(屋漏兼逢連夜雨,你都咪話唔扎洗)

匿名 提到...

應該係: ....咦!有落雨咩!....

再進一步: ...咦!有冇落雨, 都一樣! 有咩問題?"

野蠻郡主 提到...

但係依家個巿唔係應該好左d咩?

Blogger70th Floor 提到...

點解我地處境咁似既?

開支票?
will send u an excel script tomorrow

Samsara 提到...

永恆哥哥:我比人串呀家陣,佢仲要係vip,無得還手。

豬豬妹妹:我真係有太多雜務啦,連電話線、lan、broadband、router、firewall...都要搞埋,我唔識嫁喎。

大師:你係講真定講笑嫁?病態睹徒既定義係:越輸越興奮...你還好嗎?

又,無論你有錢定無錢,我都係咁鍾意你嫁!

Derek哥哥:我只係要個interviewee等15分鍾,無要佢等一兩個鍾。不過我要揾一個好脾氣有耐性既人,佢咁一個電話打來,我即刻見佢,兩分鍾之後送去佢。阿姐真係唔適合依份工。

Gideon:填表係要睇你手字係咪凡人可以辨認,真係有人係大學畢業都唔識寫字。填漏會令人覺得你唔小心...咁睇佢請乜野人啦,但係小心始終都係一個優點law。

惡妹:咁依個人就誇張d,time management咁差都有。

On Dog哥哥:我真係要封你做偶像呀,咁正能量既你。

係,我好變態地overall job satisfaction高過上一份,之前真係太無助太hea啦。如果我可以去到落唔落雨都無分別,咁就真無敵囉。

AK哥哥:我仲一直以為可以multi-task係我既value添,不過依個情況我只可以頂到短時間。

我好少要interviewee等既,我好心急想請人嫁嘛。但係你見人時,都唔會次次準時出現啦,唔係擺款,係真係忙到luck look。

CM哥哥:你依排成日串我既,係咪?你認唔認?我家陣只有工作工作工作,一d火都無,閙都無氣。

學霖哥哥&郡主妹妹:巿道究竟係好左定差左定一樣?真係一個謎。我識人大半年都揾唔到工,又識人send兩份resume就揾到。

對於揾工我都係果句,無話好唔好,只有岩唔岩,好大程度係彩數來。

七十:係囉,又會咁岩既?Send來睇下。

李小球 提到...

噢......關於你俾個vip串的問題,令我諗起我個朋友仔尋晚食飯同的講的野:

「你知唔知呀,我地銀行條hotline,其實係某個同事的直線電話黎架。」

C.M. 提到...

危樓姐姐:

可以send 多份 Excel Script比我得唔得呀?

香水妹妹:

... 冤枉呀...